laugardagur, janúar 31, 2004
Þetta er alveg óheyrilega skemmtilegur leikur sem lyftir andanum og lífgar upp í hversdagslífið.
1/31/2004 01:21:00 e.h.
föstudagur, janúar 30, 2004
Wasabi er ekki gott með Þorramat.
1/30/2004 11:09:00 e.h.
miðvikudagur, janúar 28, 2004
Nú er sko gaman í tölvunni maður! Það kom nefninlega eitt stykki tölvustrákur til okkar í gær og gerði vorhreingerningu í henni. Hún er nú miklu hraðari og skemmtilegri með sniðugum forritum sem ég kann ekkert á og svo keyptum við sjónvarpskort og sex hátalara! Nú get ég hlustað á eðaltónlist í botni á meðan ég glápi á sjónvarpið og blogga í auglýsingahléi. Brilljant. Ekki nóg með það, heldur fengum við okkur þráðlaust ADSL sem þýðir að þegar Hannes er heima (lesist: vinnufartölvan hans er heima) get ég bloggað um allt hús, meira að segja á klósettinu. ég er samt ekki á klósettinu núna en ef ég blogga einhvern tímann á meðan ég kúka, I'll be sure to let you know.
1/28/2004 09:45:00 e.h.
þriðjudagur, janúar 27, 2004
Good. You know your music. You should be able to
work at Championship Vinyl with Rob, Dick and
Barry
Do You Know Your Music (Sorry MTV Generation I Doubt You Can Handle This One)
brought to you by Quizilla
Grunaði ekki Gvend. Nú þarf ég að gá hvort ég komi ekki auga á atvinnuauglýsingu þar sem óskað er eftir manneskju með minn afburðartónlistarsmekk og þekkingu. "Láttu þig dreyma. Það eru meiri líkur á að þú vinnir í Happdrætti Háskólans"
1/27/2004 08:50:00 e.h.
sunnudagur, janúar 25, 2004
Það er ekki mikil blogglöngun hjá mér þessa dagana vegna uppreisnar heimilistölvunnar. Það eru alskonar vesen í gangi, örugglega einhvers konar vírusar. Kann ekkert á þetta. Vatt mínu kvæði í kross og eyddi deginum í að flokka alla reikninga og kvittanir ársins 2003 í handhæga möppu. Reyndar var hún ekki svo handhæg því hún var fjögurra gata og gliðaðist öll í sundur eftir því sem meira fór í hana. Til hvers eru fjögurra gata möppur framleiddar anyways? Það er ómögulegt að gata blöðin rétt og svo hálfopnast járnin alltaf og allt hrynur út um allt. Óþolandi.
Fór á þorrablót Hannesarfjölskyldunnar í gær sem er venjulega gaman en ekki í þetta skiptið því ég drakk pilsner í stað bjórs. Pilsnerinn var vissulega bragðbetri en mun stuðminni og ekki hvetjandi til fjöldasöngs. Það hafði nefninlega samband við mig kona fyrir helgi og bað mig um að taka sig í einkatíma í ensku á sunnudögum. Ég vildi ekki klúðra fyrsta tímanum og því tók ég þessa afleitu ákvörðun. En einkatíminn gekk ágætlega.
1/25/2004 05:05:00 e.h.
miðvikudagur, janúar 21, 2004
Jæja þetta gengur ekki lengur. Ég hef enga afsökun. Bloggleysið að undanförnu hefur eingöngu stafað af síðbúinni jólaleti. Best að klína hér inn jóla- og ferðaminningunum áður en þær renna gjörsamlega saman við heilagrautinn minn og týnast þar.
Ég var að sjálfsögðu íðilfögur bæði á jólum
og áramótum
Hannes var svolítið pirraður á öllum þvælingnum á okkur og vill að við verðum tvö ein um næstu jól. Við borðum nefninlega alltaf í sitthvoru lagi hjá foreldrum okkar. Síðan þegar allir eru komnir vel á veg í pakkaopnun kemur Hannes til okkar og við opnum pakkana okkar sem eru þar. Síðan förum við til fjölskyldu hans, sýnum hvað við fengum og opnum pakkana okkar sem eru þar. Yfirleitt förum við svo aftur til fjölskyldu minnar að sýna hina pakkana og endum svo loks heima hjá okkur um miðja nótt þar sem bíða okkur jólakort, pakkar frá vinum og pakkarnir til hvors annars. En mér finnst þetta fyrirkomulag frábært. Það er um að gera að draga þetta sem lengst og svo eru pakkar líka æðislegir. Fjölskylduhundurinn okkar hún Hneta er sammála mér en hún fékk m.a. þessa fínu jólaköku fyrir hunda í jólagjöf:
Gjafirnar sem við fengum voru heldur ekkert slor:
Mamma og pabbi gáfu okkur straubretti með þessu fína straubrettaáklæði sem er þeirrar náttúru að óvæntur glaðningur kemur í ljós ef þú ert nógu duglegur að strauja.
Auk þess fengum við m.a.: sippuband sem telur kaloríur, innrammaða mynd af nashyrningum að ríða, servíetturhringi sem eru mörgæsir, litla saumavél, kertastjaka sem er jólasveinn að hlýja sér á bossanum yfir kerti. Limbó/Radíus/Tvíhöfða á DVD, Dr. Gunna diskinn, skemmtilegar bækur, vettlinga, sundskýlur og handklæði fyrir pottinn, ótalmargt fleira sem ég man ekki í augnablikinu, striga, pensla og þessi fínu fiskverkunaroutfitt svo við subbum ekki á fötin okkar við listaverkagerð. Allur er varinn góður enda kunnum við ekkert að mála.
Eitt það skemmtilegasta sem ég gerði um hátíðirnar var samt að hitta gömlu vinkonurnar mínar úr grunnskóla. Við hittumst á nokkurra ára fresti og rifjum upp sömu gömlu sögurnar og þær eru alltaf jafn fyndnar...þegar ég hélt afmælisveislu fyrir Michael Jackson...þegar einhver missti næstum því tána í afmælisveislu...þegar annar gubbaði ógeðslegesta gubbi í heimi í sex ára bekk... Ég klökkna bara. Hér eru þær elskurnar: tveggja barna móðir í Reykjavík, starfsmaður EFTA í Brussel og ljósmyndari á Ítalíu.
GLASGOW
Eins og áður hefur komið fram bauð pabbi Hannesar allri fjölskyldunni til Glasgow í tilefni fimmtugsafmælinsins og var þetta alveg einstaklega frábær ferð. Hér á eftir kemur klassísk ferðasaga dag fyrir dag:
Aðalsöguhetjurnar eru: Baldur (höfuð fjölskyldunnar og afmælisbarn), Guðný (móðirin), Elín (eldri Hannesarsystirin og 25 ára afmælisbarn), María (yngri Hannesarsystirin), Hannes (frumburðurinn) og viðhengið hans: Bedda
Föstudagurinn 2.jan
Vöknuðum 4 um nótt eftir tveggja tíma svefn, redduðum neyðarvegarbréfi og framlengingu uppi á velli og flugum af stað eftir smá töf. Skítalykt og frost í lofti þegar við komum í borgina en hótelið Gullni túlípaninn var fínt og eftir smá rölt um verslunargötuna fannst öllum þetta æðisleg borg. Eftir smá snarl (sem var samansett af alls konar smáu góðgæti: smáum rúnstykkjum, smáum-múffum, smábitum af kjúlla og smáu kexi með smárri skinku og smáum osti) fengu allir sér lúr. Við héldum af stað í heillanga veitingahúsaleit því Elín átti afmæli og við vildum finna góðan stað. Vegna dómgreindarleysis sem svengd og pirringur olli enduðum við á frekar glötuðum Tapas bar með drulluskítugum borðum þar sem við fengum drykki í drulluskítugum og fitugum glösum. Maturinn var svo sem allt í lagi en þjónarnir voru alltaf að klúðra málunum og færa okkur eitthvað sem við pöntuðum ekki og Baldur fékk ekki einu sinni mat fyrr en allir hinir voru búnir að borða. Við ákváðum bara að næsti góði matur sem við fengjum yrði afmælismálsverðurinn hennar Elínar í staðinn fyrir þennan. Fórum að sjálfsögðu á pöbb og svo á hótelið í nætursjónvarp og svefn.
Ég má til með að minnast á hina stórkostlegu matvörubúð sem við stunduðum í ferðinni. Þar var alls konar skrítinn og skemmtilegur matur til, þ.á.m. breski eftirlætiseftirrétturinn "spotted dick" sem ég bragðaði að sjálfsögðu. Hann var nú ekkert spes en það voru hins vegar uppáhaldsmatvælin mín sem ég fann þarna mér til mikillar kæti: Kelloggs Crunchy nut - red morgunkorn og Baccardi Breezer Watermelon í lítersflöskum:
Laugardagurinn 3.jan
Tímdum ekki að fá okkur morgunmat á hótelinu svo við röltum í bæinn og fengum okkur beikon, pulsur, bakaðar baunir o.s.frv. Karlmennirnir og Bedda fóru síðan á pöbb að horfa á Celtics/Rangers leik á meðan dömurnar versluðu. Síðan fórum við í ferð með sightseeing bus um alla helstu túristastaðina sem var æðislegt þótt við skildum ekkert sem guide-inn sagði út af hreimnum.
Hannesarsysturnar hugsi í sightseeing bössi
Borðuðum á Pizza Hut um kvöldið og á leiðinni þangað skeit dúfa á hausinn á Elínu. Fórum síðan á írskan pöbb (Molly Malone's - nefndur eftir þekktri gleðikonu) þar sem fáránlega góð hljómsveit var að spila alla helstu slagarana í dag. Pöbbnum var síðan lokað á skikkanlegum tíma (11:30) eins og öllum breskum pöbbum. Fyrst fannst mér lokunartíminn fáránlegur en nú hef ég skipt um skoðun og finnst að Íslendingar ættu að taka sér þetta fyrirkomulag til fyrirmyndar. Það þarf nefninlega að hafa vit fyrir fólki og hætta leik er hæst hann stendur. Gamanið kárnar nefninlega alltaf eftir að lengra líður á nóttina og glösunum fjölgar auk þess sem morgundagurinn er gjöreyðilagður af svefni og/eða vanlíðan. Anyway, stuttu eftir að við komum heim af pöbbnum glumdi hávær bjalla. Ég hélt hin rólegasta áfram í sturtu á meðan allir hinir flýðu út á bílaplan því þetta var víst brunaboði. Tengdamamma kom loks og bjargaði mér og við fórum út til hinna þar sem Hannes stóð berfættur í frostinu á handklæði. Þetta var þó false alarm eftir allt saman og við fengum fljótlega að fara inn aftur.
Það gerðist margt annað skrítið á hótelinu. T.d. sáum við þessa menn eitt kvöldið á bílaplaninu að klæða sig í pappakassa.
Sunnudagurinn 4.janúar
Herbergið okkar Hannesar bjó svo vel að hafa ískáp svo við fengum okkur öll morgunmat þar. Síðan fórum við í verslunarleiðangur þar sem reynt var að létta aðeins á buddunni.
Þessi maður var með míkrófón að selja kjöt á uppboði - gaman að því
Hannes skemmtir okkur með munnhörpu í verslunarleiðangrinum
Baldur var fyrstur til að gefast upp og fara á pöbbinn að horfa á fótbolta og Hannes og Bedda fylgdu fljótlega á eftir. Náðum þó áður en ferðin var úti að kaupa fullt af DVD myndum, nokkra diska og eitthvað af fatnaði þar á meðal skotapils og veski fyrir Hannes. Örmagna borðuðum við kvöldmat á hótelinu og fórum snemma að sofa.
Mánudagurinn 5.janúar
Vöknuðum snemma og tókum lest til Edinborgar. Þar fórum við í sightseeing bus um borgina sem er ótrúlega flott. Hoppuðum af strætónum til þess að heimsækja kastalann.
Þegar við vorum búin að rannsaka innviði hans og sjá hleypt af fallbyssu
fengum við okkur snarl og fórum einhvers konar á þrívíddar-sjónbrellusafn. Það var ljómandi skemmtilegt.
Þetta eru ekki við heldur skuggarnir af okkur festir með einhverju flassi á vegg í nokkrar sekúndur. Merkilegt
Hér er Hannes að heilsa sjálfum sér með handabandi. Merkilegt.
Röltum um borgina og tókum lestina heim um kvöldið. Mig hefur alltaf langað að smakka sushi svo ég keypti mér svoleiðis í nesti og borðaði í lestinni. Bara ljómandi fínt...svona miðað við fisk. Mér finnst allur fiskur frekar vondur hvort sem hann er hrár eða soðinn.
Um kvöldið fórum við á mongólskan veitingastað. Geeeeðveikt gaman. Við fengum okkur jakuxarif og strúta enchiladas í forrétt. Síðan áttum við að velja saman kjöt grænmeti og sósur af "all you can eat" hlaðborði og það var steikt fyrir framan okkur.
Meðal þeirra dýrategunda sem við brögðuðum þetta kvöld voru: kengúra, strútur. bjarndýr og dádýr, hvert öðru betra. Fengum líka æðislega eftirrétti og ákváðum að þetta væri afmælismáltíðin hennar Elínar. Pakksödd röltum við heim á hótel en komum við á pöbb á leiðinni þar sem var "open-mic" kvöld og misgóðir trúbadorar að troða upp. Mjög gaman.
Þriðjudagurinn 6.janúar
Verslað allan daginn og útsölur þræddar. Bedda og Hannes fengu sér vondan hamborgara á Wimpy's, breskri hamborgarakeðju en um kvöldið borðuðum við á hótelinu því allir voru of þreyttir í löppunum til að fara út. Sjónvarpsgláp um kvöldið. Hannes sofnaði yfir sjónvarpinu með opna rauðvínsflösku sem helltist að sjálfsögðu yfir hvít rúmfötin. Við skildum eftir skriflega afsökunarbeiðni handa herbergisþernunum.
Miðvikudagurinn 7.janúar
Afmælisdagur Baldurs. Vöktum Baldur og Guðnýju með morgunmat (kaka, mini-pönnsur m. sýrópi, jarðaber og jólasprengjur) og gjöfum (veiðibók, veiðitölvuleik, degi í laxveiðiá og survival guide fyrir ferðalanga).
öll svolítið þroskaheft í morgunsárið
Eftir smá bæjarferð og síðasta verslunarleiðangurinn gengum við heillanga leið í vísindasafn þar sem við fórum m.a. á þrívíddarbíó þar sem maður sá pöddur í allt öðru ljósi. Nú finnst mér þær bara svolítið sætar. Um kvöldið borðuðum við á TGI Friday's og fengum gríðarstóra kokkteila og gríðarstóra skammta af ótrúlega ljúffengum mat.
Ultum út og komumst einhvern veginn á hótelið aftur til að pakka því á fimmtudagsmorguninn héldum við heim eftir æðislega dvöl í Glasgow.
Búið!
Var þetta ekki ekta ferðasögulegt?
1/21/2004 08:32:00 e.h.
fimmtudagur, janúar 15, 2004
Ætlaði
1/15/2004 09:50:00 e.h.
þriðjudagur, janúar 13, 2004
Jæja ég er hætt að lofa upp í ermina á mér. Ég hef ekki hugmynd um hvenær ég drullast til að blogga!
1/13/2004 11:30:00 e.h.
mánudagur, janúar 12, 2004
Þynnka í gær, taka niður jólaskraut í dag en blogg er deffinettlí efst á to do listanum á morgun.
1/12/2004 10:16:00 e.h.
laugardagur, janúar 10, 2004
Þrátt fyrir fyrri yfirlýsingar verður ekkert blogg í dag því ég þurfti að baka 30 flatkökur og er að fara í tvær afmælisveislur. Svo er ég líka með dúndrandi hausverk því ég er að reyna að hætta að drekka kók. Reyni á morgun.
1/10/2004 03:34:00 e.h.
föstudagur, janúar 02, 2004
2004 verður greinilega ömurlegt ár. Það byrjaði með klukkutíma göngutúr milli 5 og 6 á nýársmorgun í hörkufrosti, g-streng og nælonsokkabuxum því Hannes tímdi ekki að borga leigubíl. Síðan þegar ég vaknaði og ætlaði að fá mér að borða datt húnninn af ísskápnum og við höfum ekki getað opnað hann í allan dag og ég er að deyja úr hungri. Þar sem ég tók mér jólabloggfrí ætlaði ég að dunda mér við það að blogga heillangt jóla- og áramótablogg í dag. Ég ætlaði samt fyrst að finna til passann minn þar sem ég og Hannesarfamilía erum að fara í vikuferð til Glasgow á morgun í tilefni fimmtugsafmælis fjölskylduhöfuðsins. Passinn er hins vegar hvergi finnanlegur og fór dagurinn því í að umturna húsinu. Hann er enn ekki fundinn og við verðum að vakna klukkan fjögur í nótt til þess að redda bráðabirgðarpassa sem kostar 8.000 kr. og gildir bara í eitt skipti. Það er líka vesen á Hannesi þar sem passinn hans er útrunninn og hann þarf að fá einhverja framlengingu. Það mætti halda að við hefðum orðið fyrir einhverri vúdúbölvun. Kannski af hendi fólksins sem bauð okkur í áramótapartý. Við vorum nefninlega boðin í þrjú partý en Hannes var með munnræpu og vorum við því hjá fjölskyldu hans til morguns. Ætli partýguðirnir séu ekki að refsa okkur. Kannski fyrirgefa þeir okkur ef við verðum nógu full í Glasgow. Wish us luck. Jóla-og áramótabloggi frestað til 10. janúar.
1/02/2004 12:30:00 f.h.
|
|
