|
|
Jafnvel hinn minnsti froskur er mikill í sínum eigin forapolli
|
|
| |
|
|
| |
|
|
|
|
|
| |
fimmtudagur, mars 30, 2006
!!!!!TIL HAMINGJU MEÐ 32 ÁRA AFMÆLIÐ HANNES ÞÓR BALDURSSON!!!!!
3/30/2006 04:01:00 f.h.
miðvikudagur, mars 29, 2006
Kann ekki við annað en að skella inn færslu en lengri verður hún ekki þar sem ég á svo afskaplega annríkt. Verði í bandi þegar um hægist. Góðar stundir.
3/29/2006 12:18:00 f.h.
miðvikudagur, mars 22, 2006
Ástkær eiginmaður minn mun leika á bassa með Rafgashaus á Dillon kl. 22:30 í kvöld miðvikudagskvöld stopp Dikta mun fylgja í kjölfarið stopp.
3/22/2006 12:51:00 f.h.
þriðjudagur, mars 21, 2006
Lofa skal gjörðir góðar og fær minn ástkæri eiginmaður því RISASTÓRAN plús í ástarkladdann fyrir að hafa farið út að skafa af og starta bílnum fyrir mig í morgun. Það var bara notalegt að halda til vinnu í frostinu svo árla dags en ég er í smá aukavinnu þessa dagana við forfallakennslu. Það gengur stórslysalaust fyrir sig enn þá.
Baldur Rökkvi er byrjaður á dagheimili og virðist una sér vel. Hann er líka allt annað barn heima eftir að hann byrjaði; rólegri, skemmtilegri og duglegri að dunda sér. Áður nenntum við lítið að fara með hann á opinbera staði þar sem hann varð svo fljótt þreyttur og pirraður en um daginn fannst okkur óhætt að fara saman út að borða í fyrsta sinn. Pizza Hut varð fyrir valinu. Allt gekk eins og í sögu en Baldur Rökkvi tók reyndar upp á því að kúka undir lok borðhaldsins svo við þurftum að sleppa ísbarnum í þetta sinn. Við vorum bleyjulaus og fnykurinn farinn að berast á næstu borð. Ég var samt að springa úr stolti. Ó ljúfa fjölskyldulíf.
Á sorglegri nótum þá vorum við að kveðja gamlan og góðan fjölskylduvin um helgina eftir 10 ára samveru. Ella eðla er seld. Hún var búin að vera hálf þunglynd í nýja húsinu búrlaus og allslaus. Hannes hefur svo mikið að gera í vinnunni að hann sá ekki fram á hafa tíma til að smíða nýtt búr nærri því strax og Ella var orðin hálf appelsínugul af því að hafa hírst í kjallaranum UV ljós og hitaperulaus í fleiri mánuði. Auk þess er ekki ráðlagt að hafa eðlur á sama heimili og lítil börn eða gamalmenni og þótt okkur þyki afskaplega vænt um hana þykir okkur örlítið vænna um frumburðinn. Mér leist vel á nýja eigendur sem eru ungt og samviskusamt kærustupar sem er búið smíða eðlubúr í fataskápnum sínum en ég gat þó ekki haldið aftur af tárunum við kveðjustundina. Þau eru búin að lofa að senda okkur myndir af henni af og til. Já tímarnir breytast og gæludýrin með. It's the end of an era.
3/21/2006 11:13:00 f.h.
föstudagur, mars 17, 2006
Var að klára stórskemmtilega bók sem ég fékk frá tengdamömmu í jólagjöf: The Secret Dreamworld of a Shopaholic. Alveg dásamleg. Ég átti í litlum vandræðum með að samsama mig söguhetjunni og kannaðist ósköp vel við fyrirbæri eins og að fara að kaupa varalit og stórgræða á því að kaupa tvær aðrar snyrtivörur sem maður hefði aldrei keypt annars til þess að fá frían varalit sem reynist síðan vera í ómögulegum lit og að fara í lok mánaðarins rjóð í kinnum yfir Visa reikninginn fullviss um að Visa hafi gert einhver mistök. Bókin virðist aðeins hafa haft skemmtanagildi en ekki forvarnargildi þar sem pakkar frá e-bay eru farnir að berast mér í stríðum straumum á ný. Í gær komu t.d. 9 litríkar sokkabuxur frá Japan. Þær eru gullfallegar en því miður mundi ég ekki eftir því að japanskar konur eru heldur smágerðari en íslenskar og því er klof buxnanna á miðjum lærum á mér. Þetta mun þó ganga upp ef ég tek stutt skref og geng ekki í of stuttum pilsum. Til að fá sem mest út úr sendingarkostnaðinum keypti ég líka af japönunum brjóstahaldarahlýra skreytta gervidemöntum og pallíettum. Auðvitað hef ég ekkert að gera við þessa hluti en keypti þá alveg óvart þegar ég var að leita að sokkabuxum á barnið sem vantaði virkilega. Ég keypti svoleiðis líka: 5 rússneskar bómullarsokkabuxur en þá fór ég óvart að skoða önnur barnaföt og sá svo æðislega barnaboli að ég skellti mér á einn svoleiðis en þá sá ég að þeir voru líka að selja boli í fullorðinsstærðum og þar sem ég var hvort eð er að kaupa frá þeim er gott að nýta sendinguna....og svona vindur þetta endalaust upp á sig. Á e-bay skilja seljendur og kaupendur eftir stuttar orðsendingar um viðskiptin og hér er sýnishorn af því sem skrifað hefur verið um mig:
A+++++ perfect transaction; a pleasure to do business with. Hope to see you again!Wonderful customer!!!! - Always welcome - Please visit again soon!! A+++++Great transaction!! Payment was sent right away! A++++ Ebayer!Best buyer in eBay! Prompt and Friendly...Wonderful!!!Quick response and fast payment. Perfect! THANKS!!Barely Blinked and Payment Was Here! Excellent Ebayer! Would Def Recommend!A+Wow..what a great customer! Would Def Recommend! A+ SUPER Buyer! Thanks for your multiple bids! Great Buyer, Fast Payment & Friendly, I Highly Recommend... Thank you so much for your multiple bids! Please enjoy & come back, soon!Thank you Iceland person!!!!!!!!!! :?..?:*¨¨*:?.?:*¨¨*:?.super fast payment-highly recommended?:*¨¨*:?.?:*¨¨*:?.?:Good buyer, prompt payment, valued customer, highly recommended Prompt payment. Very good to do business with!! A++ SUPER FAST PAY. HIGHLY RECOMMENDED. AAAAAAAAAA+++++++ excellent smooth transaction and payment, happy to deal with again Thanks for buying our art tile mural & your payment> A pleasure> Great customer! fast payment. Looking forward to future business! A++++++++ :?.-:¦:-?*Super Buyer!!*?-:¦:-? Recommended!:?-:¦:-?*Thanks!!*?-: Thank you for an easy, pleasant transaction.Excellent buyer. SUPER FAST PAYMENT!.??*¨¨*??.THANK YOU SO MUCH!.?*¨¨*?¸*¨¨*Perfect Customer!*¨¨*Absolutely Flawless!*¨¨*Always a Pleasure!! :0) *¨¨*Good buyer, prompt payment, valued customer, highly recommended..?:*¨¨*:?.Thanks Again!?:*¨¨*:?.A+A+A+.?:*¨¨*:?.Fantastic Customer!.?:*¨¨*:?.Fastest payment, great buyer, A++++++Very friendly and a pleasure to deal with! Hope to again!! A++++++.¸.?*¨?¨*A*¨?¨*W*¨?¨*E*¨?¨*S*¨?¨*O*¨?¨*M*¨?¨*E*¤,¸¸.?*¨¨*?C?U?S?T?O?M?E?R*¨¨*:?..?*¨¨*?.
Það væri nú ekki amalegt að vera hrósað svona fyrir eitthvað fleira í lífinu en að eyða pening í vitleysu. Hmmmmm
3/17/2006 01:45:00 f.h.
þriðjudagur, mars 14, 2006
Geðveikt fólk gerir sér víst ekki grein fyrir því að það er geðveikt. En hvað er ég þá? Hvað kallast það þegar ég fer út í hverfisbúð til þess að kaupa steinselju fyrir gæludýrið en dettur það allt í einu í hug í mannlausri búðinni þar sem ég er að handfjatla steinseljuna að afgreiðslustráknum hlyti að finnast ég vera snarklikkuð að kaupa steinselju og ekkert annað klukkan níu að morgni. Svo ég geng út úr búðinni með hangikjötssamloku og kók...og enga steinselju.
3/14/2006 11:03:00 f.h.
mánudagur, mars 13, 2006
Hvaða fjandskotans vitleysa var þetta að breyta nafni Íslandsbanka! Glitnir finnst mér afar ótraustvekjandi, sjoppulegt og ljótt nafn á banka auk þess sem ég og eflaust landsmenn flestir munu ávalt tengja það við bílalánabrask. Svo sendu þeir mér einhvern smeðjulegan geisladisk til þess bæta fyrir ósköpin. Hann fór sko beint í ruslið. Ég myndi hætta viðskiptum við þá á stundinni fyrir ósmekkleheitin ef ég skuldaði þeim ekki svona mikinn pening. Fussum svei!
3/13/2006 01:59:00 e.h.
laugardagur, mars 11, 2006
Voðalega finnst mér umfjöllunin um þessa tónleikaferð Ampop, Diktu og Hermigervils um landið vera súr. Þetta eru fínustu sveitir og tónleikaferðin sjálf gott mál en það er búið að blása þetta upp úr öllu valdi. Viðtölin við liðsmenn hljómsveitanna eru búin að dynja á eyrum mér undanfarna daga og bara í dag í þann stutta tíma sem ég var með kveikt á viðtækjum voru þrjú í útvarpinu og eitt í sjónvarpinu um EKKI NEITT. Enda höfðu aumingja mennirnir ekkert að segja annað en að þá hlakkaði til, tónleikaferðin ekki einu sinni byrjuð. Síðan var ég að hlusta á Rás 2 í kvöld og menn alveg að missa sig þar því það var beint spjall við umsjónarmann fyrstu tónleikanna sem voru í gangi þá. Þetta var alt í æsifréttastíl "Við vorum búnir að tilkynna að tónleikarnir myndu hefjast á slaginu níu en svo bara *(gerðist eitthvað rosalegt, snúra vitlaust tengd eða eitthvað man ekki hvað hann sagði)* og við gátum ekki byrjað fyrr en 21:10!!!" Give me a break. Þessar hljómsveitir og aðrar álíka eru búnar að halda skrilljón tónleika í borginni án þess að nokkur kippi sér sérstaklega upp við það en nú ætlar allt um koll að keyra þegar þær bregða sér út fyrir borgarmörkin. Mér finnst þetta nú bara niðurlægjandi fyrir landsbyggðarfólk. Skilaboðin sem ég fæ eru þau að landsbyggðarfólk sé svo miklir durgar og lúðar að þeir myndu aldrei borga sig inn á eitthvað annað en sveitaball nema það sé poppað og auglýst upp úr öllu valdi eins og Bylgjulestin eða hringganga Reynis Péturs um árið. Það er náttúrurlega dýrt að fara í svona ferðir og styrktaraðilar vilja fá eitthvað fyrir sinn snúð. En fyrst svo er get ég nú ekki annað en sett mig á háan lágmenningarsnobbhest og hóstað *sellout* í gaupnir mér.
Talandi um menningu og útvarpið þá er ég svolítið eftir á og var fyrst núna að uppgötva allar upptökurnar sem hægt er að hlusta á á Rúv síðunni. Því miður er bara hægt að hlusta tvær vikur aftur í tímann. Það væri ekki vitlaust af þeim að stofna svona netgagnasafn eins og á mbl.is svo gullmolar falli ekki í gleymskunnar dá. Ég veit að þeir eru geymdir í safninu hjá Rúv en þar rykfalla þeir bara. Ég var að hlusta á stórkostlega þætti með Lísu Páls: Er ofbeldi fyndið, en því miður hef ég misst af fyrstu tveimur. Þættina má finna hér en sá þriðji (með viðtali við Úlfhildi Dagsdóttur um líkamlegar hryllingsmyndir undir lokin) þurrkast líklega út á morgun. Mæli líka með viðtali við Kristínu Einarsdóttur þjóðfræðing í fjórða þætti um börn og ofbeldishúmor. Gott fyrir þig að hlusta á þetta mamma því þú hafðir svo miklar áhyggjur af hryllingsmyndaáhuga mínum á sínum tíma. Þetta var bara meinhollt, heilbrigt og hreinlega gáfumerki mamma mín. Síðan fyrir fólk í barnapælingum er gott að hlusta hér á :Hve glöð er vor æska. Segir frá sláandi rannsóknum sem sýna fram á að þær uppeldisaðferðir sem kenndar eru af heilbrigðisstéttum hér á landi valdi hreinlega heilaskemmdum á ungbörnum og leiði til hegðunarvandamála í framtíðinni. Mikið er ég fegin að hafa rekist á þennan þátt því það hafa einmitt runnið á mig fleiri en tvær grímur í öllu þessu flóði ráðlegginga sem yfir mann hafa gengið síðan ég átti barnið. Maður er náttúrulega óöruggur í þessu stússi og trúir öllu eins og nýju neti þótt það stangist ef til vill á við manns eigin sannfæringu. T.d. fór ég á námskeið hjá svefnráðgjöfum Landspítalans þar sem kennt var mikilvægi þess að horfast ekki í augu við börnin ef maður þyrfti að sinna þeim á nóttunni, kenna þeim að sofna sjálf, láta þau grenja smá og ekki halda í hendina á þeim, ekki leyfa þeim að sofa uppí hjá manni o.sfrv. Mér fannst þetta svo harneskjulegt að ég hætti fljótlega að fara eftir þessu en var með bullandi samviskubit yfir því að nú hlyti ég að vera að kenna barninu slæma siði með því að knúsa það og kyssa þangað til það sofnaði og leyfa því að koma uppí. Samkvæmt þessum rannsóknum er það það allra besta fyrir barnið og annað getur hreinlega verið skaðlegt. Ég þarf auðvitað ekki rannsókn til að segja mér að það sé gott knúsa barnið mitt en það eru allt of margir sem taka rannsóknir of alvarlega og fylgja ekki innsæinu. Og nú er innsæi mitt að segja mér að þetta blogg sé orðið allt of langt og væmið og kominn sé tími til að fara að sofa. Ég ætla hins vega að hunsa það og fara að horfa á Saw II og brjóta saman þvott.
3/11/2006 03:13:00 f.h.
miðvikudagur, mars 08, 2006
Það er gott að rekast á merki þess að maður hafi valið rétta leið í lífinu öðru hvoru. Slíkt merki rakst ég á í dag þegar ég var að fletta bleðlinum Birtu og rakst á auglýsingu um skóinnlegg. Skóinnlegg þessi voru sérhönnuð fyrir háhælaða skó og ígangendur þeirra. Ég gafst upp á því fyrir löngu að ganga í slíkum búnaði og hef aldrei litið til baka ...nema einu sinni þegar ég féll fyrir pari fyrir nokkrum árum og lét glepjast. Þeir voru lengi uppi í skáp því mér fannst tilefnið aldrei hæfa skónum en þegar ég loks lét verða af því eitt tyllikvöldið horfði eiginmaður minn forviða á mig og gaf til kynna að ég væri álíka kjánaleg og flóðhestur í Tékk Kristal. Það fór lítið fyrir skemmtun það kvöld sökum sársauka og misstigninga og var það hreinn unaður að ganga heim á sokkabuxunum með skóna undir hendinni í frostinu í lok nætur. Ég gaf skóna svo frá mér daginn eftir (hefur þér gengið betur með þá Svaný systir?). En anyway. Ég hef leitt hugann að því hvort þetta gætu hafa verið byrjendaörðugleikar og hvort það væri þess virði að reyna við þetta aftur (ég er nú ekki há í loftinu og myndi ekki slá hendinni á móti smá yfirsýn) en eftir að hafa skoðað þessa auglýsingu er ég sannfærð um að hælalausa leiðin hafi verið sú rétta. Þetta er heil lína af vörum sem eiga að geta minnkað þrýsting og eymsli og núningssár af völdum slíks skótaus og af því má draga þá ályktun að slík óþægindi séu óhjákvæmilegur hluti þess að brúka það. Það sem sannfærði mig endanlega var það sem mátti sjá letrað utan á einn pakkann ef vel var að gáð: "Help prevent the burning pain in the balls of your feet". Hvernig væri bara að koma í veg fyrir að þennan sjálfskapaða brennandi sársauka með því að vera í öðruvísi skóm!? Djöfulsins vitleysa.
3/08/2006 10:58:00 e.h.
þriðjudagur, mars 07, 2006
Ekkert spennandi að gerast enn nema í draumheimum. Dreymdi að ég væri Eiríkur Hauksson með tannspangir að stjórna Innlit Útlit en var fljótlega rekinn því ég lét taka myndir af mér í keppni íslenskra getrauna um flottasta typpi landsins. Hún er eflaust vandfundin sú draumaráðningabók sem getur afruglað þessi skilaboð undirmeðvitundarinnar.
3/07/2006 12:58:00 f.h.
fimmtudagur, mars 02, 2006
And there's always something in the air, sometimes, suds & soda mix ok with beer
Deus miðar komnir í hús. annað er eiginlega ekki í fréttum. Lífið er í einhverri biðstöðu eins og er.
3/02/2006 01:17:00 f.h.
|
|
| |
|
|
|
