online
Jafnvel hinn minnsti froskur er mikill í sínum eigin forapolli

 



Ég um mig frá mér

Synir mínir

baby
baby development
Eiginmaður

Fésbók

Mæspeis

Nostalgía

Sexy pin-up girls and their robot lovers

Gamlar ritgerðir

Kennsluréttindi

Kunningjabloggarar
Sbs
Elín - LYKILORÐ
Bogi
Íris
Tinna
Syneta
Unnur
Illfygli
Barbietec
Frú Jóhanna
Skrudduhugs
Skrattakornið
Bryndís RuthDeeza's Diner
Þrítug og þreytt húsmóðir
Egill

Ókunnugir bloggarar
Dr. Gunni
Magga og hausinn
Konan sem kyndir ofninn sinn

Blogglausar síður
RetroCrush
Archie Mcphee

 


Eldra efni
október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 nóvember 2006 desember 2006 janúar 2007 febrúar 2007 mars 2007 apríl 2007 maí 2007 júní 2007 júlí 2007 ágúst 2007 september 2007 október 2007 nóvember 2007 desember 2007 janúar 2008 febrúar 2008 mars 2008 apríl 2008 maí 2008 júní 2008 júlí 2008 ágúst 2008 september 2008 október 2008 nóvember 2008 febrúar 2009 maí 2009


Bedda

Berglind Björk Halldórsdóttir Bedda's Facebook profile
 
föstudagur, desember 29, 2006  


Gleðilega hátíð mín kæru.

Af mér er allt gott að frétta þótt í mér sé enn sá beygur frá því fyrr í dag að mér hafi verið byrlað eitur. Það kom allt í einu ókunnug gömul kona með skotthúfu inn af götunni og gekk upp að skrifborðinu mínu í vinnunni og fór að láta gamminn geysa um daginn og veginn. Ég tók þesssu með jafnaðargeði í byrjun brosti og jánkaði öllu sem hún sagði sama hvort það var um möguleg áhrif tölvugeisla á börn í móðurkviði eða hassreykingar múslíma í Danmörku. Hún vildi endilega gefa mér fiskibollu að narta í úr poka sem hún sagðist hafa keypt í Fiskbúðinni á Freyjugötu því það væri svo gott fyrir barnið og ég píndi í mig nokkra bita á meðan hún lýsti hneykslun sinni á flugumferðarstjórum og því að nýji útvarpsstjórinn ætlaði ekki að flytja áramótaávarpið í ár. Síðan æstust leikar og hún fór meira og meira út í samsæriskenningar, eitrunina á rússneska njósnaranum og þann möguleika að einhver gæti þess vegna komið inn af götunni og sett LSD í sódavatnið mitt á meðan ég væri á klósettinu. Þá runnu á mig tvær grímur þar sem ég fór að velta því fyrir mér hvort þessi kexruglaða kerling hefði eitthvað illt í hyggju og væri að ganga um hverfið með eitraðar fiskibollur í poka. Ég veit ekki hvernig mér tókst að koma henni út að lokum en ekki var það með hjálp vinnufélaganna sem virtust allt í einu vera afskaplega niðursokknir í vinnu sína. Ég sagði eitthvað á þá leið að hún ætti nú að drífa sig heim og skrifa bók um þessar athyglisverðu kenningar sínar sem hún var hæstánægð með og sneri aðeins tvisvar við í dyrunum til að buna út úr sér einhverjum lokaorðum um niðurrifsstarfsemi vinstri flokka og veggjakrot á styttum bæjarins. Ég er búin að ropa fiskibollulykt síðan en kenni mér að öðru leyti einskis meins enn þá.

Jólin komu áfallalaust. Ég hætti að rífast í Hannesi um jólaskreytingar eftir að ég eyddi sólarhring í að pína hann til að skipta um ótal seríuperur og strengja utan um og upp á þakrennuna fleiri metra af seríuskreyttu gervigreni sem fuku í óviðrinu daginn eftir. Baldur Rökkvi var pollrólegur yfir þessu öllu saman, fannst ekkert sérstaklega gaman að opna pakkana en er hæstánægður með allt draslið sitt núna en hann fékk m.a. stóra gröfu, Mikka mús sparkbíl með hljóðum, eldhús með þvottavél, Söngvaborg 4 og skip í baðið. Við fengum m.a. Jamie Oliver kryddhristara, olíuflösku, hvítlaukspressu, 3 stóra konfektkassa, Lay Low cd, Indíánann eftir Jón Gnarr, Fermið okkur eftir Hugleik, veiðikassa, ullarnærbuxur, brjóstagjafabol, glimmerjakka, vínhirslu, gíraffakoll, baðdót ofl. Hannes gaf mér rosa bling bling skart sem ég ætla að prýða mig með á gamlárskvöld og flottan en of lítinn Puma joginggalla. Það er bara sætt að hann hafi ekki tekið eftir stækkandi rass- og læramáli mínu undanfarin ár. Ég gaf honum karlmannlegt snyrtiveski með útsaumuðum upphafsstöfum og notaða Nintendo DS leikjatölvu til að gera klósettferðirnar skemmtilegri. Gamla Donkey Kong tölvuspilið á baðinu var orðið heldur þreytt.

Tvær vikur í áætlaða fæðingu og ég er að vinna á fullu af einhverri misskilinni þörf fyrir að sýna yfirmanni mínum að óléttar konur þurfi ekki allar að vera aumingjar en er nú að spá í að hætta þessari helvítis samviskusemi eftir að ég komst að því að ég er eini starfsmaðurinn í fyrirtækinu sem fær ekki ókeypis áskrift að Stöð 2. Mig langar reyndar ekkert í áskrift að Stöð 2 en ætla að krefjast þess samt því það er ljótt að skilja útundan.

Góða nótt og gleðilegt ár



12/29/2006 03:29:00 f.h.

miðvikudagur, desember 13, 2006  


Sælt veri fólkið. Allir í jólastuði og svona...eagggi? Ég ætlaði að taka jólin í rassgatið í ár og gerði huglægan lista í sumar og ætlaði að eyða einu kvöldi í viku í jólaundirbúning fá og með 1.okt. Finna hinar fullkomnu gjafir, læra brjóstsykursgerð, að sauma út og föndra allt frá grunni og svoleiðis. Auðvitað var ekkert úr því frekar en fyrri daginn. Ég lét þó ekki hugfallast og útbjó excel skjal nú í byrjun desember yfir hvað skuli gera í viku hverri. Hann er uppi á ísskáp og þótt ég sé aðeins á eftir áætlun held ég þó að ég hafi aldrei verið eins nálægt því að vera búin að öllu eða átt eins lítið eftir en þetta eru þekktir frasar sem koma í staðinn fyrir hvað segirðu þegar maður hittir vini og kunningja á förnum vegi í desember. Reyndar setti ég mér ekkert svo háleit markmið í ár. Aðal málið er bara að ná að kaupa gjafir, koma út jólakortum, baka nokkrar smákökur og skreyta. Þrátt fyrir að dagblöðin og auglýsingarnar gefi í skyn að jólin komi ekki nema ég nái að baka enska jólaköku og búa til sultu og konfekt, mæta í hvert einasta jólaþorp, blómabúð og verslunarmiðstöð og birgja mig upp af svörtu og bleiku jólaskrauti þá er ég loksins farin að vita betur og chilla aðeins. Ég er líka orðin svo akfeit og hægfara að ég kem litlu í verk lengur. En það er allt í lagi. Hannes er búinn að fá Pólverja (af stórum og góðum Pólverjalager fyrirtækisins) í jólaheimilisþrifin svo ég er alsæl. Vona bara að barnið komi ekki fyrr en á c.a. áætluðum tíma eftir áramót.

Ég er orðin svo veraldravön og sjóuð að fylgikvillar óléttunnar sem ollu mér mikilli skelfingu síðast eru bara krúttlegir núna. Hvíti skegghýjungurinn sem farinn er að myndast í vöngunum er t.d bara jólalegur og heimilislegur. Svo er ég líka hætt að raka mig undir höndunum og alls staðar annars staðar af leti. Spurning hvort Hannesi finnist þetta eins krúttlegt og mér.

Talandi um útlit. Ég var að fá í hendurnar 60 ára afmælisrit Melaskóla. Mér þykir frekar vænt um gamla skólann minn og ákvað að kaupa gripinn sérstaklega þar sem í honum var að finna allar 12 ára bekkjarmyndir frá upphafi. Ég keypti aldrei bekkjarmyndina á sínum tíma því ég var eitthvað ósátt við hana en hélt að það hlytu bara að hafa verið gelgjustælar í mér. Ég sé það núna að ég hafði fullkomlega góða ástæðu til þess að vilja gleyma henni:



Það mætti halda að ég væri óskilgetin dóttir Sigurjóns Kjartanssonar!!! Þessi hárgreiðsla er örugglega áður óþekkt í sögu hárgreiðslna og ég veit svo ekki alveg hver pælingin á bak við þessi gleraugu var en þau entust ekki lengi eftir þetta. Við vinkonurnar vorum úti í sjoppu þegar nokkrir sætir strákar gengu inn og ég stakk gleraugunum ofan í gallabuxnavasann í veikri tilraun til þess að vera meira kúl. Síðan settist ég niður og fann ég hvernig þau brotnuðu greyin. Ég sagði mömmu og pabba að þau hefðu brotnað í leikfimi og minnir að ég hafi fengið ný út úr tryggingunum en ætli þau hafi nokkuð verið skárri.

Jæja. Ég skelli kannski hingað inn einni jólakveðju fyrir jólin en ekki mikið meira en það. Er svo búin að uppfæra síðuna hjá afkvæminu og þar munu strax birtast myndir af því nýja þegar það mætir á svæðið.



12/13/2006 01:21:00 f.h.

 
This page is powered by Blogger.