föstudagur, júlí 28, 2006
Díses. Var óþyrmilega minnt á óhollt mataræði mitt þegar ég heyrði eftirfarandi samtal útundan mér rétt áðan: Heyrðu ertu til í hringja í Vífilfell og panta sama og síðast en aukakassa af rauðri kók. Þetta fer svo hratt eftir að Berglind kom.
7/28/2006 03:11:00 e.h.
miðvikudagur, júlí 26, 2006
Komin aftur frá Flatey. Var að fara á taugum að hlaupa á eftir drengnum og passa að hann hlypi ekki fram af kletti og stytti því ferðina aðeins. Ooooog ég vildi ekki heldur missa af Rock Star. Ég er búin að búa til nýja miðvikudagshefð. Ég ætla alltaf að kaupa Eldsmiðjupizzu og byrja á fyrstu pizzu matseðilsins og vinna mig niður. Það má aldrei sleppa úr, ekki einu sinni þegar kemur að sjávarréttapizzum eða pizzunni með sniglunum. Verst að ég er ólétt því það kæmi sér vel að vera vel í glasi þegar lagt er í þær kræsingar. Ekkert of riskí í kvöld samt þar sem Margarita var efst á blaði. Er að fara og sækja hana í þessum skrifuðu orðum. Bæ.
7/26/2006 09:11:00 e.h.
þriðjudagur, júlí 18, 2006
Hæbbs. Allt með kyrrum kjörum hér og ekki bofs að frétta enn. Ekki einu sinni sjónvarpsgláp til að orna sér við. Lost og Desperate hafa runnið sitt skeið og nú eru miðvikudagarnir einir eftir með Rock Star maraþoni. Fyrir utan þjóðarstoltið? þá held ég með Dilönu. Get svo komið með eina neytendaviðvörun hér en ég ráðlegg ykkur frá því að prufa þessar 48 tíma Dvd myndir í sem seldar eru í Hagkaup. Þær eiga að svona self destruct eftir 2 sólarhringa dvöl utan umbúða. Keypti tvær upp á grín og önnur þeirra hafði eyðst í pakkanum og virkaði ekki. Nennti ekki að skila henni, Hagkauplingarnir eiga aldrei eftir að trúa að ég hafi ekki horft á myndina áður en hún eyddist. Á föstudag fer ég til vikudvalar í Flatey á Breiðafirði þar sem ekkert er símasambandið. Bara að láta vita ef svo ólíklega vildi til að einhver hér ætlaði að hringja í mig. Bæjóóóts
7/18/2006 02:06:00 e.h.
þriðjudagur, júlí 11, 2006
Ætla bara rétt að stimpla mig inn til að segja ykkur að vera ekkert að hafa fyrir því að kíkja hingað á næstunni. Það er ekkert markvert að gerast. Bara verið að safna bumbu, bera á garðhúsgögnin, spreyja grillið, fara í sund og Húsdýragarðinn, gera framtíðaráform sem eru dæmd til þess að mistakast og svona. Já já jamm og jæja.
7/11/2006 02:58:00 e.h.
fimmtudagur, júlí 06, 2006
Ég verð að bæta inn í nánari lýsingum á afmælinu því ég lenti aftur í mínum eigin afmælisfagnaði í gærkvöldi fjórða daginn í röð. Eins og sem eiga afmæli á sumrin vita þá verður maður oft hálf yfirgefinn og afskiptur á afmælinu sínu á því vinir og vandamenn eru á sumarþvælingi um sveit og jarðir. Í ár kom sumarþvælingurinn síður en svo að sök þar sem fólk bara fagnaði afmælinu mínu þar sem það var statt og þegar því hentaði. Mamma og pabbi hófu afmælið á sunnudegi með kökum og pökkum í sumarbústað á Flúðum (Ég var þar líka sko). Síðan buðu tengdapabbi og mamma mér í afmæliskínamat og pakka á mánudagskvöldið því þau voru að fara til Tyrklands daginn eftir. Á þriðjudagskvöldið, á alvöru afmælinu var svo Indian Mango með Hannesi og súkkulaðikaka frá systkynum og í gær miðvikudagskvöld var surprise pizzumatarboð og bleik pakkakaka frá tengdasystrunum. Við gjafirnar sem komnar voru í sarpinn bættust: Stórglæsilegur óléttukjóll, flugnaspaði dulbúinn sem blóm og andlitsnuddari sem gerir mann fallegri. Alveg brilljant, um að gera að hafa margra daga veislur. Þúsund trilljón takk aftur allir og nú megið þið fara að plana næsta ár ;-).
7/06/2006 09:02:00 f.h.
miðvikudagur, júlí 05, 2006
Átti indælis afmæli. Hannes bauð mér út að borða á Indian Mango sem er æææði og svo komu systur mínar með súkkulaðiköku undir miðnættið. Fékk grjónapoka (svona til að sitja í), bækur, bíóferð, miða á Nick Cave og frönsku kartöflutöng. Takk fyrir mig.
7/05/2006 12:23:00 e.h.
þriðjudagur, júlí 04, 2006
29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár 29 ár
7/04/2006 12:04:00 f.h.
mánudagur, júlí 03, 2006
I can't help it ég er með heilaskemmd.
Researchers at Boston's Harvard Medical School reckon if the part of the brain that plays a major role in decision-making (e.g. red shoes or sparkly blet?) is damaged, it can lead to overspending, because your brain just won't let you resist that impulse purchase. Dr Camillo Padoa-Schioppa, who led the study, says "It's safe to assume that there's a dysfunction that leads to cumpolsive shopping."
7/03/2006 11:48:00 e.h.
Noh, ég þori ekki aftur að blogga í vinnunni!!! Ég var að leita að mynd til þess að skreyta síðustu færslu og fór því á doodie.com að leita að kúkateiknimyndum. Þá bara sprettur eitthvað alert upp í tölvunni að fundist hafi vírus og að umsjónarmanni tölvunnar hafi verið gert viðvart. Hann hlýtur þá að sjá á hvaða síðu ég var og ætli allir frétti þá ekki af því að ég hafi verið að skoða kúkateiknimyndir á vinnutíma fyrsta daginn minn. Og ég sem hélt að ég væri að koma svo vel fyrir.
7/03/2006 03:36:00 e.h.
Nú er ég farin að vinna á daginn aftur eins og normið er víst. Það er reyndar aðeins tímabundið, er að leysa af fram í miðjan ágúst og skipti svo aftur yfir í kvöldvinnu. Þetta hefur góð áhrif á hug og sál. Það er einhver ró sem fylgir því að vita nákvæmlega hvar maður á að vera á daginn hvað maður á að gera, að ramba ekki um í reiðileysi með samviskubit yfir því sem maður ætti sennilega að vera að gera. Það er þó eitt sem raskar rónni og þótt flestum finnist ég vera of gömul og ráðsett fyrir kúkahúmor að ég tala nú ekki um ef hann er persónulegur þá get ég ekki orða bundist þar sem ég hef ekkert annað til að blogga um í augnablikinu. Þar sem allir vita að "sætar stelpur hafa aldrei hægðir" hef ég ætíð reynt að sjá til þess að vísbendingar um að ég geri slíkt sé aldrei hægt að rekja til mín. Ég reyni að takmarka þennan verknað við heimilið, notast alls ekki við heimili annarra en almenningsklósett eru í lagi ef fleiri en einn bás er á staðnum. Sama lögmál gildir á vinnustöðum og um almenningsklósett en hér á þessum stað er aðeins eitt salerni og það staðsett á kaffistofunni. Mér dettur ekki til hugar að taka áhættuna ef einhver skyldi vera á eftir mér þar inn og rekja ilminn til mín sem er að gera mitt besta að vera snyrtileg og professional hérna. Þetta er svo sem ekkert til trafala dags daglega en akkúrat núna er þetta mér hugleikið og dagurinn er búinn að vera svolítið óþægilegur. Óþarfa upplýsingar, jú vissulega en mig langaði svo að prófa að blogga í vinnunni og það er ekki af öðru að taka.
7/03/2006 02:07:00 e.h.
|
|
