online
Jafnvel hinn minnsti froskur er mikill í sínum eigin forapolli

 



Ég um mig frá mér

Synir mínir

baby
baby development
Eiginmaður

Fésbók

Mæspeis

Nostalgía

Sexy pin-up girls and their robot lovers

Gamlar ritgerðir

Kennsluréttindi

Kunningjabloggarar
Sbs
Elín - LYKILORÐ
Bogi
Íris
Tinna
Syneta
Unnur
Illfygli
Barbietec
Frú Jóhanna
Skrudduhugs
Skrattakornið
Bryndís RuthDeeza's Diner
Þrítug og þreytt húsmóðir
Egill

Ókunnugir bloggarar
Dr. Gunni
Magga og hausinn
Konan sem kyndir ofninn sinn

Blogglausar síður
RetroCrush
Archie Mcphee

 


Eldra efni
október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 nóvember 2006 desember 2006 janúar 2007 febrúar 2007 mars 2007 apríl 2007 maí 2007 júní 2007 júlí 2007 ágúst 2007 september 2007 október 2007 nóvember 2007 desember 2007 janúar 2008 febrúar 2008 mars 2008 apríl 2008 maí 2008 júní 2008 júlí 2008 ágúst 2008 september 2008 október 2008 nóvember 2008 febrúar 2009 maí 2009


Bedda

Berglind Björk Halldórsdóttir Bedda's Facebook profile
 
sunnudagur, desember 29, 2002  




12/29/2002 09:34:00 e.h.

fimmtudagur, desember 26, 2002  
Update!!!

Gilbert heitir nú Rafgashaus og spilar á 22 á morgun, annan í jólum um ellefuleytið. Pétur er kominn í hljómsveitina líka. Botnleðja og Ensími spila víst ekki heldur Sign og einhver önnur. Tónleikarnir byrja klukkan níu og þar sem Rafgashaus eru síðastir byrja þeir eins og áður sagði líklega um ellefu. Sjáumst þar og gleðileg jól.




12/26/2002 01:49:00 f.h.

sunnudagur, desember 22, 2002  
Jæja rassarnir mínir...ég held að bloggið sé bara farið í jólafrí....læt mér bara duga fjórar tilkynningar:

1. Ég vil þakka öllum þeim hagnýtingum sem fjölmenntu í jólapartýið mitt á föstudaginn...það yljaði mér um jólaræturnar að sjá ykkur öll aftur krúsídúllurnar mínar.

2. Gilbert er að spila í kvöld (sunnudaginn 22 des) á Gauki á Stöng ásamt Búdrýgindum og Dead Sea Apple og svo aftur annan í jólum á Tuttuguogtveimur (fimmtudaginn 26 des.) ásamt Botnleðju og Ensími.

3. Jólakossar, knús og kveðjur til allra frá mér og Hannesi




12/22/2002 03:25:00 e.h.

fimmtudagur, desember 19, 2002  
Þið eruð eflaust öll spennt yfir því að heyra hvernig mér gekk í viðtalinu...en ég þori nú varla mikið að tjá mig um það því ritstjórarnir fengu slóðina á bloggið mitt hvort sem það er nú til góðs eða ills. Ég er annars á fullu að gera jólakort og reyna að þrífa eitthvað fyrir partýið og þið ættuð örugglega líka að vera að gera eitthvað annað en að lesa bloggið mitt, svo bless í bili.



12/19/2002 09:41:00 e.h.

miðvikudagur, desember 18, 2002  
Breaking News!!!

Ég er að fara í atvinnuviðtal núna á eftir...........hjá Séð og Heyrt!!!



12/18/2002 02:17:00 e.h.

 
Veröld/Fólk | AP | 16.12.2002 | 11:47

Voru vitringarnir launmorðingjar?
Enskur biskup segir að Jesús hafi verið flóttamaður og að vitringarnir þrír hafi verið sendir á eftir honum til að taka hann af lífi.
Keith Sutton, biskup í Litchfield, segir í grein sem birt er á vefsíðu biskupsdæmisins að helgisögur og jólalög dragi upp ranga mynd af fæðingu Jesú. Fæðingu hans hafi ekki verið fagnað af vinalegum fjárhirðum og gjafmildum vitringum eins og börnum sé nú kennt, heldur hafi fjárhirðarnir verið hálfgerðir utangarðsmenn og vitringarnir sendimenn Heródesar sem hafi átt að finna barnið og myrða það.

Biskupinn segir einnig að Jósef og María hafi verið flóttamenn sem hafi neyðst til að flýja til Egyptalands og að saga þeirra sé alltaf að endurtaka sig. Þá segir hann jólin vera erfiðasta tíma ársins fyrir fjölda fólks en Sutton hefur m.a. gagnrýnt meðferð Breta á flóttamönnum.


Díses maður...gætirðu verið meiri partí púper á jólunum!



12/18/2002 12:48:00 e.h.

mánudagur, desember 16, 2002  
Þið getið nú alveg hætt að kíkja á bloggið mitt í nokkra daga...ég sé ekki fram á nein stórræði fyrr en um helgina. Ég er ekki búin að kaupa neinar jólagjafir, bara búin að baka eina tegund af smákökum (súkkilaðibitakökur með súkkulaði og hnetum sem voru afgangs síðan í fyrra og bragðast því ekkert sérlega vel) Auk þess sést ekki í gólfið fyrir drasli því við erum að mála og flísaleggja þvottahúsið. Einhver pípari er búin að vera að flækjast hérna líka því Hannes er að láta koma fyrir ofni undir rúminu okkar! Svo eru engar jólaseríur komnar upp og ég á að vera með partý næsta föstudag fyrir fólkið sem var með mér í Hagnýtri fjölmiðlun. Allt er því frekar vonleysislegt...ég er enn þá að vinna á fullu, Hannes enn þá meira og Gilbert á að vera með tónleika á 22 á fimmtudaginn. Ég nenni nú ekki einu sinni að mæta...öllu má nú ofgera (þeir eru eins og áður sagði líka að spila þar annan í jólum). Talandi um Gilbert þá eru hér komnar tvær nýjar tillögur að hljómsveitar nafni: Gréta kom með: Krækiberjasultan...sem er nú bara ekki sem verst...en einhver sjúkur einstaklingur...(líklega Gréta) toppaði vondunafnakeppnina með: Lífhimnubólga í kviðskilun!





12/16/2002 11:21:00 e.h.

laugardagur, desember 14, 2002  
Jæja þá er ég komin úr jólaklippingunni. Ég fór eftir niðurstöðum síðustu könnunar:

fá mér sömu klippingu og alltaf 0 (0%)
raka allt af 1 (5%)
ekki mæta 7 (36%)
safna og láta bara snyrta 11 (57%)

Svo ég sagði klippistráknum að ég væri að reyna að safna...hann tók samt svolítið mikið en þetta er bara andskoti flott. (Hér hefði verið tilvalið að klína inn mynd af mér með nýju klippinguna en við kunnum bara ekki enn þá á stafrænu myndavélina okkar.) Annars var þetta ferli allt mjög erfitt því mér er meinilla við að fara í klippingu. Ég fór á Rauðhettu og Úlfinn sem er svona voða trendý staður fyrir úlpufólk því ég var nokkuð viss um að þau klipptu flott, verandi svona miklir töffarar sjálf. Málið er að þetta eru mest allt strákar sem að klippa þarna og ég vil ekkert að strákar klippi mig...ég verð svo rosalega feimin. Ég sat þarna með herping í maganum og vonaði að ég myndi lenda á stelpu en þá kom einhver töffaranaggur og sagðist ætla að klippa mig. Þetta var samt allt í lagi, ég reyndi bara að þegja sem mest og horfa niður en eitt hræðilegt gerðist þó. Honum fannst greinilega einhver þörf á því að þvo á mér hárið fyrst en gerði það ekki sjálfur heldur kallaði á sjampóstelpuna sem reyndist auðvitað vera strákur! Þetta var einhver svaka þvottur með hársvarðarnuddi og ég veit ekki hvað og hvað og mér fannst þetta hrææææææææðilegt...ég vil bara ekkert að ókunnugir strákar séu að káfa á hárinu á mér á almannafæri. Jæja þetta fór þó allt vel að lokum.







12/14/2002 05:27:00 e.h.

 
Gréta frænka hans Hannesar er komin með hugmynd að hljómsveitarnafni fyrir hljómsveitina hans Hannesar: Ostahestur. Gréta mín...þetta er án efa það alversta hljómsveitarnafn sem ég hef nokkurn tíman heyrt um og til hamingju með það. Annars er það af Ostahesti (Gilbert) að frétta að þeir eru að fara að spila á 22 annan í jólum með ekki ómerkari mönnum en Botnleðju og Ensími. Wúhú!



12/14/2002 12:52:00 e.h.

föstudagur, desember 13, 2002  
Var að gera laufabrauð með stórfamilíunni hans Hannesar í gær. Ég hafði aldrei smakkað laufabrauð fyrr en ég kynntist Hannesi og líkar bara vel...það má alltaf bæta við sig jólahefðum. Anyway...við þessa handavinnu er jafnan mikið kjaftað og hápunktur kvöldsins í ár var þegar Elín systir hans Hannesar og sjúkraliði sagði okkur sallaróleg frá því að hún hefði eitt sinn farið á djammið með eplasnafs í þvagpoka sem hún festi utan á pilsið sitt. Hún þræddi staðina þetta kvöld og dyraverðirnir voru eldsnöggir að hleypa henni inn og pössuðu sig á því að þykjast ekki taka eftir pokanum. Svo dansaði Elín bara af hjartans lyst og fékk sér öðru hverju sopa úr þvagpokanum og bauð meira segja gestum og gangandi með sér! Saklausari sögur af Elínu bárust einnig í tal...t.d. þegar hún var eitt sinn spurð að því þegar hún var lítil hvað klukkan væri...þá sagði hún : hún er sjö, stóll á hvolfi og stafurinn minn öfugur (þýðing=7:43).

Nærbuxur, vændi, svitalykt, líkamsgatanir og eldhúsvakar voru þarna einnig til umræðu og 75 ára afi hans Hannesar sagði að það væri sko ekkert mál að ná sér í konu í dag...maður færi bara á netið! Að lokum hvatti fjölskyldan mig svo til þess að fara út í vændi eftir áramót og sérhæfa mig í fötluðum og feitum.

Talandi um vændi...skoðunarkönnunin hér á síðunni um hvað ég ætti að gera þegar ég hætti á útvarpinu var tvísýn á tímabili. Vændið og rokkbarinn voru lengi vel jöfn en nú hefur rokkbarinn sigrað með miklum yfirburðum:

fara aftur á leikskólann 0 (0%)
selja eiturlyf 0 (0%)
slá lán og kaupa skranbúð 1 (2%)
gerast blaðamaður 2 (4%)
fara á aðra útvarpsstöð 2 (4%)
vera atvinnulaus og chilla 2 (4%)
fara í kennaraháskólann 3 (7%)
fara út í vændi 6 (14%)
slá lán og kaupa rokkbar 26 (61%)

Eftir að hafa vegið og metið aðstæður er planið svona:

detta í það í janúar og chilla, fara svo að vinna á leikskóla og þýða bíómyndir með, fara í fjarnám í kennaraháskólanum um haustið og stofna sparnaðarreikning til þess að safna fyrir rokkbarnum sem mun opna árið 2004 þegar ég verð 27 ára því það er töfraaldurinn (Jimi Hendrix, Jim Morrison, Kurt Cobain o.s.frv drápust þá)

sounds like a plan to me!









12/13/2002 12:17:00 e.h.

miðvikudagur, desember 11, 2002  
Var að koma af Nick Cave tónleikunum..........geeeeeeeeeeeeeeeðveikt............ég ætla ekki að vanvirða þá með því að segja meira........en jú smá..........þeir hefðu verið betri ef ég hefði fengið sæti og ekki þurft að standa á tánum og gægjast á milli súlna....Hótel Ísland er sem sagt frekar ömurlegur tónleikastaður. Cave og fiðluleikarinn voru mestu töffarar í heimi...nú er bara að fá Bad Seeds með næst, þetta var svolítið rólegt. Annars eigum við Íslendingar svo sem ekkert skilið að fá hann í heimsókn, fólk var alltaf að gjamma fram í og biðja um óskalög...mér fannst þetta svolítið dónalegt....veit ekki...kannski er þetta bara hrós en mér fannst svona eins og komið væri fram við hann eins og hann ætti að þjóna fólki og drullast til að spila það sem það vildi. Þetta voru fjórðu Cave tónleikarnir sem ég hef farið á og ekki þeir bestu...en þeir voru samt geeeeeeeeeeeeeeeeeeeeeeeeððððððððððveikir.






12/11/2002 12:24:00 f.h.

þriðjudagur, desember 10, 2002  
Það er kannski ekki góð lenska að klína persónulegum tölvupóstum inn á bloggið sitt...en það er bara allt að gerast hjá henni Bryndísi í Madrid og þar sem hún er ekki sjálf með blogg finnst mér rétt að heimurinn viti af þessu:

æ greyið, pablo feimni sem er frá mexíkó og var að flytja til madrid og byrja að vinna hérna fór til tannlæknis í fyrradag en á meðan hann var í stólnum ruddist fullt af grímuklæddum gaurum inn og rændu tannlæknastofuna, þeir tóku veskið hans úrið og alls konar af hinu fólkinu, hann meiddist samt ekkert en þeir voru með hnífa, ein
aðstoðarkona tannlæknisins varð hysterísk og þeir stungu hana með hnífi í síðuna síðan tóku þeir alla og hentu inn í herbergi og læstu þau inni úff ég hélt að það væri slæmt að fara til tannlæknis heima....



12/10/2002 04:19:00 e.h.

 
Þegar ég vaknaði í morgun óraði mig ekki fyrir því að ég ætti eftir að éta sviðasultu með rófustöppu í félagsmiðstöð aldraðra í hádeginu. Ég verð að viðurkenna að ég á eftir að sakna allra þessara undarlegru aðstæðna sem ég lendi í í vinnunni þegar ég hætti.



12/10/2002 01:51:00 f.h.

 
Ég er ekki búin að fara á Bond...ætli ég taki hana ekki bara á vídeó...Bryndís í Madrid gaf mér greinargóða lýsingu og gagnrýni á myndinni í tölvupósti sem segir allt sem segja þarf:

Hæ fór á Bond myndina í gær það var fullt frá Íslandi en ég var búin að gleyma því að hún hefðir verið tekin á Íslandi

eftir myndina sagði einn strákurinn "iceland is a very violent country"

en það er kínverskur ljótur kall í myndinni sem er sætur, Bond greyið er svo hrikalega ljótur, ég var að reyna að segja strákunum að Bond væri mjög ljótur og óaðlaðandi
en þeir trúðu mér ekki, oj bjakk þessi gamli loðni.... ullabjakk hann virðist samt alveg indæll sko greyið....

en ég er ekki strumpur þótt þú haldir það



12/10/2002 12:47:00 f.h.

mánudagur, desember 09, 2002  
Mán 9.12.2002

Krabbinn (22.júní - 22.júlí)
Þú öðlast hér alsælu þar sem heppni einkennir þig og kraftur þinn stigmagnast. Hér birtast stundir sem gæða líf krabbans töfrum nánast. Draumar þínir lifna við innan tíðar hvort sem þú kýst að viðurkenna það eða ekki. Taktu eftir umhverfi þínu samhliða velgengni þinni og ekki hika við að vænta mikils af sjálfinu. Sigurtákn birtist.

Ekki amaleg leið til þess að byrja vikuna ha. Það eru ansi fínar stjörnuspár á þessari síðu...það er alltaf eitthvað svona stórfenglegt í gangi þarna...ólíkt þessum stjörnuspám í Mogganum sem ég er nú hætt að lesa því þær fylla mann bara vonleysi (auk þess hef ég tekið eftir því að stjörnuspá eins merkis á þriðjudegi er orðin stjörnuspá annars á miðvikudegi.)



12/09/2002 02:07:00 f.h.

 
Mín fyrsta blogggagnrýni:

"bedda: hún er líka með skemmtileg orð, en samt einföld orð sem gera mann ekki hræddan"

mér finnst þetta bara frábær dómur hjá henni Sigrúnu þótt ég skilji hvorkii upp né niður í honum

:-D



12/09/2002 01:53:00 f.h.

 
Ahhh...helgin bara búin...skrítið. Hún hvarf að mestu leiti í flensu en mér leið þó ágætlega í dag og því fórum ég og Hannes út í garð að gera útijólahreingerningu. Eins og menn vita er ég ekki mikil útimanneskja og leið því ekki á löngu áður en ég steig á hrífu og fékk hana af fullum krafti í andlitið. Ég snappaði gjörsamlega...öskraði blótsyrði svo glumdi um miðbæinn, tók tillhlaup, dúndraði hrífunni í járnstöng og braut af henni hausinn. Ég hef sjaldan séð Hannes jafnhneykslaðan sem er fáránlegt þar sem hann er sjálfur þekktur fyrir að öskra, berja í hluti og henda þeim í ruslið ef þeir virka ekki sem skyldi...ég aftur á móti ræðst bara á hluti í sjálfsvörn. Allt fór þó vel að lokum...við fórum í Sorpu, fengum okkur Chester fried chicken í Nóatúni og ég bakaði tvær smákökutegundir. (ps: ef einhver veit ekki hvað hann á að gefa mér í jólagjöf þá vantar mig sem sagt nýja garðhrífu...stóra og grófa)




12/09/2002 01:35:00 f.h.

föstudagur, desember 06, 2002  
Jæja þá er ég opinberlega veik samkvæmt mömmustöðlum...ég mælist með 38 stiga hita á nýja stafræna mælinum sem ég var að kaupa mér. Þetta er svakalega flottur mælir sem samkvæmt leiðbeiningunum má nota jafnt í endaþarm, handarkrika og munn. Ég reikna nú frekar með því að maður verði að taka ákvörðun í upphafi á hvaða stað maður ætlar að nota hann og halda sig við það. Ég held að ég haldi mig við munninn...mér finnst nefninlega svo ofboðslega gaman að mæla mig og geri það mjög oft...ég held að ég yrði ekkert vinsæl í vinnunni og svona ef ég væri alltaf að stinga mæli upp í rassgatið á mér í tíma og ótíma. Þá er bara að vona að Hannes gleymi sér ekki...þetta er nefninlega eini mælirinn sem við eigum...og Hannes er svona meiri rassamaður.




12/06/2002 03:42:00 e.h.

fimmtudagur, desember 05, 2002  
Af gefnu tilefni vil ég biðja alla sem ég hef móðgað og mun móðga á þessu bloggi afsökunar. Ég meina eflaust ekkert með því og móðgunin tilkomin vegna mismunandi túlkunar á skopskyni. Hafandi sagt það get ég haldið áfram....Hljómsveitin Albert sökkar!...Albert sökkar meira en klámmyndastjarna á góðum degi! There I got it out of my system.

Tónleikarnir í gær voru æði (a.m.k. meðan Gilbert var að spila) Á Gauki á Stöng voru svona nokkrir tugir af miðaldra Frökkum í geðveikri stemmingu að skemmta sér. Þeir dönsuðu á fullu og sungu jafnvel með og var það mjög súrrealískt. Jónsi hélt að þeir væru svo fullir að þeir myndu skemmta sér sama hvaða hljómsveit væri að spila en annað afsannaðist þegar Albert byrjaði...þeir reyndu sitt besta en brátt færðist eymdarsvipur yfir andlitin og allur hópurinn yfirgaf staðinn. Það var frekar sorrí stemmning eftir það og þar sem ég er með flensu og Hannes útkeyrður af smíðavinnu fórum við heim um miðnætti. Rákumst reyndar á snargeðveikan mann á leiðinni sem babblaði eitthvað um Idi Amin og að við ættum að drulla okkur heim.

Þess má geta að mér líður ömurlega en er samt í vinnunni því mamma sagði alltaf að maður væri ekki veikur ef maður væri ekki með hita. Bara svona að láta ykkur vita svo þið getið vorkennt mér.








12/05/2002 12:22:00 e.h.

miðvikudagur, desember 04, 2002  
Gilbert hitar upp fyrir Albert í kvöld miðvikudagskvöld á Gauki á stöng kl. 22. Þetta er farið að verða ansi þreytandi...þetta eru þriðju tónleikarnir á þremur vikum...alltaf á virkum dögum og alltaf fá þeir borgað í bjór. Það er frítt inn, svo endilega kíkið við...ég skal gefa ykkur sopa af bjórnum mínum. Stuðningslið Gilberts er hvatt til að mæta aftur og sýna stuðning í verki...auk þess gæti verið gaman að sjá Albert...mér skilst að þetta séu allt fituhlunkar sem sérhæfa sig í gítarsólóum???




12/04/2002 01:35:00 f.h.

 
Við fengum eftirfarandi fréttatilkynningu í dag....mér leið hálfundarlega að lesa hana...ég veit ekki hvort ég á að vera fúl eða upp með mér...Þetta er frekar undarlegt þar sem ég kannast ekkert við þessi samtök og as far as I know eru ég og Bedda frænka mín einu Beddurnar á landinu...damn it maður...ég hefði átt að fá mér einkaleyfi á nafninu og kæra þessa dúda!

Fréttatilkynning

Bíó Reykjavík 8

Samtökin Bíó Reykjavík tilkynna að nú er lokaútkall fyrir þá sem vilja keppa
um "Bedduna" - Bestu neðanjarðarmyndina. Næsta þriðjudag, 3. desember er
síðasta tækifærið til að sýna stuttmynd sína og koma henni í Beddu-keppnina,
en bestu myndirnar verða valdar í janúar.

Bíó Reykjavík er samvinnuhópur kvikmyndagerðamanna með það að markmiði að
byggja upp nýtt samfélag kvikmyndagerðafólks á Íslandi. Allir þeir sem hafa
gert stuttmynd og vilja koma þeim á framfæri fá hana sýnda hjá Bíó
Reykjavík.


Fyrsta þriðjudag hvers mánaðar eru sýningar á vegum Bíó Reykjavík í MÍR
salnum Vatnsstíg 10 - sýningin n.k. þriðjudag hefst kl. 20:00 og er aðgangur
ókeypis.



12/04/2002 01:25:00 f.h.

 
This page is powered by Blogger.