föstudagur, desember 26, 2003
Dead, Dead, Dead
Dead, dead, dead
Someday you'll be dead
Dead, dead, dead
Someday we'll all be dead
The minute we're born, we start dying
we die a little more every day
Young or old, rich or poor,
There's nothing we can do to stop it
So look long at that Christmas tree,
It may be the last one that you see
Decorate your house in green and red,
'Cause someday you'll be dead
Dead, dead, dead
Someday you'll be dead
Dead, dead, dead
Someday we'll all be dead
It might happen in a couple months,
Or fifty years from now
But no matter when it happens,
It will seem to soon to you
So be sure on Christmas Eve,
When you snuggle into bed,
That you thank God for your family,
'Cause someday they'll be dead
Dead, dead, dead
Someday they'll be dead
Dead, dead, dead
Someday we'll all be dead
Who knows how many Christmas'
Are left in their short life
Nobody knows, that's my point,
Enjoy them while you can
And so on Christmas morning,
Let good tidings fill your head
What a festive season
Someday you'll be dead
Dead, dead, dead
Someday we'll be dead
Dead, dead, dead
Everyone you know, dead
A very merry Christmas to you,
Dead, dead, dead
12/26/2003 04:04:00 e.h.
mánudagur, desember 22, 2003
Hugulsamur maður sendi mér þetta í tölvupósti:
Kaloríu-reglur fyrir jólin
1.) Ef þú borðar eitthvað og enginn sér það, hefur það engar hitaeiningar.
2.) Ef þú drekkur ,,diet" gos með súkkulaði, núllast kaloríurnar burt.
3.) Ef þú ert að borða með öðrum, teljast eingöngu þær hitaeiningar sem þú borðar umfram hina.
4.) Matur sem er góður fyrir heilsuna telst ekki með s.s. ristað brauð með kakó, rauðvín og ostakökur (allt þetta er notað til lækninga (á lystarleysi).
5.) Ef þú umgengst feitt fólk virðist þú grannur, spurning er hvort þú sért ekki bara í röngum félagsskap ef þú ,,ert" feit/ur.
6.) Það sem þú borðar í bíó eða þegar þú horfir a sjónvarp eða video telst hluti af skemmtanapakkanum og telst því ekki með ss. popp og kók og súkkulaði.
7.) Ef þú borðar kökur eða kex, skaltu brjóta eða skera þær, þá leka hitaeiningarnar út.
8.) Það sem þú sleikir af eldhúsáhöldum og óhreinum diskum telst ekki með því það er hluti af matarundirbúningnum.
9.) Hitaeiningar eru í lit matarins, borðaðu grænt. Það er ekki þér að kenna að marsipan er oft litað grænt og ath. brúnt er blandaður litur, ekki náttúrulitur svo allt brúnt telst ekki með ss. súkkulaði, nema það sé hvítt.
10.) Matur sem er frosinn inniheldur ekki kaloríur því kaloría er hitaeining.
12/22/2003 09:51:00 e.h.
Myndir úr piparkökuskreytingakvöldi Þórsgötuparsins og Auðbrekkubarnanna sem haldið var í gær. Þær eru frekar vondar á bragðið en helvíti flottar.
 
 
 
 
12/22/2003 09:33:00 e.h.
laugardagur, desember 20, 2003
Maður er bara alltaf í Mogganum! Gaman að sjá að við sem erum að komast á þrítugsaldurin séum enn kallaðir krakkar. Það gleður mitt hjarta.
 
Spilið Herra og frú
Getur valdið rifrildi
Nokkrir krakkar komu saman í heimahúsi á dögunum og spiluðu Herra og Frú, eitt nýrra spila sem voru að koma út nú fyrir jólin. Tveir eru saman í liði og gengur spilið út á að keppendur geti svarað sem flestum spurningum rétt um hinn aðilann. Hvað er uppáhaldsmatur félaga þíns? Í hvernig nærfötum gengur hann? eru dæmi um spurningar. Hópurinn samanstóð af sex keppendum, tveimur pörum og systrum sem voru saman í liði.
Bedda og Hannes
Bedda og Hannes eru búin að vera kærustupar í sex ár. Bedda er ekki sátt við frammistöðu þeirra.
Hvernig gekk?
Við skíttöpuðum og við erum búin að vera langlengst saman. Parið sem vann er ekki einu sinni búið að vera saman í ár.
Hvort ykkar var betra?
Við vorum bæði ömurleg.
Er spilið skemmtilegt?
Mér leist ekkert á þetta fyrst. Við byrjuðum á hörkurifrildi en svo endaði spilið í hlátri og voða gaman.
Af hverju rifrildi?
Því ég hélt að kærastinn vissi meira um mig.
Hefur þetta spil áhrif á sambandið?
Já, ég er ansi reið. (Hlær)
Nokkrar umsagnir keppenda:
"Nokkuð gott spil."
"Miklu skemmtilegra þegar spilað var í annað skipti."
"Of mikill tími fer í bið."
"Örugglega skemmtilegt í partíum"
"Gæti trúað að þetta sé skemmtilegra þegar fjölskyldur spila en þegar bara kærustupör eru með."
12/20/2003 01:00:00 e.h.
föstudagur, desember 19, 2003
Klukkan er tvö um nótt og ég er nýbúin að búa til heilt fjall af kryddhnetum. Eins skemmtilegar og mér finnast uppskriftir hef ég aldrei birt slíka hér á blogginu. Nú verður breyting þar á:
Jólakryddhnetur:
1/4 bolli smjör
1 bolli afhýddar möndlur
1 bolli pecanhnetur
1 bolli valhnetur
1/2 bolli sykur
--------
3 msk. sykur
1 msk. kanill
1/2 tsk. engiferduft
1/2 tsk. múskat
1/4 tsk. kardimommuduft
Bræðið smjörið og 1/2 bolla af sykri á pönnu og bætið hnetunum út í. Hitið á miðlungshita, hrærið af og til í þar til sykurinn bráðnar og hneturnar brúnast (c.a. 8-10 mín). Blandið öllu sem eftir er í stóra skál, setið hnetublönduna út í og blandið saman við með sleif. Dreifið úr hnetunum á bökunarpappír og látið kólna. Geymist vel í dós í kæliskáp.
Góða nótt og verði ykkur að góðu
12/19/2003 02:11:00 f.h.
fimmtudagur, desember 18, 2003
Sjitt hvað ég fékk góðan mat í gær. Nú verður ekkert gaman að borða jólamatinn því hann er bara einn réttur en þessir skiptu tugum. Þórsafl bauð nefninlega í jólahlaðborð á Lækjarbrekku. Ég rembist eins og rjúpan við staurinn að reyna að smakka á öllu en varð að lokum að játa ósigur því að komst bara ekkert meira ofan í magann. Helvítis Ágústu Johnson æfingarnar hljóta að hafa minnkað hann. Ég smakkaði meira segja allt þetta ógeðslega bara til að smakka og líka til að komast að því í eitt skipti fyrir öll hvort mér þættu viðkomandi matvæli virkilega vond eða ekki. Síld er vond. Nú veit ég það og þarf ekki að gera fleiri tilraunir. Nautatunga hins vegar er svo sem ekki vond á bragðið en mér þykir hún andlega vond. Mig svimaði þegar fann áferðina upp í mér. Tunga á tungu. Koss dauðans. ALDREI smakka ég þetta aftur. En svo var allt þetta góða geeeeðveikt gott. Fékk bestu súpu í heimi (villisveppasúpu) sem mun skemma allar mínar súpuupplifanir í framtíðinni. En nóg af matarást og að alvöru ást. Ég er alveg ofsalega ástfangin af manninum mínum núna. Hann var nefninlega að fá sér ný gleraugu og er alveg ómótstæðilega sætur. Svo var hann líka svo smartur í gær með bindi í stíl við gleraugun að þið mynduð ekki trúa því. Því miður var vídeóvélin batteríislaus í gær en ef mér áskotnast myndir frá hlaðborðinu birti ég þær hér med det samme svo þið getið dáðst að honum líka.
Venlige hilsen.
Bedda
12/18/2003 05:54:00 e.h.
þriðjudagur, desember 16, 2003
Í amstri jólainnkaupa í Kringlunni mæli ég með því að fólk borgi 200 kr. og prófi nuddstólinn sem staðsettur er þarna einhvers staðar á miðjum ganginum. Ekki beint þægilegt, en stórskemmtilegt. Ég hló allar 3 mínúturnar. Það var kominn tími til að sett yrði upp leiktæki fyrir fullorðna. Ég horfi samt alltaf öfundaraugum á blikkandi brunabílana og glitrandi hestana sem orðnir eru of litlir fyrir mig. Stólinn var bara svartur. Þeir eiga langt í land enn þá.
12/16/2003 10:43:00 e.h.
mánudagur, desember 15, 2003
Helgin bar jólakeim eins og óhjákvæmilegt er þegar þetta mikið er liðið á desembermánuð. Ég fór á litlu jól starfsmanna leikskólans á föstudaginn sem var.....ágætt. Og skrýtið. En ég nenni ekki að segja frá því. Ég ætla bara að segja frá því hvað virð vorum ógeðslega dugleg að jólast um helgina. Við Hannes vorum nefninlega að föndra jólakort til klukkan sex aðfaranótt sunnudags með glimmer í hjörtum og stjörnur í augum. Ef heppnir kortaþegar eru að lesa þetta þá er bannað að opna þau fyrr en á aðfangadagskvöld. Það er hefð sem honum Hannesi tókst að þröngva upp á mig. Heima hjá mömmu þá opnuðum við kortin um leið og þau bárust að hluta til af forvitni, að hluta til af því það er bara gaman en aðallega svo við vissum hverjum við ættum að senda kort. En eftir að hafa leyft Hannesi að ráða í nokkur ár er ég komin á þá skoðum að það sé miklu skemmtilegra að opna þau öll í einu á undan pökkunum og að það sé allt í lagi að hita ekki baunirnar og rauðkálið.
12/15/2003 07:02:00 e.h.
föstudagur, desember 12, 2003
OOPS. Mig minnti að við hefðum verið í sæmilegu stuði á tónleikunum. Greinilega ekki. Enda er ekki á vinnandi fólk leggjandi að fara á áfengislausa tónleika á virkum dögum.
Anyway, ég var að koma af yndislegri mynd. Cabin fever. Hún er yndisleg. Ég get ekki lofað hana nóg. Þetta er samt eina lýsingarorðið sem mér dettur í hug núna. Yndisleg! Ég er hætt við að fara í bíómyndabindindi og kann ég bróður mínum sérstakar þakkir fyrir að redda okkur frímiðum á hana. Hann er ótrúlegur. Þetta er eins og að eiga ættingja í mafíunni. Hann og vinir hans gjörsamlega sópa upp öllum þeim vinningum sem í boði eru á fjölmiðlunum. Yndisleg mynd. Endilega farið á hana. Leikstjórinn er líka algjör dúlla.
12/12/2003 12:59:00 f.h.
fimmtudagur, desember 11, 2003
Enn glyðrast hún litla systir mín á netinu. Þetta eru reyndar mjög smekklegar myndir. Hún veit ekki hve hún á mikið mér að þakka. Öll lélegu genin spýtast nefnilega út með fyrsta barni og því er barn númer tvö yfirleitt gallalaust. Ekki það að ég sé ekki beiba líka. Ég er t.d. búin að léttast um þrjú kíló síðan í gær. Ég er nefninlega með gubbupest....eða matareitrun? Ég vaknaði upp með andfælum í nótt og hljóp inn á bað þar sem spýjurnar gusuðust út um báða enda. Ekki mjög skemmtilegt. Ég þurfti því að játa mig sigraða og vera í veikindafríi í dag. Það hefur nú örugglega verið pískrað eitthvað í vinnunni um það. Ég tek nefninlega reglulega reiðisköst yfir þeim sem eru veikir og kalla þá helvítis aumingja sem geta ekki drullast til að mæta í vinnuna. Jæja, ég ætla að mæta á morgun. Tek bara aukanærbuxur með mér ef ég skyldi drulla í mig. Leikskólinn er að fara í húsdýragarðin á morgun í rútu sem ekið er af jólasveini. Get ekki misst af því.
Á tímabili hélt ég að ég myndi ekki komast á Muse tónleikana en náði að tjasla mér saman í tæka tíð þökk sé ofurverkjalyfjum Elínar. Þar sem það má ekki flytja almennileg efni inn í landið virka lyfin sem fást á Íslandi hreinlega ekki. En Elín systir Hannesar kom einu sinni heim frá Bandaríkjunum með fullt af marglitum og fallegum lyfjum sem seld eru án lyfseðils í öllum stórmörkuðum sem svínvirka og gera mann hressari en maður var áður en maður veiktist. Anyway, þetta voru bara ljómandi fínir tónleikar.
12/11/2003 12:12:00 f.h.
miðvikudagur, desember 10, 2003
Jólaskapið er horfið. Ég bjóst svo sem við því þar sem ég var farin að ískra af kæti og tilhlökkun í byrjun nóvember og misþyrma jóladiskunum mínum. En ég held samt að það sé frekar ójólalegt sjónvarpsefni og bíómyndir sem eru að valda þessu. Ég tók 25th hour á vídeó í gær og er enn þá gífurlega niðurdregin. Þvílík eymdarmynd. Ég fór að gráta í endan og allt þegar þeir voru að lemja hann. Og ekki dugar að taka jólamyndir. Eight crazy nights jólateiknimyndin með Adam Sandler var skelfileg. Aumingja feiti strákurinn með brjóstin. Mér fannst þetta ekki fyndið. Ég ætla að drífa mig á Elf um helgina og ef hún virkar ekki fer ég í bíómyndabindindi fram að jólum. Eins gott að Muse spili einhver jólalög á morgun. Annars grýti ég í þá tómötum.
12/10/2003 12:55:00 f.h.
mánudagur, desember 08, 2003
Sjaldan fellur eplið langt frá eikinni. Alltaf er litla systir mín eitthvað að glyðrast á netinu. You go girl!
12/08/2003 07:17:00 e.h.
Juuu minn eini. Helgarnar verða alltaf skrýtnari og skemmtilegri með hverri slíkri sem líður. Ekki er það nú amalegt. Látum oss sjá:
Föstudagur: Unaðskjúlli og Ædol
Hannes kom "snemma" heim úr vinnunni aldrei þessu vant og var ekki búinn að lofa neinum fylleríi svo við höfðum það huggulegt heima í letisófanum við kertaljós. Ég töfraði fram klikkað góðar kjúllabringur sem ég nuddaði ástúðlega með rjómaosti og pestói fyrir eldun. Við skoluðum þeim svo niður með hvítvínsflösku og horfðum á Ædol í ruglaðri útsendingu en þó með hljóði. Eftir nokkur glös tekur maður ekki eftir því að það sé ruglað. Fólk er meira að segja fallegra í rugli. Ég horfi t.d. alltaf á Nágranna ruglaða og þegar ég sá þá einu sinni óruglaða fannst mér þeir allir ljótir. Anyways. Litli sæti strákurinn minn sem ég held með (Helgi Rafn) stóð sig hrapallega auk þess sem þetta var hörmulegt lag en ég kaus hann samt. Hann verður samt að fara að passa sig því þessi Jón Sigurðsson er að sækja á. Annars voru allir ömurlegir í þessari Typpalind því það er glataður hljómur þarna. Jæja svo bara úðuðum við í okkur kaffi, Baileys, smákökum og súkkulaðiskjaldbökum þar til við ultum út af. Which brings us to:
Laugardagur: Jólapulsa og Dömustaðnaball
Hannes tók sér helgarfrí aldrei þessu vant svo við vorum saman að jólastússast út um allan bæ. Sem væri ekki í frásögur færandi nema vegna snarlsins sem við fengum okkur í miðju stússinu. Í pulsuvagninum í Skeifunni (hjá BT og Krónunni) fást nefninlega jólapulsur með hangikjötsbragði, kartöflumús og rauðkáli. Og svo er malt og appelsín með! Yndislegt!!! Þetta verður árviss hefð hjá okkur héðan í frá. Við gerðum svo jólahreingerningu í bílnum og settum í hann jólaseríu. Mjög smart. Síðan þurftum við að fara heim til þess að gera okkur sjálf smart og fara í glimmergallana því okkur var boðið á Dömustaðnaball.
Það var nú sérdeilis skemmtilegt og sérdeilis fullt, fallegt og skemmtilegt fólk sem við hittum fyrir þar. Þar sem ég hitti loksins dömurnar í eigin persónu hafa þær nú færst til á linkalistanum yfir í hálfkunningjadálkinn (en ættu samt eiginlega að fá sinn eigin dálk því þær eru svo sérdeilis æðislegar!). Það var hins vegar leitt að þegar ballinu lauk um miðnættið byrjaði tekknókvöld eða einhvur andskotinn á Tuttuguogtveimur. Hvað er í gangi!!!??? Ég veit að það eru komnir nýir eigendur en fyrr má nú aldeilis fyrr vera!!! Þetta var EINI skemmtistaðurinn sem ég gat verið á án þess að vera tónlistarlega misboðið (fyrir utan Grandrokk reyndar en þar dansar enginn). Hvað nú!!?? Einhver staðar verða vondir að vera. Helvítis fokkings Reykjavík. Ef einhver getur bent mér á aðra heimsborg án rokkbars gæti ég kannski reynt að kyngja þessu en ó mæ god. Og svo neitaði barkellingin að búa til bleikan kokkteil fyrir mig!!!
Anyway. Ég var svolítið mikið of full og sérdeilis pirruð út af tónlistinni svo við Hannes fórum að fá okkur Kebab. Ég man eigi svo gjörla eftir atburðarrásinni en eitthvað hefur kebabfólkið pirrað mig líka því ég strunsaði í burtu í fýlu og stakk Hannes af. Fór aftur á 22 (Hannes lenti í ævintýrum sem leiddu upp í Breiðholt og enduðu seint í morgun en það er önnur saga sem ekki verður sögð því hann er ekki með blogg), pirraðist meira, strunsaði heim og hef greinilega pantað pizzu og sofnað á gólfinu ganginum því ég vaknaði þar við bank í pizzasendli.
Sunnudagur: laufabrauð og þynnka
Dagurinn leið í vanlíðan og svo fórum við í árlegan laufabrauðsbakstur hjá fjölskyldu Hannesar. Það var ósköp fínt nema hvað að einhver við eldhúsborðið var með svakalega táfýlu sem magnaðist upp í næmni þynnkunnar svo ég var við það að gubba allan tímann. En nú eigum við alla vega falleg heimagerð laufabrauð í dollu til að borða með hangikjöti jólijólijólijól. Ég hlakka svo tiiiihiiil. Gleðilega vinnuviku allir!
12/08/2003 02:25:00 f.h.
föstudagur, desember 05, 2003
Djöö er ég að verða mössuð ma'r! Ég er komin með pottþétt æfingaprógramm. Ég djöflast við Ágústu Johnson spólurnar annan hvern dag en set hljóðið á mute og cranka þess í stað upp í græjunum. Ég tek þetta skipulega og ætla að halda þessu prógrammi áfram þar til ég hef æft við alla geisladiskana okkar. Þetta er bráðskemmtilegt. Ég er enn þá í A hlutanum af geisladiskarekkanum og í dag var komið að þungarokksdiski frá '85 sem Hannes á með hljómsveitinni Accept. Ég bjóst við að það yrði svolítið erfitt að samræma eróbikkskoppið við þessa tóna en önnur var raunin. Þegar leið á diskinn var ég farin að öskra á Ágústu að hún væri helvítis aumingi því hún var alltaf að stoppa á milli og teygja eitthvað í stað þess að taka sveittar armbeygjur og spörk. Með þessu áframhaldi verð ég komin með myndarlegan sixpakk á jólunum og rass úr stáli.
12/05/2003 05:19:00 e.h.
miðvikudagur, desember 03, 2003
Skild'a vera jólahor
Skild'etta vera jólahor
Von'etta sé nú jólahor
óóóójeeeee
PS: Veit einhver hvaða líffæri er undir hægri tittsunni? Mér er illt þar þegar ég hnerra.
12/03/2003 06:57:00 e.h.
þriðjudagur, desember 02, 2003
Alltaf tekst þessum góðgerðarsamtökum að skemma fyrir mér jólin með gegndarlausum yfirgangi og fjárkúgun. Við Hannes reynum yfirleitt að föndra jólakortin sjálf okkur til mikillar skemmtunar og stemmningar. En það er ekki auðvelt að komast upp með það þar sem sífellt er verið að reyna að troða upp á okkur tilbúnum kortum. Blindir og heyrnarlausir sitja fyrir mér fyrir utan stórmarkaði og banka jafnvel upp á þegar ég er í baði. Ég neita flóttaleg að kaupa þau og fæ nístandi augnaráð til baka sem kemur aftur og sækir á huga minn og samvisku þegar nær dregur jólum. Svo fara þau að berast óumbeðin í pósti.
Góðgerðarsamtök gerast virkilega svo djörf að senda jólakort og merkimiða í pósti ásamt gíróseðli. Þvílík heimtufrekja og sálrænn hernaður! Ég vil ekki senda tilbúin kort og auk þess hef ég ekki samvisku til að senda kort sem ég hef ekki borgað fyrir svo þau fara beint í ruslið. Ég kemst þá ekki hjá því að hugsa hvað það hafi kostað góðgerðarfélögin að láta búa öll þessi kort til og senda þau út. Ætli seld kort nái upp í kostnað? Hefði þessum peningum ekki verið betur varið í þau málefni sem félögin þykjast styrkja?
Af hverju neita ég að styðja góð málefni spyrjið þið. Ég geri það ekki. Ég bara get ekki styrkt þau öll! Ég styrki gott málefni allan ársins hring (SOS barnaþorpin) auk þess sem ég skila alltaf inn Rauða Kross bauknum á jólunum. En það er greinilega ekki nóg. Ég borga 2000 kall til barnaþorpanna í hverjum mánuði með visa korti en samt fæ ég alltaf sendan gíróseðil ef ég skyldi vilja borga meira auk þess sem ég var að fá send póstkort og aukagíróseðil. Nú sé ég það í hendi mér að þessi peningur minn hefur aldrei farið úr landi heldur farið í fréttabréfs- jólakorta- og gíróseðlagerð og póstlagningu.
Ég legg til að það verði lagður aukaskattur á alla landsmenn sem dreifðist síðan jafnt á milli skráðra góðgerðarfélaga (og annar aukaskattur fyrir RÚV takk, afnotagjöldin og handrukkararnir þeirra eru brandari). Þá gæti maður alla vega troðið sig út af mat í friði og verið sæll og tiltölulega laus við samviskubit á aðfangadagskvöld.
12/02/2003 07:07:00 e.h.
mánudagur, desember 01, 2003
Það er svolítið mikið rómó að eiga heitan pott. Nú liggjum við Hannes saman í honum á hverju kvöldi, hlustum á jólalög og horfum á stjörnurnar og norðurljósin. Ég reyni bara að leiða framhjá mér húðfitufroðuna sem farin er að myndast á yfirborðinu. En fyrir utan þrifnaðarsjónarmiðin var ég að komast að því að pottaböðun getur verið stórhættuleg:
Hair Entanglement -- Since 1978, CPSC (The U.S. Consumer Product Safety Commission) has reports of 49 incidents (including 13 deaths) in which people's hair was sucked into the suction fitting of a spa, hot tub, or whirlpool, causing the victim's head to be held under water. Hair entanglement occurs when a bather's hair becomes entangled in a drain cover as the water and hair are drawn through the drain.
Hot Tub Temperatures -- CPSC knows of several deaths from extremely hot water (approximately 110 degrees Fahrenheit) in a spa. High temperatures can cause drowsi-ness which may lead to unconsciousness, resulting in drowning. In addition, raised body temperature can lead to heat stroke and death.
Bodypart Entrapment -- CPSC knows of 18 incidents since 1980 in which parts of the body have been entrapped by the strong suction of the drain of pools, wad-ing pools, spas, and hot tubs. Of these, 10 resulted in dis-embowelment (!!!) and 5 other people died.
CPSC recommends these safety precautions when using a hot tub, spa, or whirlpool:
1. Be aware that consuming alcohol while using a spa could lead to drowning.
FOOOKKKKKK!!!!!
12/01/2003 11:53:00 e.h.
|
|
