laugardagur, febrúar 28, 2004
!!!TIL HAMINIGJU MEÐ AFMÆLIÐ MAMMA!!!
2/28/2004 01:32:00 e.h.
föstudagur, febrúar 27, 2004
Guð er hrekkjóttur. Hann er sérfræðingur í að deila út hamingju í litlum skömmtum svo stóru skammtarnir af óhamingju sem bíða handan við hornið verði ekki eins óbærilegir. Í gær fékk ég smáskammt af hamingju þegar ég kom heim og fann umslagið með þvottaefnisbréfinu á gólfinu. Í dag kom ég heim og fann umslag frá RÚV. Tækjaleitunardeildin hefur ákveðið að rukka afnotagjöld af okkur ár aftur í tímann. 30.000 kall, gjalddagi 1. mars. Hvað ætli ég hefði getað keypt marga pakka af þvottaefni fyrir það?
2/27/2004 05:31:00 e.h.
fimmtudagur, febrúar 26, 2004
Það er svo gaman að fá pakka! Í dag þegar ég kom heim úr vinnunni beið mín lítið, feitt og litríkt umslag á gólfinu. Í því var lítið feitt bréf af þvottaefni og ég varð ofsalega kát. Það er gaman að fá ókeypis dót og litlar útgáfur að stærri hlutum eru fyndnar og sætar. Ég gat ekki stillt mig um að fara strax og setja í þvottavélina en það gæti haft ófyrirsjáanlegar afleiðingar. Hannes er nefninlega með ofnæmi fyrir öllu vellyktandi þvottaefni og þess vegna verðum við alltaf að kaupa Neutral. Boooring, en hvað gerir maður ekki fyrir ástina? Jæja, ég vona að útbrotin verði farin fyrir brúðkaupið.
2/26/2004 07:43:00 e.h.
miðvikudagur, febrúar 25, 2004
Jæja, tíminn er að renna út á að fara í eitthvað grenningarátak fyrir brúðkaupið. Bumban lafir yfir gallabuxurnar og um daginn spurði einn krakkinn á leikskólanum mig hvort ég væri með barn í maganum. Í gær fór ég með Bryndísinni á kaffihús og lýsti þessum áhyggjum mínum fyrir henni á meðan ég skolaði djúpsteiktu laukhringjunum niður með bjór. Bókmenntafræðingurinn var ekki lengi að kæta mig og gaf mér þessa bók:
Ég ætla því nú að fara að fá mér snarl og kúra mig með bókina upp í sófa. Góðar stundir.
2/25/2004 07:04:00 e.h.
mánudagur, febrúar 23, 2004
Jæja...nú þarf ég að fá mér svona rafmagnsól svo fólk geti gefið mér straum þegar því finnst ég vera búin að drekka nóg því það er nú fullreynt að ekki er ÉG dómbær á það. Skemmti mér samt stórkostlega á laugardagskvöldið þótt ekki hafi ég gerst svo fræg að fara út úr húsi. Alli baun sem býr í Noregi en er hér í heimsókn kom einmitt í heimsókn...til okkar með svona home videós frá baunatímabilinu. Þarna var efni frá tónleikum, æfingum, fylleríum og utanlandsferðum hljóns'tarinnar og ég held ég hafi aldrei hlegið jafn mikið á ævinni. Vinnufélagi minn kom líka í heimsókn og hún hló jafnvel meira þótt ekki hafi hún þekkt til baunanna áður. Rommflösku síðar vorum við ekki tilbúin til að hætta að hlæja og settum því Tenacious D DVD-inn á og ohhh mææææ gaaad that is some funny shitt men. Fyndið fannst mér það áður en vó maður. Ég man ekki hvernig kvöldið endaði en ég vaknaði heil á húfi fyrir utan hlátursharðsperrur og óþarflega mikla timburmenn sem fóru ekki vel með bollukaffiboðum sunnudagsins. Ég er nú loksins búin að jafna mig enda átti ég ótrúlega ljúfan dag í vinnunni. Ég leysti nefninlega af á yngstu deildinni og þar sofa krílin öll í einn og hálfan tíma. Ég gat því troðið mig út af fiskibollum með bræddu smjöri og lagt mig með þeim eftir matinn. Ég var örugglega fyrst að sofna og síðust til að vakna í slefpolli um tvöleytið og fór þá bara beint í kaffi. Eftir kaffið mitt þá var kaffitími hjá krökkunum og endalaust mikið af rjómabollum. Helvíti fínt. Ég þarf að reyna að láta færa mig um deild maður. Þetta er lífið.
2/23/2004 10:45:00 e.h.
sunnudagur, febrúar 22, 2004
Höfuð verkjar.
2/22/2004 01:44:00 e.h.
föstudagur, febrúar 20, 2004
Snemma beygist krókurinn! Þarna er ég 6 ára gömul c.a. 1984 þegar ég fór að taka Adam Ant og Human League fram yfir Dýrin í Hálsaskógi. Frekar undarlegt að vera svona mikil beiba í barnæsku en breytast hægt og bítandi í lúða með aldrinum. Er þessu ekki venjulega öfugt farið? Oh well...ég er a.m.k. enn þá með góðan tónlistarsmekk. Ástæða myndbirtingarinnar er sú að við fjárfestum nýverið í skanna og nú sit ég hér við tölvuna og skanna inn minningar. Ágætt viðfangsefni í svona vondu veðri. Það hlýjar manni um hjartaræturnar.
2/20/2004 10:01:00 e.h.
fimmtudagur, febrúar 19, 2004
Ju minn eini hvað Dr. Darcy Tyler í Grönnum er mikill skúrkur og bragðarefur!!! Algjör vondikall. Skyldi hann komast upp með þetta? Ég sit límd.
2/19/2004 06:49:00 e.h.
miðvikudagur, febrúar 18, 2004
Fokkings bögg í vinnunni alltaf hreint. Ég væri alveg til í að vinna á færibandi. Ég yrði alsæl hvar sem er svo lengi sem ég þyrfti ekki að tala við neinn og fengi að hafa vasadiskó. Á dögum sem þessum er gott að heimsækja síður eins og þessa hér og þessa til að halda geðheilsunni.
2/18/2004 07:17:00 e.h.
mánudagur, febrúar 16, 2004
Jæja, hversdagslífið hefur hafið sína vikulegu hringrás á ný og ég búin að biðja flesta sem ég hitti aðfaranótt sunnudags afsökunar. Nóttin endaði nefninlega á heiftarlegu frekju- og hálfvitakasti og almennum óskemmtilegheitum en ég skammast mín og ætla að bæta mig í manna- og drykkjusiðum í nánustu framtíð. Ég er a.m.k. búin að ákveða að drekka bara sprite í brúðkaupsveislunni. Better to be safe than sorry.
Fyrir utan þetta var laugardagurinn frábær. Við Hannes, mamma hans og systir rúntuðum á milli herrafataverslana og fataleiga í leit að klæðnaði fyrir stóra daginn. Hér má líta myndir af mögulegum átfittum:
  
Erfitt er að finna eitthvað Hannesarlegt í herrafataverslunum og er hann því enn fatalaus. Síðast þegar ég heyrði í honum var hann að hugsa um að hringja í Pál Óskar eða búningadeild Þjóðleikhússins.
Eftir indælan dag fengum við okkur indælan kvöldverð á Carpe Diem með afa og ömmu Hannesar. Síðan var haldið á vit næturinnar og kvennarokksins. Einhvur útlensk sveit að nafni Harum Scarum átti að spila á Grand Rokk en okkur var alveg sama um það. Við fórum þangað til að sjá mun merkari sveit, hið íslenska Brúðarband spila á sínum fyrstu opinberu tónleikum. Meðleg í því eru vinnufélagi minn, bloggkunningi og fimm aðrar föngulegar meyjar með rokk í hjarta og brúðarklæði um líkama.
Stórfengleg frammistaða! Ég réði mér ekki af kæti og klappaði svo mikið að bjórinn skvettist yfir mig alla og fólkið í kring. En fólkinu var alveg sama, því það var líka svo kátt. Ef þær verða ekki komnar með plötusamning við Geffen og flognar til úgglanda eftir mánuð ætla þær að spila í brúðkaupinu okkar! Jeiii. Kickass!!!
Sá súrrealíski atburður gerðist einnig þetta kvöld að hljómsveitin Spírandi Baunir kom saman í fyrsta sinn í 5 ár og það í heilar 5 mínútur. Fyrir þá sem ekki til þekkja er þetta gamla hljómsveitin hans Hannesar sem hann leiddi í kjól með fjólubláar krullur og bangsa að vopni árin 1996-1997.
Það fer eflaust ekki mikið fyrir þessari hljómsveit í þjóðarvitundinni en eftir hana liggur þó titillinn "Athyglisverðasta hljómsveit Músíktilrauna árið 1996", ein spurning í Popppunkti og nokkur hundruð geisladiskar sem kúldrast hér inni í skáp eftir að Hljómalid hætti. Einhverjir mógúlar í Japis gengu á bak gerðra samninga og neituðu að dreifa diskunum í verslanir á sínum tíma. Forsetakosningarnar voru í algleymingi og eitthvað fór coverið fyrir brjóstið á þeim:
Eins og sönnum listamönnum sæmir neituðu Baunirnar að breyta umslaginu og því fór sem fór. Rokklíferni, stelpuvandræði, lygavefir, listrænn ágreiningur, valdabarátta og barneignir urðu svo til þess að hljómsveitin gliðaðist í sundur. Liðsmennirnir fjórir hittust þó af tilviljun allir á Grand Rokk á laugardagskvöldið. Grái fiðringurinn fór um þá og þeim tókst að fá lánuð hljóðfæri og troða sér upp á svið. Þar tóku þeir eitt lag með stökustu prýði en var því miður ekki leyft að taka fleiri. Ef ég hefði verið við stjórnvölin hefði ég sent þessa Harum Scarum píur aftur heim til sín og leyft Baununum og Brúðarbandinu að rokka alla nóttina.
    
En sú var ekki raunin. Harum Scarum stóðu fyrir svo miklum bölvuðum hávaða og tónlistarmisþyrmingu að ég fór í hundvont skap. Síðan var ég farin að drekka ótæpilega mikið af Baccardi Breezer Watermelon sem loksins er farið að selja hér á landi. Þessir tveir þættir plús það að ég var á túr ollu að lokum fyrrnefndu frekju- og hálfvitakasti sem ég ætla ekki að hafa fleiri orð um.
Enn og aftur bið ég þá sem ég olli að einhverju leyti óþægindum afsökunar, þeim hinum sömu og og öðrum þakka ég þó fyrir frábært kvöld.
Því miður hef ég ekki tóndæmi af Brúðarbandinu en hér má þó finna lag með Spírandi Baunum.
2/16/2004 07:57:00 e.h.
föstudagur, febrúar 13, 2004
Gjörsamlega búin á því eftir hroðalega viku og hroðlegheitin skrifast öll á kvenkyns leikskólastarfsmenn sem geta ekki drullast til að mæta í vinnuna þrátt fyrir smá slappleika. Nýtt met var slegið. Af 14 starfsmönnum voru aðeins tveir sem mættu alla daga í þessari vinnuviku: ég og nýja stelpan sem veit ekki enn að slíkur aumingjaskapur þykir sjálfsagt mál á þessum vinnustað. Mér finnst að við ættum að fá fokkings konfektkassa eða eitthvað. FOOOOKKK.
2/13/2004 07:57:00 e.h.
Erum komin með dunk af vínberjasafa og geri inn í þvottahús sem verður ef allt gengur að óskum orðið að hinu fínasta brúðkaupsvíni eftir 10 daga.
2/13/2004 01:03:00 f.h.
miðvikudagur, febrúar 11, 2004
We're busted! Það hlaut að koma að því. Tækjaleitunardeild RÚV bankaði upp á áðan. Ég hef átt von á þeim í sex ár en samt var ég algjörlega óviðbúin þegar stundin rann upp. Allar lygaflækjur sem ég hafði ofið í huga mér gleymdust enda var sjónvarpið stillt á hæsta styrk og illmögulegt að láta eins og þáttastjórnendur Íslands í dag væru í heimsókn hjá mér. Þetta fór þó betur en á horfðist. Fyrsti gíróseðillinn kemur mars og ekkert verður rukkað aftur í tímann. Enda voru þetta engir harðjaxlar heldur einhver óttaleg grey sem væru örugglega á örorkubótum án þessarar vinnu. Ég veit ekki hvort parið var skömmustulegra við eða þau. Enda er þetta fáránlegt kerfi. Þetta á að sjálfsögðu að vera hluti af skatti allra lansdsmanna enda fásinna að reikna með því að einhver markverð prósentutala hafi hvorki aðgang að útvarpi né sjónvarpi. Fojj bara.
Við fórum í bólusetningu í gær vegna brúðkaupsferðarinnar. Okkur verður víst ekki hleypt inn í Ecuador nema við framvísum skírteini sem staðfestir að við séum ónæm fyrir gulusótt. Lækninum fannst því vissara að bólusetja okkur fyrir henni og fjórum öðrum sjúkdómum eins og lifrarbólgu A, barnaveiki, mænusótt og einhverjum sem ég man ekki hver er. Við fórum í þrjár sprautur í gær og tvær seinna. Sprauturnar voru ekkert slæmar og ég er hæstánægð með töffaralegu marblettina sem ég fékk en það var næstum því liðið yfir mig þegar kom að því að borga. 10.000 kall á mann takk fyrir. Ef við tökum malaríu- og niðurgangslyf í þokkabót er það 5000 kall á mann svo allt í allt er þetta heill 30.000 kall. Freeekar súrt. Gætum þurft að taka lán fyrir brúðkaupsveislunni ef hún á að ná upp í nös á ketti.
Mér leið hálf-undarlega eftir sprauturnar svo ég fékk mér Megavikupizzur og systkini mín komu í heimsókn með þessar undarlegu myndir sem ég ráðlegg engum að sjá:
 
Gaman að því.
2/11/2004 10:17:00 e.h.
mánudagur, febrúar 09, 2004
Hún mamma mín er yndisleg. Ég hringdi heim seint í gærkvöldi og þá var hún á fullu að gera einhverja brokkólíböku og pönnukökur með kræklingi fyrir saumaklúbb sem átti að vera í kvöld. Hún þurfti að undirbúa þetta allt í gær því hún var að vinna til kl. 19 í kvöld og klúbburinn byrjar kl. 20. Ég hringdi svo aftur heim í kvöld rétt fyrir klúbbinn en þá gat hún ekki talað því hún var á fullu að taka til og kveikja á kertum. Pabbi fór með systkini mín á heillanga mynd í bíó svo kellurnar gætu verið í friði. Síðan hringir mamma í mig kl. 20:30. Þá var enginn komin enda varð mömmu allt í einu ljóst að saumaklúbburinn átti að vera ANNAÐ KVÖLD!!!! Þarna sat hún svo alein umkringd kertaljósum og kræklingapönnsum á meðan fjölskyldan var í bíó. Hvernig er þetta hægt!?
2/09/2004 11:32:00 e.h.
!!!VARÚÐ!!! Það lítur út fyrir að þetta blogg muni minna óþyrmilega mikið á Brúðkaupsþáttinn Já á næstunni.
Hurrðu....Veit einhver um skemmtilegan prest? Einhvern svona góðlegan og prestalegan. Erum alveg í vandræðum því við höfum ekki beint haft mikil samskipti við presta í gegnum tíðina. Við höfum ekki haft tíma til að fara í kirkju og njósna um þá en höfum skoðað myndir á netinu og þeir hafa allir litið frekar skuggalega út hingað til. Mér finnst þessi Þórhallur rauðhærði í Hafnarfirði sem heldur öll hjónanámskeiðin samt algjör dúlla.
Hefur einhver verið í veislu meðDiskótekinu Ó Dollý ? Hljómar lúðalega en þeir eiga góðar græjur og eru með ljósashow. Ég myndi alla vega að láta þá fá margra blaðsíðna óskalagalista to be on the safe side. Annars var ég að pæla í að downloada og brenna á fullu en það er frekar stressandi og svo gæti alltaf eitthvað klikkað. Og hvað ef enginn dansar? Fólk kynni varla við annað ef það væri þarna eitt stykki diskótek....eða hvað? Fer væntanlega eftir vínmagninu.
Við höfum bara farið í eitt almennilegt brúðkaup um ævina (og það endaði með skilnaði) svo allar upplýsingar væru vel þegnar.
2/09/2004 01:22:00 f.h.
föstudagur, febrúar 06, 2004
Jæja, boðskortin ættu að vera komin í hús og kötturinn loksins kominn úr pokanum. Þann 3. apríl verð ég heiðvirð kona. Við ákváðum að slá tvær flugur / veislur í einu höggi og þrítugsafmæli Hannesar og brúðkaupi saman. Þetta ætti ekki að koma neinum á óvart enda höfum við verið trúlofuð síðan Hannes poppaði spurningunni í Amsterdamferð fyrir nokkrum árum. Við erum ekki mikið rjómatertubrúðkaupsfólk og svolítið eins og fiskar á þurru landi í öllum þessum undirbúningi og veseni en vonandi fer þetta allt vel að lokum. Manni verður svolítið flökurt af að skoða þessa brúðkaups.is vefi og sjá skref fyrir skref undirbúningsáætlanir sem eiga að hefjast a.m.k. ári fyrir atburðinn. Það er nú svolítið eins og að byrja jólaföndrið í janúar finnst mér. Við erum búin að vera að pæla alvarlega í þessu frá því um áramótin og erum komin með eftirfarandi á hreint:
Kirkjan er bókuð :
Torfkirkjan í Árbæjarsafni
Salurinn bókaður :
Salur iðnaðarmanna fyrir ofan American Style, vinalegur og kósí, vantar bara kick ass skemmtiatriði og skreytingar
Brúðarkjóllinn:
Kjólinn sem mamma gifti sig í þegar hún var komin þrjá mánuði á leið með mig. Amma mín heitin saumaði kjólinn og mamma og pabbi eru enn þá voðalega skotin í hvort öðru svo það hlýtur að vera rosalega gott karma að gifta sig í honum.
Veislustjóri:
Jónsi!
Ekkert annað er komið á hreint. Það vantar sárlega föt á Hannes drottningu kvöldsins- það eru aldrei til nein almennilega flott sparikallaföt. Við höfum ekki efni á veisluþjónustu svo við höfum hugsað okkur að hafa kalt borð og kökur og níðast á ættingjum til þess að elda gumsið. Síðan þarf að huga að presti, organista, TÓNLIST, fornbíl, víni, skemmtiatriðum, förðun, hárgreiðslu, nærfötum, skarti, skreytingum, brúðarvendi og síðast en alls ekki síst:
Brúðkaupsferðinni
Í boðskortunum tókum við fram að okkur vantaði ekkert í búið en að frjáls framlög í brúðkaupsferðarsjóð væru vel þegin. We need all the help we can get því við höfum ákveðið að leggja í mánaðarferð til Suður-Ameríku, nánar tiltekið Ecuador og Galapagos eyja þremur dögum eftir veisluna. Við þurfum að redda okkur sjálf flugi til Ecuador en síðan ferðumst við með litlum hópi og guide um landið og gistum m.a. nokkrar nætur í kofa í Amazon frumskóginum. Í lok ferðar er 10 daga sigling um Galapagos eyjar þar sem við getum heimsótt forfeður eðlunnar okkar. Spennó! Samt smá hræðilegt því það er víst ekki bara verið að ræna ferðamenn þarna heldur einnig verið að ræna ferðamönnum. Ekki beint til í það í brúðkaupsferðinni. Ætluðum fyrst að fara til Tahiti og flatmaga á ströndinni og drekka kokkteila úr kókoshnetum en svo gátum við ekki hætt að hugsa um hina ferðina. 2 vikur á Tahiti yrðu jafn dýrar og þessi mánaðarferð svo ég held að það sé ekki spurning.
2/06/2004 11:30:00 e.h.
fimmtudagur, febrúar 05, 2004
Þetta er vonlaust. Ég held að ég hafi ekki rokkfingur.
2/05/2004 09:34:00 e.h.
miðvikudagur, febrúar 04, 2004
Oh það er svo gaman að uppgötva nýja hluti/sjónvarpsþætti sem kæta mann. Ég hafði heyrt allt þetta hype um The Office þættina sem voru á RÚV í fyrra en bara hreinlega trúði því ekki. Ákvað þó að gefa fyrsta þættinum í nýju seríunni séns og þvílík ósköp kætti hann mig. Yyyyndislegur. Af öðrum toga, öðru þjóðerni, á annarri stöð, öllu ósmekklegri, ekki eins fyndnir en næstum því jafn yndislegir eru svo Simple Life þættirnir með Paris Hilton og Survivor All Stars. Síðan horfi ég að sjálfsögðu grimmt á Extreme Makeover og Svínasúpuna í ruglaðri dagskrá. Ég er farin að merkja við með yfirstrikunarpenna í dagskrá vikunnar og miða allt mitt litla líf við þessa gleðigjafa. Ofan á allt þetta bætist að það er ómögulegt að slíta sig frá 70 mínútum eftir að Pétur Ding Dong bættist við. Ég er að reyna að minnka við mig í Judging Amy, Scrubs, og Paradise Hotel en það er sárt. Ég er þræll kassans.
Í gær varð ég þó fyrir vissum innblæstri til að slökkva á seglinum og taka mér gítar í hönd. Ég hef eins og flestir alltaf ætlað að læra á gítar en vonbrigðin yfir því að hljóma ekki strax eins og rokkstjarna eftir að hafa náð fyrstu gripunum voru mér ofviða. Þetta er svipað og að kaupa sér árskort í ræktina og hætta eftir nokkur skipti því það sést enginn munur. Sem ég hef auðvitað einnig gert. Anyway. Í gær horfði ég á DVD mynd sem ég gaf systkynum mínum í jólagjöf í þeim tilgangi að geta horft á hana sjálf. Tenacious D - Complete Masterworks. Ju minn eini í himnum hvað það var mikið rokk! Ég hefði aldrei trúað því að það væri hægt að rokka svona mikið á kassagítara. Þeir eru bestir í heimi! Uppáhalds smuppáhalds hljómsveitin mín í dag. Ólýsanleg sæla hríslaðist um kropp minn og ég ákvað á stundinni að æfa mig á hverjum degi þar til ég veit fyrir víst að ég sökka á gítar. Farin að æfa.
We are fuelled by Satan,
Yes we're schooled by Satan.
Fuelled by Satan!
Writin' those tasty riffs
just as fast as we can.
Schooled by Satan!
2/04/2004 09:09:00 e.h.
sunnudagur, febrúar 01, 2004
TIL HAMINGJU MEÐ AFMÆLIÐ SVANÝ SYSTIR!
Hún er nú hvorki meira né minna en 19 ára. Þrátt fyrir háan hita og hósta mætti hún galvösk í afmælisveisluna sína sem haldin var hjá systur hennar (mér) í gær. Afmælisveislan var afmælisútgáfa af okkar klassísku hryllingsmyndakvöldum. Í þetta sinn voru heimabakakar pizzur í staðinn fyrir Domino's, afmæliskaka sem kviknaði í og gamanmyndir í bland við hrylling. Svaný kom reyndar ekki niður pizzunum og var í móki yfir myndunum en við hin skemmtum okkur a.m.k. konunglega.
Myndir kvöldsins:
Puppetry of the Penis - dásamleg sýning sem sýnd var fyrir tómu húsi í Austurbæjarbíói (ég, Svaný systir og c.a. 20 aðrir perrar) í fyrra. Okkur þótti hún svo frábær að þegar við komum auga á hana á DVD í Laugarásvídeói urðum við að leyfa hinum í fjölskyldunni að njóta.
Run Ronnie Run. Ljómandi skemmtileg white trash gamanmynd. Táraðist nánast og vantaði sárlega kveikjara þegar Every Rose has it's Thorn með Poison hljómaði.
Willard. Yndislega creepy. Crispin Glover er snillingur.
Grim. Ótrúlegt rusl og leiðindi. Eftirfarandi comment sem ég sá á Imdb segja allt:
"This movie does not deserve to be on the bottom 100 list. It deserves no ranking, no mention, and no memory. If I had only one wish, it would be the absolute eradication of this title from the planet and to lock the cast and crew involved back into their time capsule."
"Some movies are fun, and funny, because they're so bad. Some are painful, because they're so bad. Then some fall into a new category. They cease to be watchable. The unintentional laughs stop. You end up sitting with your jaw hanging open in disbelief at the fact that such a movie could exist. This, obviously, is one of those movies."
"There's a lot of walking in this movie. People walk up and down, side to side and all over! There are even scene's where the characters walk off into the background while the camera stays at the scene for unnecessarily long times. But they continued walking. So if you like walking, then this movie is for you. "
Yndislegt
2/01/2004 01:18:00 e.h.
|
|
