online
Jafnvel hinn minnsti froskur er mikill í sínum eigin forapolli

 



Ég um mig frá mér

Synir mínir

baby
baby development
Eiginmaður

Fésbók

Mæspeis

Nostalgía

Sexy pin-up girls and their robot lovers

Gamlar ritgerðir

Kennsluréttindi

Kunningjabloggarar
Sbs
Elín - LYKILORÐ
Bogi
Íris
Tinna
Syneta
Unnur
Illfygli
Barbietec
Frú Jóhanna
Skrudduhugs
Skrattakornið
Bryndís RuthDeeza's Diner
Þrítug og þreytt húsmóðir
Egill

Ókunnugir bloggarar
Dr. Gunni
Magga og hausinn
Konan sem kyndir ofninn sinn

Blogglausar síður
RetroCrush
Archie Mcphee

 


Eldra efni
október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 nóvember 2006 desember 2006 janúar 2007 febrúar 2007 mars 2007 apríl 2007 maí 2007 júní 2007 júlí 2007 ágúst 2007 september 2007 október 2007 nóvember 2007 desember 2007 janúar 2008 febrúar 2008 mars 2008 apríl 2008 maí 2008 júní 2008 júlí 2008 ágúst 2008 september 2008 október 2008 nóvember 2008 febrúar 2009 maí 2009


Bedda

Berglind Björk Halldórsdóttir Bedda's Facebook profile
 
mánudagur, desember 31, 2007  
1. Ég er búin að týna símanum mínum. Hann týndist einhvers staðar í jólaösinni held ég. Bara að láta vita ef svo ólíklega vildi til að einhver hafi verið að reyna að ná í mig. Kann bara ágætlega við þetta símaleysi og hef engin áform um að fá mér nýjan á næstunni.



2. Gleðileg jól allir og allt svoleiðis. Jólin voru ekki eintómur draumur í dós hér því strákarnir eru búnir að vera veikir frá því á Þorláksmessu. Baldur er að skríða saman en Halldór er nú kominn með 40 stiga hita og ég hef verið pikkföst við hann í sólarhring. Rétt skrapp niður núna til þess að fá mér kókglas og blogga í hvelli svo þessar jólanektarmyndir blasi ekki við fram á nýja árið. Fengum margt góðra gjafa. Ég er loksins orðinn stoltur eigandi skínandi fínnar Kitchenaid hrærivélar þökk sé eiginmanninum sem veit þó innst inni jafn vel og ég að hún á eftir að verða jafn mikið notuð og saumavélin sem ég keypti í á múgæsingarsölu í sumar og er enn í umbúðunum. Fékk líka alls konar föt, inniskó, nuddtæki, steikarhnífa ofl og Hannes fékk að sjálfsögðu: Hvernig á að gera konuna sína hamingjusama bókina - ekki frá mér þó - heldur frá Sæma en hann er það góður vinur okkar og tíður gestur að ég þykist ekkert vera í góðu skapi fyrir framan hann ef ég er það ekki svo hann hefur séð hvað ég er mikill skaðræðsigripur. Skemmtilegast var að hjálpa strákunum með sína pakka en jólin eru einmitt ein af topp fimm ástæðunum fyrir því að eignast börn. Ekki spyrja mig hverjar hinar fjórar séu samt. Svo heyrist mér fólk vera það ánægt með gjafirnar frá mér að ég er að hugsa um að fara að gefa út gjafahandbók. Ég er svo kulsækin að ég keypti þær allar á netinu og má m.a. nefna Betty Crocker uppskriftabók, notuð (vintage) kopar smákökumót, tannstöngla með bacon bragði, biblíubingó, jóðlandi gúrku, glósubók til þess að semja sína eigin flóttaáætlun komi til uppvakningafaraldurs, vekjaraklukku með fuglahljóðum, hlaupmót í líki heila ofl. ofl.



3. Við brugðum okkur á Jesus Christ Superstar á laugardaginn. Ég fór fyrst og fremst til þess að slefa yfir Krumma og Jenna sem ég og gerði en tónlistin var líka þrusuvelútfærð. Það vantaði þó einhvern neista, eitthvað sem ég kem ekki orðum að og mér tókst alla vega að sofna tvisvar. Mæli samt alveg með þessu en þá sérstaklega að sitja framarlega svo maður sjái ofan í hljómsveitargryfjuna, flottir fýrar þar.

4. Gleðilegt nýtt ár. Ég hef ekki tíma til að lesa gamalt blogg og tína til það sem upp úr stóð hjá mér á árinu. Í fljótu bragði man ég eftir því að ég eignaðist eitt barn í viðbót og læknaðist af sjóndepurðinni. Ekki þó á sama tíma. Svo dó Hneta, blessuð sé minning hennar. Ég varð líka þrítug en það var engin sérstök pomp og pragt í kringum það. Já by the way þá læt ég hér fylgja textann og lagalistann í Pottþétt Beddu og Reif í Hannes diski ársins fyrir þá sem ekki fengu hann í jólagjöf:



Pottþétt Bedda og Reif í Hannes

30 ára afmælisútgáfa


1977_Yes Sir I Can Boogie_Baccara
1978_Do Ya Think I'm Sexy?_Rod Stewart
1979_Tragedy_Bee Gees
1980_Another One Bites The Dust_Queen
1981_Don't You Want Me?_Human League
1982_Eye Of the Tiger_Survivor
1983_Beat It_Michael Jackson
1984_Wake Me Up Before You Go Go_Wham
1985_Take On Me_Aha
1986_Final Countdown_Europe
1987_Bad_Michael Jackson
1988_Welcome to the Jungle_Guns N Roses
1989_Eternal Flame_Bangles
1990_Ice Ice Baby_Vanilla Ice
1991_Bring the Noise_Anthrax_Public Enemy
1992_ Smells Like Teen Spirit_Nirvana
1993_Killing in the Name_Rage Against the Machine
1994_Sweater Song_Weezer
1995_Bullet with Butterfly Wings_Smashing Pumpkins
1996_Nancy Boy_Placebo
1997_Firestarter_Prodigy
1998_Dragula_Rob Zombie
1999_All the Small Things_Blink 182
2000_Feel Good Hit of the Summer_Queens of the Stone Age
2001_Chop Suey_System of a Down
2002_Hate to Say I Told You so_Hives
2003_Seven Nation Army_White Stripes
2004_Franz Ferdinand_Take me Out
2005_Filthy Gorgeous_Scissor Sisters
2006_Knights of Cydonia_Muse
2007_Grace Kelly_Mika

Uppspretta disksins í ár var þrítugsafmæli húsfrúnnar. Villtu afmælispartýi var frestað sökum lítilla barna og buru en ef hún hefði verið haldin hefði eitthvað þessu líkt eflaust ómað úr hátölurunum. Hér er stiklað á stóru og fæti drepið niður á helstu slagara hvers árs fyrir sig. Það var af nógu af taka (þótt sum ár hefðu vissulega verið tónlistarlega skemmtilegri en önnur)og tók uppröðun á diskinn endalausum breytingum allt fram á síðustu stundu sem rann að lokum út í sandinn og diskurinn þar við sat. (Það vantar t.d. Adam Ant, Milli Vanilli, Metallicu, Marilyn Manson ofl. ofl.) Við reiknum þó með að allir komist í partýstuð við áhlustun og viljum nota tækifærið og bjóða handhöfum disksins til 31 árs afmælisveilsu, föstudaginn 4.júlí 2008. Nánari tilhögun augýst síðar.

Ástarkveðjur
Ykkar yndislegu að eilífu
Hannes & Bedda



5. Nýársheitið mitt er einfalt. Að vera fullkomin. Ég ætla að vera fullkomin eiginkona, móðir, vinur og starfsmaður. Ég byrja 1.janúar 2008. Fylgist spennt með.



12/31/2007 06:21:00 f.h.

sunnudagur, desember 23, 2007  
Allt á suðupunkti í jólaundirbúningnum, hávaðarifrildi, grenj og læti, sem sagt allt eins og það á að vera. Í tilefni Þorláksmessu ætla ég í fyrsta og líklegast eina sinn að birta nektarmyndir af mér hér á blogginu og rifja þar með upp einfaldari og ástríkari tíma þegar ástin sveif yfir frosnum vötnum og það þurfti ekki að reka Hannes út með látum til að setja upp seríurnar eða gera eitthvað jólalegt. Talandi um smákökur....svona var stemmningnin fyrir 10 árum síðan:










12/23/2007 02:33:00 f.h.

föstudagur, desember 21, 2007  
Fyrir þá sem ekki vita það nú þegar þá vinn ég sem sagt við að skrá niður allar auglýsingar sem birtast í íslenskum dagblöðum. Það er svolítið erfitt fyrir kaupfíkla eins og mig að láta dingla fyrir framan sig öllum þeim yndislegu gerviþörfum sem í boði eru daginn út og inn en það er önnur saga. Það sem ég vil býsnast yfir núna er auglýsing frá Frón sem hefur verið mér virkilegur þyrnir í augum á þessari jólavertíð (smellið á myndina til þess að stækka hana:




Hér er verið að höfða til nostalgíunnar, ömmuímyndarinnar og þeirra hlýju tilfinninga og minninga (raunverulegra eða fjölmiðlaskapaðra) sem vakna með okkur þegar við hugsum til þess að sitja í eldhúsinu hjá ömmu með nýbakaðar smákökur og mjólk. En það er bara svo margt rangt við þessa mynd.

1. Þær eru báðar í sparifötunum. Maður bakar ekki í sparifötunum.

2. Þær eru með svuntur og ofninn er opinn sem gefur til kynna að þær séu nýbúnar að baka piparkökukarlana sem amman heldur á. Piparkökukarlarnir eru hins vegar greinilega verksmiðjuframleiddir, allir eins og allir fullkomlega lagaðir

3. Segjum sem svo að þær hafi verið að baka sem þær hafa þó ekki verið að gera, þá skilur maður ofninn ekki eftir opinn á meðan maður er að stússa eitthvað annað, sérstaklega ekki þegar það eru börn í eldhúsinu.

4. Amman er búin að taka kökurnar úr ofninum, af bökunarplötunni og raða þeim á disk. Af hverju er hún enn þá með pottaleppana á höndunum?

Svo er verið að auglýsa tilbúnar hunangskökur og búið að teikna ör á milli þeirra og piparkökukarladisksins. Af hverju eru ekki bara hunangskökur á disknum in the first place? Bæði hunangskökurnar og piparkökurnar eru verksmiðjuframleiddar hvort er. Og hvað er málið, er verið að hvetja ömmur til þess að kaupa þessar hunangskökur og þykjast hafa verið að baka þær? Eða að bjóða barnabörnunum í heimsókn, leyfa þeim að skella einhverju deig-gumsi á plötu en svissa svo á þeim og fullkomnu kökunum ef þær heppnast ekki sem skyldi? Meiningin er þó að öllum líkindum sú að maður þurfi ekki að hafa samviskubit yfir því að baka ekki sjálfur. Önnum kafnar framaömmur geta alveg stytt sér leið með því að kaupa verksmiðjuframleiddar kökur og enn haldið í heimabakaða ömmufílinginn og glatt fjölskylduna. En af hverju ekki að hafa bara mynd af nútímalegri konu (eða karli) að opna kökupakka fyrir framan spennt börn? Kannski af því að við vitum að það jafnast ekki á við heimabökuðu kökurnar. Að staðgengillinn verður aldrei eins góður og fyrirmyndin. Jafnvel þótt einhverjar brenni og aðrar falli er það hugurinn sem skiptir mestu máli, alúðin, að hafa búið eitthvað til í höndunum og svo auðvitað ilmurinn sem fyllir húsið. Eflaust eiga börnin í dag eftir að eiga alveg eins notalegar jólaminningar um útúrstressaða foreldra að gefa þeim kökur úr pakka og ég á um mína afslöppuðu búttuðu kleinubakandi ömmu. Þau þekkja náttúrulega ekkert annað. En eigum við þá ekki bara að hætta að þykjast. Það er ekki bæði haldið og sleppt í þessum málum. Því miður.



12/21/2007 03:26:00 f.h.

fimmtudagur, desember 20, 2007  
Það má vel vera að ég hafi fallið á lokaprófinu sem ég tók í morgun, hafi fengið stöðumælasekt því það var of löng biðröð í pósthúsinu og sé komin með nokkrar huge ass bólur á fésið svona rétt fyrir hátíðarnar en ég á alla vega 8 sortir af heimabökuðum smákökum í handraðanum.



Segið svo að ég hafi ekki forgangsröðina á hreinu.



12/20/2007 04:59:00 f.h.

föstudagur, desember 14, 2007  


Það kemur sér oft vel að vera latur. Þar sem við erum ekki enn búin að setja upp útijólaljósin er engin hætta á að þau fjúki í burtu.



12/14/2007 09:54:00 f.h.

fimmtudagur, desember 13, 2007  
My loony bun is fine Benny Lava!



Takk Svaný



12/13/2007 02:52:00 f.h.

 
Ókei, nú er ég hætt að kaupa handa strákunum en sem viðauka við jólagjafafærsluna hér fyrir neðan verð ég að minnast á að ég fór í Einu sinni var fyrir jólasveinana og þeir munu m.a. gefa ýmsa plastkalla í skóinn og sem lokagjöf skopparakringluna sem ég birti mynd af áður og svona kall í dós. Baldur kemur með okkur að velja gjöf fyrir Halldór en svo lofa ég að ég er hætt. Ég viðurkenni alveg að þessi dótakaup eru 90% gerð vegna eigin ánægju því ég spurði Baldur Rökkva hvað ég ætti að gefa honum í jólagjöf. Hann hugsaði sig um í smástund og sagði svo: ...kannski sokka?



12/13/2007 02:11:00 f.h.

miðvikudagur, desember 12, 2007  

Jólaverk


Hmmm. Ég er í þessum skrifuðu orðum að fægja silfrið með því að láta það liggja í vatni á álpappír í fótanuddtækinu hans Hannesar. Það tekur svolítið sjarmann af þessu.



12/12/2007 11:32:00 e.h.

mánudagur, desember 10, 2007  
Loksins kom að því að ég datt í lukkupottinn. Haldið þið að ég hafi ekki unnið í ferðahappdrætti 9. bekkjar Austurbæjarskóla!


Sæl.
Vinningur á 1023 er úr , tyggjó og gömul bók.
Vinningar eru í stofu 210.


Kannski ætti ég að sækja þetta og hafa sem varajólagjöf ef einhver birtist óvænt. Nahhh ég á nóg af svoleiðis gjöfum á lager. T.d. afmælistónleika BM Vallá, hitabrúsa merktan Steypustöðinni og öll Extreme myndböndin á DVD.



12/10/2007 03:46:00 e.h.

 


Hannes gerði jólakransinn í ár sökum mikilla anna hjá mér og tókst bara ljómandi vel upp, takið eftir halanum, a nice touch.

Ég gerði hins vegar piparkökurnar, en leiðbeiningarnar á Kötlu piparkökumixinu týndust og hvergi var hægt að nálgast þær á netinu. Ég tók sénsinn og bætti bara mjólk í en þær urðu auðvitað seigar og vondar. Sem betur fer kom tengdamamma til bjargar og leyfði mér að gera karla og kerlingar úr sínu heimagerða deigi. Þetta var eiginlega eins og sagan um stolnu kökurnar í Dýrunum í Hálsaskógi. Oftast borgar sig ekkert að stytta sér leið. Svo var ég að finna leiðbeiningarnar áðan og þær eru alveg heillangar og það á víst að setja smjör og síróp og ég veit ekki hvað saman við! Þvílíkt rugl. Fólkið sem nennir að setja það drasl í hlýtur nenna að setja þurrefnin saman sjálft. Annaðhvort ættu þeir að gera þetta þannig úr garði að maður þurfi bara að bæta vökva eða að hafa deigið tilbúið, selja það úr kælinum. Ussumfuss.



12/10/2007 04:31:00 f.h.

föstudagur, desember 07, 2007  


Bloggfærsla fyrir þá sem eru nógu skyldir okkur til þess að þurfa að gefa okkur jólagjafir

Já já börn eiga allt of mikið dót og allir eiga of mikið af öllu og hvað á að gefa þem sem á allt og það þarf ekkert að gefa nema ást og umhyggju og samveru og bla bla bla ég veit það og það er allt gott og blessað en hér koma samt jólagjafahugmyndir:

Stórfjölskyldan er svo strjál eitthvað að stundum heldur maður að maður sé búinn að segja öllum eitthvað en er svo ekki búinn að því því einhver var að vinna eða eitthvað þegar maður sagði það. Ef ég hins vegar set eitthvað á bloggið virðast allir vita það þannig að ég ætla að setja hér inn það sem við gefum strákunum í jólagjöf svo menn gefi ekki það sama.

Ég vildi upphaflega gefa þeim tréleikföng (eða svona helst ekki mikið plastdót sem blikkar með pirrandi tónlist) en svo réði ég ekki við mig. Baldur er orðinn svo tækjaklár og maður vill styðja við bakið á honum. Hvar hefði Mozart endað ef pabbi hans hefði ekki gefið honum píanó?...eða þannig. Við gefum honum samt ekki hljóðfæri, en þið megið alveg endilega gera það sko. En anyway:

Baldur fær barnaútvarp/geilsaspilara til að hafa inni hjá sér og 100 íslensk barnalög cd frá okkur og barnatölvumús, lyklaborð og tölvuleik frá bróður sínum.

Við erum ekki búin að ákveða gjöf fyrir Halldór en það verður að öllum líkindum eitthvað einfaldara í sniðum.

Ég vill ekki stinga upp á neinu sérstöku til að spilla ekki val- og sköpunargleði gjafagefandans en ef ykkur vantar hugmyndir þá eru náttúrulega gazilljón skemmtilegir hlutir í Toys'RUs og Just4kids. Ég fór þarna og varð miklu æstari en drengirnir. Þeir voru sallarólegir en ég sá fram á að þurf að eiga nokkra tugi barna í viðbót til að geta svalað minni eigin leikfangadellu. En það eru MIKLU eigulegri og fallegri hlutir í búðunum Einu sinni var við hliðina á ísbúðinni, Völuskrín á Laugavegi við Hlemm, Liggalá á Laugavegi og í Börnum náttúrunnar Skólavörðustíg.

Með DVD og CD er kannski öruggara að spyrja mig fyrst hvort hann/þeir eigi þær fyrir.

Svo eru það spil, bækur og fatnaður en í fatnaði þá notar Baldur núna 98 (3 ára) og Halldór 80 (1 árs)

Svo getið þið fjölskyldur okkar líka hringst á ef þið viljið ekki gefa það sama eða eyðileggja surpræsið.

Varðandi okkur þá er ekki hægt að klikka með eitthvað sem hægt er að borða eða baða sig upp úr.



12/07/2007 11:23:00 e.h.

fimmtudagur, desember 06, 2007  
Ahhhhh þarna prumpaðist loks út afurð undanfarinna nátta

Ferilmappa

Grútleiðinleg aflestrar að sjálfsögðu en sjáiði hvað forsíðumyndin af mér er dramatísk! Öh já og talandi um myndir, Jónsi ef þú lest þetta þá klíndi ég mynd af þér þarna líka og vitna í eitthvað ímyndað samtal sem við áttum aldrei en ég var í tímaþröng og bjóst ekki við að þú myndir vilja fá símtal til þess tala um kennslufræði kl. 4 að nóttu. Vona að þér sé sama.



12/06/2007 04:12:00 f.h.

þriðjudagur, desember 04, 2007  
Í færslunni hér að neðan misritaði ég orðið eiginmaður sem eiginmenni. Ég leiðrétti það strax en sé eftir því núna. Þetta er hörkuflott orðskrípi sem ég ætla að nota meira framvegis. Eiginmenni. Var ég virkilega að finna það upp? Eiginmenni mitt vaskaði upp í morgun. Hér er Bedda ásamt eiginmenni sínu að ganga til kirkju. Karlmannlegt því það minnir á ofurmenni en þó undirgefið því það minnir líka á vélmenni. Merkilegt.



12/04/2007 04:10:00 f.h.

 
Búin að kaupa mér gálgafrest. Færi ég eiginmanni, móður og tengdamóður bestu þakkir fyrir að skemmta börnunum um helgina á meðan ég hamaðist á lyklaborðinu. Náði að skila vinnuskýrslu en þurfti að fá frest á verkefnisskilum í skólanum til miðvikudagsmorguns og þarf svo að fara í sjúkrapróf 19 des. Jólaundirbúningurinn verður því jafnknappur í ár og endranær en gjafirnar eru þó allar á leiðinni þökk sé e-bay. Keypti mér líka nýjar gallabuxur og legstein fyrir hundinn í leiðinni.



12/04/2007 04:02:00 f.h.

laugardagur, desember 01, 2007  
Ohhhh, ef mér gæti alltaf liðið eins og mér líður eftir einn lítinn bjór gengi mér mun betur á öllum sviðum lífsins. Spurning um að fara til læknis, villa á sér heimildir og verða sér úti um geðlyf með sömu verkan. Þau hljóta að vera til. Ekki get ég verið síþambandi bjór, það fer alveg með línurnar.



12/01/2007 03:40:00 e.h.

 
This page is powered by Blogger.