online
Jafnvel hinn minnsti froskur er mikill í sínum eigin forapolli

 



Ég um mig frá mér

Synir mínir

baby
baby development
Eiginmaður

Fésbók

Mæspeis

Nostalgía

Sexy pin-up girls and their robot lovers

Gamlar ritgerðir

Kennsluréttindi

Kunningjabloggarar
Sbs
Elín - LYKILORÐ
Bogi
Íris
Tinna
Syneta
Unnur
Illfygli
Barbietec
Frú Jóhanna
Skrudduhugs
Skrattakornið
Bryndís RuthDeeza's Diner
Þrítug og þreytt húsmóðir
Egill

Ókunnugir bloggarar
Dr. Gunni
Magga og hausinn
Konan sem kyndir ofninn sinn

Blogglausar síður
RetroCrush
Archie Mcphee

 


Eldra efni
október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 nóvember 2006 desember 2006 janúar 2007 febrúar 2007 mars 2007 apríl 2007 maí 2007 júní 2007 júlí 2007 ágúst 2007 september 2007 október 2007 nóvember 2007 desember 2007 janúar 2008 febrúar 2008 mars 2008 apríl 2008 maí 2008 júní 2008 júlí 2008 ágúst 2008 september 2008 október 2008 nóvember 2008 febrúar 2009 maí 2009


Bedda

Berglind Björk Halldórsdóttir Bedda's Facebook profile
 
þriðjudagur, ágúst 29, 2006  
Nýjar myndir á barnalandssíðunni

Af hinu barninu sem í bígerð er er það að frétta að typpið á því sást í sónarskoðuninni svo ætli ég verði ekki að hætta að kalla það Herdís.

Af mér sjálfri er mest lítið að frétta. Ég svara í síma og skráset auglýsingar í glorified færibandavinnu á daginn og ef kvöldin fara ekki í svæfingar og sjónvarpsgláp reyni ég að koma lagi á þessar þúsundir digital heimilisljósmynda sem hrannast hafa upp. Er ekki enn farin að láta framkalla herlegheitin því ég er alltaf að reyna að velja best of myndir en við erum bara svo andskoti myndarleg fjölskylda að það er hægara sagt en gert að finna lélegar myndir til að sleppa úr.

Mér tókst að halda fullkomið brunch um helgina en til þess þurfti ég reyndar að vaka alla nóttina. Systir mín sem ætlaði að laumast hér inn unnoticed kl fimm að morgni laugardags eftir djamm til að sleppa við að taka leigubíl heim bjóst ekki alveg við því að ég væri inni í eldhúsi að baka muffins hársbreidd frá því að kasta í hana eldhúshnífnum haldandi að hún væri ölóður nauðgari. En allt fór vel að lokum og klukkan níu mættu til mín æskuvinkonur með börnin sín og nutu veiga af hlaðborði sem svignaði undan beikoni, hrærðum eggjum, amerískum pönnsum með sírópi, bláberjamuffinsi, bananamuffinsi, tveimur tegundum af brauði, freyðivíni og appelsínusafa. Um hádegið sofnaði ég svo og rankaði varla við mér fyrr en í dag þar sem systirin borgaði fyrir næturgistinguna með pössun. Og já ég veit að maður segir ekki hér er muffins um muffins frá muffinsi til muffins en múffa minnir mig á kvenkyns kynfæri.

Sem minnir mig á það. Mig rak í rogastans þegar talað var aftur og aftur um uppstú í einhverri grein í blaði um daginn. Alltaf stóð ég í þeirri trú að gómsæta sullið sem maður borðaði með bjúgum og hangikjöti héti uppstúfur með effi. Kannast lesendur við orðskrípið uppstú? Það má svo sem vel vera að þetta sé afbökun úr dönsku en mikið óskaplega finnst mér stúfurinn hljóma betur.



8/29/2006 12:02:00 f.h.

föstudagur, ágúst 18, 2006  

Ég nýti þá staðreynd að bý í miðbænum afskaplega lítið, fer ekki oftar á kaffihús eða út að borða en úthverfabúar, er of feimin til að hanga í skrýtnum hipp og kúl búðum og fer á bílnum í vinnuna sem er í 5 mínútna göngufjarlægð. Þess vegna reyni ég að réttlæta þetta með að kíkja a.m.k. út úr húsi þegar eitthvað stórt stendur til eins og á 17.júní, gay pride og menningarnótt þótt ég endist alltaf stutt. Ég gaf drengnum candy floss á sautjánda og benti honum á leðurhommavagninn í göngunni og sagði "sjáðu flottu kallana dansa" en kemst því miður ekki á menningar"nótt" í ár því enn og aftur eru úthverfabúar það tillitslausir að bjóða okkur í partý/afmæli/mat þetta kvöld. Nú er það brúðkaup hjá bláókunnugu fólki og ég auðvitað ólétt og get ekki einu sinni sturtað í mig ókeypis víninu til afþreyingar. Langaði svolítið á Chippendales í kvöld en fannst það smekklaust svona ólétt og edrú auk þess sem þeir fara víst ekki einu sinni úr g-strengnum. En skemmtið ykkur vel þið hin. Sjáunnnst.



8/18/2006 12:04:00 e.h.

þriðjudagur, ágúst 15, 2006  
"Ný" vídeóbrot á barnalandssíðunni



8/15/2006 11:00:00 f.h.

miðvikudagur, ágúst 09, 2006  
Búlgaríumyndir komnar á barnalandssíðuna



8/09/2006 02:16:00 e.h.

þriðjudagur, ágúst 01, 2006  

Litli maðurinn er lasinn. Vaknaði sjóðandi heitur í nótt. Hann fór að sofa aftur en ég fór fram úr að leita að mælinum. Við eigum tvo mæla: rassamæli fyrir drenginn og munnmæli fyrir okkur. Ég fann alls ekki rassamælinn og ákvað að fórna bara munnmælinum okkar, gera hann að rassamæli og kaupa bara nýjan handa okkur seinna. Ég ákvað fyrst að munnmæla sjálfa mig í síðasta sinn með honum fyrst þar sem mér var svolítið illt í hálsinum. Þar sem ég sat í eldhúsinu um miðja nótt með mælinn í munninum mundi ég allt í einu eftir því að síðast þegar drengurinn var veikur hafði ég ekki heldur fundið rassamælinn, og fengið sömu hugmynd. Set ég þetta hér inn sem víti til varnaðar. Kæru foreldrar, merkið mælana til að koma í veg fyrir misskilning...og mögulega E coli sýkingu,.



8/01/2006 06:17:00 e.h.

 
This page is powered by Blogger.