|
|
Jafnvel hinn minnsti froskur er mikill í sínum eigin forapolli
|
|
| |
|
|
| |
|
|
|
|
|
| |
fimmtudagur, maí 29, 2003
Hún María Hannesarsystir sendi mér þessar miður geðslegu staðreyndir.
10 hlutir sem þú vildir ekki vita:
1) Eftir eins tíma sundferð hefur þú komist í snertingu við hálfan lítra af þvagi.
2) Á meðaldegi kemst þú í óbeina snertingu við 15 tippi, t.d. við að taka í hurðarhúna.
3) Árleg neysla meðalmanneskju á skyndibitamat inniheldur 12 kynfærahár.
4) Á einu ári gleypir þú 14 skordýr í svefni.
5) Á einu ári heilsar þú með handabandi 11 konum sem hafa nýlega fróað sér og gleymt að þvo sér um hendurnar.
6) Á einu ári heilsar þú með handabandi 6 körlum sem hafa nýlega fróað sér og gleymt að þvo sér um hendurnar.
7) Þú andar daglega að þér hálfum lítra af endaþarmsgasi frá öðrum.
8) Tannlæknar telja að tannburstar verði að vera í a.m.k. tveggja metra fjarlægð frá klósettskálinni til að sýklar í loftinu frá skálinni festist ekki á burstunum.
9) Þú eyðir sex mánuðum lífs þíns á klósettinu.
10) Ef þú nagar neglurnar innbyrðirðu meira magn sýkla en ef þú sleiktir hreina klósettskál.
Eins athyglisvert og þetta er nú allt saman, þá vakti það mesta furðu mína að samkvæmt þessari tölfræði runka konur sér oftar en karlar. Ég hef enga trú á því. Typpi eru miklu mun handhægari og fljótvirkari að þessu leyti. Af þessu dreg ég þá ályktun að staðreyndirnar séu ekki byggðar á traustum vísindalegum grundvelli og því engin ástæða til þess að panikkera og kaupa sótthreinsaða plastkúlu til að dvelja í. Speaking of which....sáuð þið myndina Bubble Boy? Hún er ææææææði.
5/29/2003 08:14:00 e.h.
Yndislegt veður og ástin liggur í loftinu. Var úti að hengja upp þvott áðan og sá tvær hrossaflugur ríða.
5/29/2003 05:52:00 e.h.
miðvikudagur, maí 28, 2003
Ég hef stundum verið spurð að því hvers vegna svo margar kúkasögur séu á blogginu mínu. En ég spyr á móti....hvernig er annað hægt? Kúkur er stór hluti af lífi hvers manns...en þó sérstaklega þeirra sem vinna á leikskóla. Kúkurinn sem ég komst í návígi við í dag var t.d. svo sérstakur að ég bara get ekki orða bundist. Þegar við ætluðum út með krakkana í morgun, mætti okkur heldur ógeðfelld sjón. Beint fyrir framan dótaskúrinn var risastór klessa af appelsínubrúnum afar illa lyktandi mannakúk. Ég er ekki að tala um barnakúk. Þetta var mannaskítur, og ekki í föstu formi. Í kúknum var svo lítið vasaútvarp sem sökudólgurinn hefur gleymt. Við vorum bara tvö úti, ég og Þór, eini karlmaðurinn á leikskólanum. Þór varð náfölur og grænn til skiptis og virtist ekki vera líklegur til stórræðanna svo ég greip til minna ráða. Við girtum af svæðið á meðan ég græjaði mig upp í hanska og setti klósettpappír með sápu upp í nefið á mér. Svo náði ég í stóra garðskóflu og kom vandamálinu haganlega fyrir í ruslapoka sem fór út í tunnu. Þegar öllu var óhætt spreyjaði Þór svo sótthreinsandi geli út um allt. Svona getur nú leikskólalífið verið spennandi. Mér leið bara eins og Rambo.
5/28/2003 03:35:00 f.h.
mánudagur, maí 26, 2003
Ég hóf líkamsræktarátakið eins og ég ætlaði mér. Í tilefni Megaviku fór ég FÓTGANGANDI á Dominos að sækja stóru gráðostapizzuna mína. Það var laglegt!
5/26/2003 10:34:00 e.h.
sunnudagur, maí 25, 2003
Jæja þá er þetta búið. Þessi Sunnudagur er búinn að vera mun tómlegri en aðrir. Eurovisjónskrautið hangir enn þá uppi og það eru stigagjafablöð, bjórdollur og brenndar leifar af grillmat út um allt. Jarðaberjafreyðivínið sem átti að skála í þegar Ísland eða Austurríki ynnu liggur óopnað inni í ísskáp. Allt voða sorglegt eitthvað. Ég er samt ánægð með að Íslendingar hafi gefið Austurríki 10 stig. Ég hringdi að sjálfsögðu þrisvar. O jæja. Og Gísli Marteinn var frááááábær. Eftir keppnina fórum við út í pott, en Hannes og Sæmi leigðu einn slíkan í tilefni dagsins. Þeir voru á Bykokynningu og fylleríi á föstudaginn og fengu þá þessa snjöllu hugdettu. Ég varð hins vegar svo soðin eftir það að ég fór bara að sofa. Ég var líka svolítið eftir mig eftir föstudagskvöldið en þá fór ég út að borða með fyrrum starfsfélögum á Rás 2.
Það var gaman, en ég virðist því miður hafa drukkið frá mér allan Eurovisjónkraftinn. Eitt það eftirminnilegasta frá því kvöldi var þegar ég heilsaði eiginmanni Lísu Páls sem ég hafði ekki séð í nokkra mánuði. Hann horfði beint á magann á mér og sagði af einlægni "Nei sko....ertu bara komin með brauð í ofninn!" Þetta og sú staðreynd að allt vatnið skvettist upp úr pottinum þegar ég fór ofan í hann í gær hefur gert það að verkum að ég hef ákveðið að byrja að stunda líkamsrækt strax eftir helgi þótt það sé það leiðinlegasta sem ég get hugsað mér að gera. KARLMENN ATH....ALDREI SPYRJA KONU HVORT HÚN SÉ ÓLÉTT NEMA ÞIÐ VITIÐ ÞAÐ FYRIR VÍST!!! Ég er sumsé EKKI ólétt, heldur komin með örlitla bjór og velmegunarbumbu. Jæja, ég er farin niður að taka til. Síðan get ég skreytt húsið með blómum því Hannes kom með eitthvað fólk hingað snemma í morgun til þess að prófa pottinn og þar á meðal voru tvær blómasölustúlkur sem gleymdu öllum rósunum sínum. Gleðilega vinnuviku.
5/25/2003 07:28:00 e.h.
föstudagur, maí 23, 2003
Weil der Mensch zählt - Because the Human counts
Die-die Tiere dieser Erde
Die mog i ziemlich gern
Doch am allerliebsten mog i
Die-die Haserln und die Bärn
Die Bärn
The-the animals of the world
I rather like them
But more than anything I like
The-the rabbits and the bears
The bears
Es sterbn bald alle Vögel
Es sterbn bald alle Käfer
Nur im Bett da liegt der Adam
Und vermehrt sich mit der Eva
Soon all birds will die
Soon all beetles will die
Only Adam is lying in bed
And reproduces with Eve
Die Hosn leben im Woid
Die Kotzn in da Wiesn
Und die Kakerlaken
Die leben hinter die Fliesn
The rabbits live in the forest
The cats in the meadows
And the cockroaches
They live under the tiles
Klane Haserl haben kurze Naserl
Und klane Katzerl haben weiche Bratzerl
Und die Frau Holle hot gern die Wolle
Vom Tromeda aus Afrika
Little rabbits have short noses
And little cats have soft paws
And Mrs Holle likes the wool
Of the dromedary from Africa
Der-der Unterschied zwischen Menschen
Zwischen Affen und Primaten
Der-der is net vü größer
Wie bei Nudl und Fritatten
Fritatten
The-the difference between people
Between apes and primates
It-it's not much bigger
Than between noodles and pasta
Pasta
Doch wer mehr über Tiere
Wissen wü muß Biologie studiern
Oder sich im Anschluß
Auf meiner Homepage informieren
But whoever wants to know more
About animals, should study biology
Or connect to my homepage
To find it out yourself
Manche Tiere die haben Flügl
Und andere haben Flossn
Manche liegn im Freien
Und die andern in da Dosn
Some animals have wings
And others have fins
Some live outdoors
And others in cans
Klane Haserl haben kurze Naserl
Und klane Katzerl haben weiche Bratzerl
Und die Frau Holle hot gern die Wolle
Vom Tromeda aus Afrika
Little rabbits have short noses
And little cats have soft paws
And Mrs Holle likes the wool
Of the dromedary from Africa
Klane Haserl haben kurze Naserl
Und klane Katzerl haben weiche Bratzerl
Und die Frau Holle hot gern die Wolle
Vom Tromeda aus Afrika
Little rabbits have short noses
And little cats have soft paws
And Mrs Holle likes the wool
Of the dromedary from Africa
5/23/2003 02:41:00 f.h.
fimmtudagur, maí 22, 2003
Gaman að fylgjast með evróvisjónbloggi Gísla Marteins og Loga.
Gísli ætlar að segja ykkur fréttir af fundinum hjá Birgittu á eftir. En ég bara verð að tjá mig um þennan austurríska. Hann er steiktur. Hann hélt semsagt fund sem var alveg ótrúlegur og fór svo með alla útí port. Þar tók hann tíu egg og sagðist vera að gera tilraun og ætlaði að ganga á þeim. Svo hljóp hann á eggjunum sem brotnuðu öll. (Svona eins og gamli brandarinn með að klippa bindi hjá fólki, ef einhver man eftir því). Svo setti hann hænsnagrímu á sig og hljóp gaggandi útum allt. Honum er ekki beint illa við athygli. Gísli var að finna mynd af honum með sjö hatta. Það er eitthvað mál hjá honum. Mér skilst að hann sé á móti alþjóðavæðingu, hóphyggju, fjölhyggju, marghyggju, lauslæti, fólksfjölgun og bara öllu sem hægt er að vera á móti.
Hann var semsagt líka á æfingu áðan og hún er bara eins og lagið frá honum. Hann er alltaf í sömu fötunum og mamma hans er með honum á sviðinu (grínlaust - þetta er mamma hans).
Jæja. Ég segi ekki annað.
Og svo koma smá veðurfréttir frá Léttlandi: Hæg austlæg átt, hiti 13-17 stig, léttskýjað. Skyggni ágætt.
Gaman að þessu.
Logi
Það er sumsé engin spurning með hvaða lagi og keppanda parið hér á Þórsötunni heldur með. Þeir sem vilja styðja hann Alf Poier eru velkomnir til okkar í grill og Júró á laugardaginn.
5/22/2003 12:28:00 f.h.
miðvikudagur, maí 21, 2003
Í nótt dreymdi mig að ég væri að borða mannakjöt. Það var hálfsoðið, blautt og hvítbleikt. Ég man samt ekki hvernig það var á bragðið eða afhverju ég var að borða það. Eða jú, reyndar sagði ég einhverjum í draumnum að ég væri að borða það því svínakjötið væri búið. Þessi draumur var bara of skrýtinn til að segja ekki frá honum. Á draumaráðningarsíðu sem ég fann á netinu stendur að draumar um mannát séu viðvörun til dreymandans um að halda sig frá mannskemmandi hlutum. Það getur svo sem verið hvað sem er en mér varð strax hugsað til litlu systur minnar sem er að byrja í hinum harða módelbransa.
Ég fékk nefninlega ærlegan nasaþef af honum í gær þegar ég fór með henni í sjö klukkustunda myndatöku. Það eru einhverjir bransakallar - bandarískur ljósmyndari og förðunarmeistari - á landinu að taka myndir af stelpunum sem fara til New York í sumar. Það var mikil bið og ég var þarna bæði til félagsskapar og til þess að passa upp á hana því okkur finnst hún enn vera 11 ára þótt hún sé orðin 18. Mér leið eins og ísmola í helvíti. Hálfberar himnalengjur skvettust út um allt og flissuðu á meðan fertugir fagmennirnir fiktuðu í þeim með króníska bandaríska munnræpu. Ég sat þarna sveitt við að reyna að sannfæra þá um að það væri ekki flott að láta systur mína vera í engum brjóstahaldara undir bolnum og var þegar stimpluð feminísk tepra....og þegar ég skipti um útvarpsstöð sögðu þeir meira að segja að Rás 2 væri lesbísk vælukjóastöð. Þegar myndatökunni var lokið varð ljóst að fæstar myndirnar yrðu við hæfi í fjölskylduboðum.
Þetta voru samt ágætlega skemmtilegir gaurar af Bandaríkjamönnum að vera þótt perralegir væru á stundum. Förðunarmeistarinn virtist taka það sem gefið að þar sem ég væri engin skutla hlyti ég að vera gáfuð. Þegar módelin voru í herberginu talaði hann bara um brjóst, föt og kynlíf en þegar við vorum ein fór hann að blaðra um stjórnmál, trúmál, veðurfræði og náttúrulækningar. Ég hef aldrei heyrt ódrukkinn mann tala svona mikið. Hann gaf mér m.a. góð ráð til þess að laga ofnæmið hans Hannesar. Það eru víst til einhverjir svona nasatekatlar sem maður fyllir af volgu vatni og sjávarsalti og skolar nefið með:
Ég er ekki frá því að ég skelli mér bara á einn svona. Greyi drengurinn hefur ekki getað andað í gegnum báðar nasirnar í tvo áratugi. Svo eru líka til svona nasaslöngur sem maður treður upp í nefið og dregur út um munninn en ég held að við geymum það þar til allt annað hefur verið reynt.
Hins vegar eru svona tunguskraparar örugglega helvíti sniðugir:
5/21/2003 12:51:00 f.h.
sunnudagur, maí 18, 2003
Tíminn flýgur og bloggið bíður. Best að hripa eitthvað niður fyrir svefninn. Það er búið að vera brjálað að gera...hvar skal byrja...erfitt að hugsa rökrétt þegar maður er þunnur. Ég reyni.
Ég sótti um fjarnám á kennsluréttindabraut í Kennaraháskólanum. Það er ekki hægt að flýja örlögin. Kennarablóðið er í ættinni. Þegar ég var lítil sagðist ég líka alltaf ætla að verða kennari og búðarkona þegar ég yrði stór. Ég kaupi svo bara búð seinna....eða bar. Það er bráðsniðugt fyrir fólk sem er ráðvillt í starfsvali að rifja upp hvað það ætlaði að verða í æsku. Ef allir gerðu það myndi löggum og slökkviliðsmönnum að vísu fjölga allverulega....og 99% þeirra sem ætluðu að verða poppstjörnur og ballerínur yrðu þunglyndir en hey á maður ekki alltaf að halda í draumana sína? Mamma sagði að maður gæti orðið allt sem manni langaði til. Er það ekki? Er það ekki!?
Ég veit ekki hvað Svaný systir mín ætlaði að sér verða en það stefnir allt í það að hún verði súpermódel. Hún var að vappa um í Kringlunni fyrir nokkrum dögum þegar forstýra bandarískrar fyrirsætuskrifstofu pikkaði hana út og bauð henni í prufu ásamt fleiri útvöldum. Hún átti að koma með forráðamann með sér í prufuna en þar sem mamma var að vinna fór ég með. Fyrst var ég nú alls ekki hress með það, var hrædd um að ég væri ekki nógu ljót þannig að fólk gæti haldið að ég væri að koma í prufuna sjálf. Ég hefði ekki þurft að hafa áhyggjur, það ruglaðist enginn á mér og fyrirsætu. Öll gölluðu genin hafa greinilega spýst út með mér, fyrsta barninu. Síðan var þetta bara eins og í Survivor, sumir sendir heim en öðrum (þar á meðal systur minni) "boðið" á einhverja rosa sýningarhelgi í New York í sumar, myndatökur, námskeið og æfingar. Þar verður víst fullt af bransafólki að veiða nýjar stelpur. Ég setti "boðið" í gæsalappir því þær þurfa að punga út dágóðri upphæð sjálfar fyrir ævintýrið. Mömmurnar fara svo með. Mömmu og pabba líst ekkert á þetta en vilja ekki standa í vegi fyrir mögulegri frægð og frama barna sinna svo ákveðið var að slá til. Mamma og Svaný fara því til New York í sumar og mamma er að fá taugaáfall.
Af fjölskyldu minni á Auðbrekkunni er annars það fleira að frétta að hundurinn okkar Hneta er að jafna sig eftir heiftarlega rassasýkingu. Fjölskyldan tók eftir því að Hneta var hætt að dilla skottinu og að óvenju fúla lykt lagði frá óæðri enda hennar. Eins og mamma orðaði það: "Taktu verstu lykt sem þú hefur nokkurn tímann fundið, blandaðu henni við hundaprumpslykt og margfaldaðu með hundrað". Þau heimsóttu því Dagfinn Dýralækni og komust að því að einhverjir kirtlar í endaþarminum á henni voru bólgnir, hún gat ekki kúkað og ef þau hefðu ekki farið með hana til læknis hefði rassinn á henni sprungið!!! Aumingja Hneta þurfti því að láta pota upp í rassinn á sér, vera sprautuð, deyfð og tannhreinsuð auk þess sem læknirinn sagði að hún væri allt of feit. En Hneta er sem sagt á batavegi og farin að dilla skottinu aftur.
Að lokum vil ég þakka Sigrúnu Þöll tölvusnilla fyrir að koma í tölvuheimsókn í gær. Ég verð nefninlega að klára þessa heimildarmynd mína fyrir opna húsið í leikskólanum eftir rúma viku en hef ekki getað tengt vélina við tölvuna og komið klippiforritinu í gang. Ég er búin að vera að bisa við þetta sjálf á hverju kvöldi í hálfan mánuð því að ég vildi ekki trufla Sigrúnu í prófunum en var að lokum orðin alveg sturluð og hún miskunnaði sig yfir mig. Þá kom að sjálfsögðu í ljós að ég hafði verið á algjörum villigötum allan tíman að leita að einhverjum driver sem var til staðar allan tíman og jæja well....you don't wanna hear about it. Anyway, þá buðum við Sæma og Sigrúnu í bíó í þakklætisskyni. Myndin sem varð fyrir valinu var að sjálfsögðu Matrix - Reloaded
Geðveiiiiik. Var samt frekar slöpp á milli hasaratriða. Reyndar átti ég erfitt með að fylgjast með myndinni því ég var svo upptekin af því að fylgjast með því hvað Keanu Reeves er óendanlega sætur. Eftir bíó fórum við á tónleika á Grandrokk. Maus og Botnleðja. Gaman gaman. Hitti Bryndísi og við rifjuðum upp gamla tíma og fórum fremst að slamma. Gaman, gaman. Samt ekki eins gaman og það var. Ætlaði reyndar að ná að sjá Dáðadrengi sem voru að spila fyrr um kvöldið en við misstum af þeim, þ.e.a.s. spila en ég skemmti mér vel við að horfa á þá drekka bjór. Mér finnst þeir æði. Spurning um að ganga í grúppíuklúbbinn þeirra sem stofnaður hefur verið. Nahhh....orðin of gömul. Fórum svo heim að borða grillaðar pulsur í mygluðum pulsubrauðum. Ágætis helgi. Júróvisjón helgi næstu helgi. Júhú! góða nótt.
5/18/2003 11:15:00 e.h.
föstudagur, maí 16, 2003
  
Enginn tími til að blogga, en ef einhver veit hvernig hægt er að finna driver fyrir PCI Simple Communications Controller þá má sá hinn sami endilega hafa samband.
5/16/2003 12:35:00 f.h.
þriðjudagur, maí 13, 2003
Þetta var nú meiri leiðindarhelgin. Byrjaði á því að fara með leikskólastarfsmönnum í diskókeilu og lenda í síðasta sæti með 23 stig. Fór síðan í leiðindapartý þar sem ég lenti í á eintali við eina konuna sem var af einhverjum ástæðum sannfærð um að ég ætti framtíð fyrir mér í kraftlyftingum. Ég sofnaði svo í partýinu og þegar þær reyndu að vekja mig um þrjúleytið hélt ég að ég væri í leikskólanum, ussaði á þær og sagði þeim að vekja ekki börnin. Þessu var óspart hlegið að í vinnunni í dag. Fyrsti vinnudagurinn eftir starfsmannapartý er alltaf ömurlegur. Anyway, á laugardeginum eftir þynnku voru þessar leiðindarkosningar og þessi ömurlega kosningavaka. Við fórum reyndar í skemmtilegt kosningapartý til frænku hans Hannesar en eftir þrjá tíma varð mér ljóst að það yrðu engin skemmtiatriði í sjónvarpinu eins og lofað hafði verið svo ég sofnaði. Ekki seinna vænna því í svefnrofunum heyrði ég að gestirnir voru farnir að búa til sín eigin skemmtiatriði með hjálp karaókíspólu. Ég held að ég sé orðin allt of gömul og úrill til þess að standa í þessu partýveseni lengur. Ég vaknaði samt um fimmleytið þegar Hannesi fannst vera tímabært að mæta í afmæli til Spörra Jóhönnukærasta. Ekki virkaði nú alveg að vera svona fashionably late því afmælinu var löngu lokið og gestgjafarnir komnir í háttinn. Eftir þynnku á sunnudeginum tókst Hannesi, Sæma og Ásgeiri á einhvern undraverðan hátt að draga mig á kajak. Eftir að hafa borið flykkin langar leiðir og troðið sér í myglaða gallanna var komið svo mikið rok að við þorðum ekki út á sjó. Hannesi tókst samt að verða rennblautur á rassinum og fór á nærbuxunum heim og ég er að drepast úr harðsperrum. Svo kórónuðum við helgina með því að gleyma mæðradeginum og taka leiðinlega vídeóspólu: Salton Sea. Mér finnst Val Kilmer samt enn þá sætur.
5/13/2003 01:14:00 f.h.
fimmtudagur, maí 08, 2003
HOLY CRAP! Var að finna nærmynd af þeim. Ég held að ég flytji bara.
5/08/2003 10:20:00 e.h.
Hef ekki séð neinar pöddur í dag. Kannski eru þær samt bara að fela sig því ég hef ekki séð neinar dauðar heldur. Hér að ofan er betri mynd af boðflennunni. Hún er meira að segja með ekta vondukallanafn. Tribolium destructor hljómar sko miklu meira kúl en hveitibjalla. Mér til mikillar hrellingar las ég að kvenkyns pöddurnar geta lifað í tvö ár og verpa 300 til 400 eggjum. Nú veit ég líka afhverju það er fýla af þeim. Þetta eru ferómónar sem þær gefa frá sér til þess að finna maka. Á netinu er hægt að kaupa svona ferómónagildrur og allt. I'm not giving up without a fight.
5/08/2003 09:32:00 e.h.
miðvikudagur, maí 07, 2003
Hveitibjöllur hafa lagt undir sig húsið og eru nú að reyna að finna leið til þess að losa sig við mig og Hannes. Ég er sannfærð um þetta því einu sinni fann ég sex bjöllur í hóp á sófanum uppi á lofti þegar ég kom þeim að óvörum með því að koma snemma heim. Þær sneru allar hvor að annarri og voru greinilega að plotta á fullu. Fyrst fannst mér þær smá sætar og henti þeim bara út enda hef ég aldrei vísvitandi drepið neitt á ævinni. Síðan fannst mér þær viðbjóður og fór að ryksuga þær eða ná í pödduböðulinn á heimilinu. Hannes komst að því að það er geðveikt vond lykt af þeim og er hún lengi að fara af fingrum. Mesti viðbjóðurinn er þó lirfurnar en það er erfiðara að sjá þær og stundum heldur maður að þær séu hrísgrjón. Bjöllurnar héldu greinilega geðveikt partý og kynsvall á meðan við vorum í Búdapest því þegar við komum heim var eldhúsborðið þakið lirfum. Rann þá æði á Hannes sem hljóp um, reif allt úr skápunum, bölvaði og kramdi sökudólgana með mestu áfergju. Hann fann einnig aðalsukkstaðinn, sem gæti hafa verið kveikjan að þessu öllu saman: óopnaðan heilhveitipoka sem á mátti finna lítil göt hér og þar. Pokinn hafði legið aftast í skápnum síðan ég helt einhver jólin að ég ætlaði að baka flatkökur. Þá nótt dreymdi mig að pöddurnar væru að reyna að leggja undir sig heiminn og væru komnar með her og sérstakar sjálfsmorðssprengjupöddur. Hannes var ofurhetjan Pöddumaðurinn en ég vaknaði áður en ég vissi hvor myndi vinna. Ég gerði síðan sjálf þá mestu vorhreingerningu sem gerð hefur verið í húsinu, henti öllum mat og spreyjaði flugnaeitri eins og það væri air freshener. Ég hélt að ég hefði sigrað en þær eru greinilega með einhvern leynistað og eru búnar að byggja upp ónæmi fyrir venjulegu eitri. Þær dirfast enn að lalla hér um eins og þær eigi staðinn. Hannes er því miður ekki ofurhetjan Pöddumaðurinn í alvörunni og því var gripið til örþrifaráða og atvinnumeindýraeiðar kallaðir til. Þeir komu hingað í morgun með eitthvað ofureitur og nú er bara að bíða og sjá hver hlær best sem síðast hlær. Ég vona bara að eðlan og fiskarnir drepist ekki af þessu líka. Ég held að með þessum skrifum hafi mér a.m.k. tekist að drepa allan áhuga ættingja og vina á að koma til okkar í mat.
5/07/2003 08:00:00 e.h.
þriðjudagur, maí 06, 2003
Hvaða helvítis rugl er nú þetta. Það er bara skítkalt! Aumingja eðlan er úti í glugga og orðin svört af kulda. Fer og set hana í bað á eftir. Veðrið gerði það að verkum að ég hljóp um í kraftgalla í allan dag í leikskólanum og lék kuldabola. Reyndar sagði einn krakkinn réttilega að ég væri meiri kuldabelja en boli. Þegar ég kom inn úr dyrunum eftir vinnu hringdi síminn og ég var svo þreytt að ég sofnaði í útifötunum í símastólnum og svaf þar í nokkra tíma.
Þessa dagana er ég annars að gera nokkurs konar heimildarmynd um daglegt líf í leikskólanum. Hún verður svo heimsfrumsýnd á opnu húsi þar síðar í mánuðinum. Segið svo að fjölmiðlamenntun nýtist ekkert í leikskóla. Myndin verður að sjálfsögðu klippt þannig að hún sýni bara fallegu hliðarnar svo foreldrarnir geti brosað, úað og ahhað og liðið vel með að skilja barnið sitt eftir þar. Það væri samt gaman að safna saman því sem klippt verður út: ######borg 2.....what they didn't show you. Horinn, kúkurinn, slagsmálin og grenjið. Reiðin, skammirnar, reykpásurnar og klámkjafturinn. Hmmmmm.
5/06/2003 10:30:00 e.h.
sunnudagur, maí 04, 2003
Ahhhhhh, chillhelgin búin. Það er eitthvað svo gaman að chilla þegar maður veit að þúsundir annarra eru að læra fyrir próf. Mmmmmmm notó. Hannes er búin að vera í fríi alla helgina sem hefur örugglega ekki gerst í ár svo við erum bara búin að vera að slæpast, mest heima en fórum samt á Ruby Tuesdays í hádegismat og bjór, í bíltúr og sund og svona. Það er mjög sjaldgæft að Hannes nenni að chilla, hann vill yfirleitt alltaf vera að GERA eitthvað þegar hann er í fríi. Ég skildi hann eftir í smástund í gærkvöldi og borðaði á Shalimar (indverska staðnum við hliðina á kaffii Austurstræti) með Bryndísi, Maríu stóru og einhverri sjúkraþjálfarabeibu. Það var svaka gott en ég mæli ekki með tígrisdýrabjórnum sem þar fæst, hann er afar bragðvondur.
 Við drykkju hans rifjaðist þó upp fyrir mér og Bryndísi sagan um litla svarta Sambó, en í þeirri sögu hlupu tígrisdýrin svo hratt í kringum pálmatréð að þau urðu að tígrisdýrasmjöri sem mamma hans litla svarta Sambós, svarta Mumbó notaði til þess að baka pönnukökur. Það var nú skemmtileg saga en mig minnir að það sé búið að banna hana í Bandaríkjunum því hún þykir ekki pólitískt rétthugsuð. Meira að segja Dodda bækurnar hafa verið ritskoðaðar út af svartálfunum (sjá fyrir og eftir myndir hér að neðan:)
 
Það er alltaf gaman að skeggræða bókmenntir við hana Bryndísi enda eru bókmenntafræðingar með eindæmum brenglaðir í hugsun.
Ekki fyrir svo löngu birtist einhversstaðar grein eftir íslenskan bókmenntafræðing um barnabókina Skoppu þar sem rök voru færð fyrir því að höfundur bókarinnar hafi verið upptekinn af sadó-masókisma vegna sambands skopparakringlunnar Skoppu við svipuna í lokin sem var sú eina sem gat látið Skoppu skoppa (sem sagt fá fullnægingu).
Anyway, eftir matinn fórum við heim á Þórsgötunna að spila kana og fyrsta Trivialið frá '85. Tveir drengir voru þar fyrir í heimsókn hjá Hannesi svo það voru strákar á móti stelpum. Með geimveruna Bryndísi í fararbroddi niðurlægðum við drengina all svakalega með vitsmunum okkar en sömdum þó um jafntefli í lokin til þess að skemma ekki kvöldið. Síðan fóru allir nema ég í bæinn en ég frétti að einhver hljómsveitargaur hefði reynt að kaupa buxurnar utan af Hannesi. Sem betur fer gat hann ekki staðgreitt svo Hannes þurfti ekki að fara buxnalaus heim.
5/04/2003 06:06:00 e.h.
|
|
| |
|
|
|
