sunnudagur, október 31, 2004
Babe
Artist: Styx
Album: Babe
(ath - hér þarf að taka huglægt út orðið babe og setja orðið blogg í staðinn)
Babe I'm leavin'
I must be on my way
The time is drawing near
My train is going
I see it in your eyes
The love, the need, your tears
But I'll be lonely without you
And I'll need your love to see me through
So please believe me
My heart is in your hands
And I'll be missing you
'Cause you know it's you babe
Whenever I get weary
And I've had enough
Feel like giving up
You know it's you babe
Givin' me the courage
And the strength I need
Please believe that it's true
Babe, I love you
You know it's you babe
Whenever I get weary
And I've had enough
Feel like giving up
You know it's you babe
Givin' me the courage
And the strength I need
Please believe that it's true
Babe, I love you
Babe, I'm leavin'
I'll say it once again
And somehow try to smile
I know the feeling we're tryin' to forget
If only for a while
'Cause I'll be lonely without you
And I'll need your love to see me through
Please believe me
My heart is in your hands
'Cause I'll be missing you
Babe, I love you
Babe, I love you
Ooo-oo-oo-oo, babe
Bless elskurnar, kem aftur næsta sunnudag.
10/31/2004 09:26:00 e.h.
Jæja, minna en sólarhringur í brottför og ég veit ekki baun um Lettland. Ætla að fara að netast. Er strax búin að finna þessar lífsnauðsynlegu upplýsingar:
Húsagerð í Ríga er fögur og spennandi. Samkvæmt goðsögninni birtist á hverri öld, við minni Daugava-árinnar, djöfull sem hrópar: ,,Er búið að klára Ríga ??. Ef einhverjum skyldi verða á að svara já, yrði bænum skolað burt. Þess vegna halda menn áfram að byggja við borgina og hún er nú orðin sú stærsta í Eystrasaltslöndunum.
Eins gott að ég sá þetta maður. Ég hefði getað lent í þvílíku klandri.
10/31/2004 03:25:00 e.h.
fimmtudagur, október 28, 2004
Í dag var þekktur ofbeldis- og misyndismaður að rífast við einhvern fyrir neðan gluggann í vinnunni á meðan ég var í kaffi. Maður þessi réðist á samstarfskonu mína um daginn og flengdi hana því honum líkaði ekki hvernig hún lagði bílnum. Ég var svona þremur hæðum fyrir ofan hann og fylltist þessari líka ofsabræði og langaði helst að rjúka út og bíta hann. Þar sem ég er ólétt vildi ég þó ekki leggja sjálfa mig í of mikla hættu svo ég gerði það eina sem ég gat í stöðunni: Ég henti Fréttablaðinu sem ég hélt á út um gluggann og stakk mér á gólfið í felur. Þegar ég þorði loksins að kíkja aftur út um gluggann var hann á brott en blaðsíður Fréttablaðsins lágu eins og hráviði á stórum hluta Njálsgötu. Góða hefndin maður.
PS: Ég er að fara í vikuferð til Lettlands á mánudaginn og Styx er fokkings yndisleg hljómsveit.
10/28/2004 09:38:00 e.h.
Ef einhver veit um smarta kvenmannsgínu til láns, sölu eða leigu má sá hinn sami endilega hafa samband við Hannes sem fyrst í síma 862-9192. Við erum að plana smá surpræs fyrir 75 ára afmæli ömmu hans sem verður á föstudaginn.
PS: Dollý, kynþokkafulla þjónustustúlkan hennar Jóhönnu er í útláni þennan dag svo óþarfi er að benda á hana.
10/28/2004 01:37:00 f.h.
þriðjudagur, október 26, 2004
Óléttuvandamál dagsins:
Ég er með kvef og í hvert skipti sem ég hnerra pissa ég smá í mig.
10/26/2004 06:22:00 e.h.
Hey sorrímaður að ég hef ekkert bloggað. Þótt ég drekki ekkert nema sprite og pilsner um þessar mundir er ég svo meðvirk í þynnkunni að ég er enn að jafna mig eftir helgina. Ég gat varla sofið fyrir Rafgashaustónleikana á föstudaginn og þegar ég loks sofnaði dreymdi mig að allt myndi klúðrast. Hélt alveg um kinnarnar af skelfingu þegar þeir voru að spila en þetta gekk svo sem alveg skammarlaust fyrir sig. Hef séð þá betri en líka verri (t.d. ofurölvaða í brúðkaupinu okkar). Hljóðmaðurinn var ekki alveg að standa sig og hljóðfærin yfirgnæfðu því sönginn. Svo fannst mér þeir ekki nógu smartir í tauinu (nema Hannesinn minn, hann er alltaf smartur) og sviðsframkomu var ábótavant. Þeir sögðu ekkert á milli laga og kynntu sig ekki einu sinni í byrjun. En hvað veit ég, ég er greinilega bara einhver Yoko því allir aðrir voru hæstánægðir með þetta. Engir blaðamenn biðu þó í röðum né stórmógúlar með plötusamninga. Einn gaur frá Hollandi sem er með pinkulitla geisladiskaverslun á netinu hafði samband, but that's it. Brasilíski aðdáandinn er samt alveg að missa sig af gleði yfir því að við skulum hafa svarað honum (segi ég hér "við" því það var í raun ég undir dulnefni). Anyway, þá var ég áfram á Grand Rokk þetta kvöld þar sem maður átti ekki armband og var kominn inn og svona. Skátar voru góðir, Rafgashaus ágætir, Isidor frábærir, Dikta leiðinlegir og Pornopop sérstakir.
Vil ég vekja sérstaka athygli á nýja Pornopop disknum sem er að koma út. Pétur vinur okkar syngur þar eins og sorgmæddur engill svífandi um á svörtu glimmerskýi á jólanótt (djö... er maður góður í plötugagnrýninni mar!). Rosalega falleg og flott plata.
Hannes stóð sig vel í rokklíferninu um helgina og eins og ég sagði þá bara svaf ég bæði á meðan hann var að tjútta og þegar hann var að sofa úr sér þynnkuna. Hann þarf líka að drekka til að gleyma exeminu en hann er allur að breytast í Godzillu með hreistur og læti. Ég vakna oft á nóttunni við klórið í honum. En svo kom í ljós að hann á sér verndarengil. Gréta frænka hans Hannesar hafði heyrt af vandræðunum og kom færandi hendi með risastóra Aloa Vera plöntu á laugardagskvöldið. Það er hægt að sneiða af henni arma og smyrja Hannes með slíminu. Hann finnur engann mun á sér enn þá en ég verð að lýsa kæti minni yfir því hvað við eigum æðislega vini og ættingja. Ekki nóg með það að Gréta hafi komið með plöntuna heldur kom hún einnig með síðbúna aukabrúðkaupsgjöf, bara af því að hún er svo mikið æði. Það var alls konar skemmtilegt í pakkanum: Aloa vera krem, pezkall og pez, dónabangsalyklakippa,partýspil:
(ég efast þó um að ég fari að taka upp á þessu:)
og svo sniglabók:
Ekki get ég sagt að við höfum átt við sniglavandamál að stríða. Prýðis skemmtileg bók samt.
Athyglisvert þó að ég hef aðeins einu sinni séð snigill drepinn og þá aðferð var hvergi að finna í þessari bók. Svaný systir mín drap nefninlega einu sinni snigil með minigolfkúlu á Kanaríeyjum.
Anyway, góðmennska Grétu var þó hvergi uppurinn því hún kom líka með Einstürzende Neubeuten og Fantomas diskana sína svo við gætum brennt þá og hún vaskaði upp á meðan! Síðan fórum við að glápa á vídeó og datt í hug að bjóða Guðrúnu nágrannakonu(vinkonu Grétu og fyrrum bekkjarsysur minni) í heimsókn og kom hún einnig færandi hendi! Hún kom með fullt af nammi, Kinder egg, Condis kex og glæpasögu!!!:
Ég táraðist næstum af gleði. Hafa ber í huga að báðar þessar ágætu konur eru hundheiðnar og bera svoleiðis af kristnum mönnum í manngæsku.
María Hannesarsystir átti síðan afmæli á sunnudeginum og hélt ljómandi fínt kökuboð. Nokkur eftirvænting var eftir því hvers konar kökur ég myndi velja mér. Þarna voru nefninlega muffins skreyttar með bláu og bleiku kremi. Var verið að fylgjast með hvort ég veldi því talið var að það tengdist á einhvern hátt kyni barnsins sem ég ber undir belti. Vonbrigðisstunur heyrðust þegar ég valdi mér einu kökuna sem skreytt var báðum litum.
10/26/2004 01:58:00 f.h.
föstudagur, október 22, 2004
Ahhhh en dúlló! Rafgashaus var að fá sitt fyrsta aðdáendabréf:
From: Mahadeva Vashnala
Date: 10/21/04 16:16:28
Subject: Rafgashaus fan from Brazil
I'm an 18 year old boy from the distant and tropical lands of Brazil. I was reading a book about the music in Iceland and I was really surprised by this avalanche of really good sounds, Hljómar, Kukl, Sugarcubes, Einar Örn, Bellatrix, and so on. I was really amazed with theyre music but the most amazing thing I've ever heard was: Rafgashaus
....
So energetic, so alive, so intense, I could write hundres of adjectives for the band but just listening to the songs like one by one, you can feel how fantastic the band is. Unfortunately, here in Brazil we don't have anything related to the band. I don't know if i'm sending this e-mail to the void of if someone will answer but if it gets to hands of the people of Rafgashaus, keep rocking and don't forget you have a big big fan of the band far far away in Brazil
thanks
Love & Peace
Minni svo á að Rafgashaus er að spila í kvöld föstudagskvöld á Grand Rokk kl. 22:45. Verið þar eða verið ferhyrningar.
10/22/2004 01:25:00 f.h.
Ég skrópaði í skólanum í dag. Það var yyyyndisleg tilfinning. Það er miklu skemmtilegra að skrópa en vera í alvöru fríi. Hefði kannski átt að gera eitthvað gagnlegt fyrst ég græddi þarna lausan tíma en það varð nú eitthvað lítið úr því. Ég var bara svona fimm sinnum lengur að lesa blöðin en vanalega, þrisvar sinnum lengur í baði, las allan ruslpóst sem barst inn um lúguna vandlega, reyndi að nota kjánalega meðgöngujóga DVD diskinn sem ég var að kaupa en gafst upp og horfði á ruglaða dagskrá á Bíórásinni. Svo er það bara back to work á morgun. Staðbundna lotan er búin og ég get aftur stundað námið í skjóli tölvunnar og þarf ekki að þykjast vera kurteis við annað fólk. Nema í vinnunni. Damn it!
10/22/2004 01:06:00 f.h.
miðvikudagur, október 20, 2004
Er ekki í bloggstuði. Fórum í forheimskandi hópaverkefni og nokkurra klukkutíma ratleik í skólanum í dag. Farin að glápa á sjónvarpið.
10/20/2004 10:26:00 e.h.
þriðjudagur, október 19, 2004
Það er pissulykt af mér!!! Eða var öllu heldur. En fyrst að öðru. Ég var að byrja í þriggja daga staðbundinni lotu í fjarnáminu og er því í fríi í vinnunni. Er fegin að vera ekki í staðbundnu námi, ég myndi ekki halda það út. Átti að mæta í tvo tíma í morgun og svaf allan seinni tímann. Síðan var fjöggurra tíma eyða svo ég fór í Kringluna og fékk mér Swiss Mokka og baguette og las blöðin og fannst það svo kósí og æðislegt að ég var að springa. Þar til ég áttaði mig á því að það var pissulykt af mér. Mig var búið að gruna það en nú var enginn vafi á því. Þegar maður er óléttur þarf maður voðalega oft að pissa eitthvað og nú áttaði ég mig á því að ég var hreinlega farin að lykta eins og piss af öllum þessum klósettferðum. Ég vatt mér því inn í Body Shop hið snarasta og eyddi ALLT of miklum peningum í bananabúbblubað, eyðimerkurblómabaðgel og ilmsprey, hindberjavarasalva, austurlenskt ilmkerti, greip-, mangó- og jarðaberjabaðkúlur o.fl. o.fl. Þar sem ég eyddi svona miklum pening í Body Shop þurftum við Hannes að fara og taka aukalán í bankanum í dag til þess að geta borgað fyrir húsið á Kárastíg sem við erum nú búin að festa okkur til kaups. Jibbí! Og nú lykta ég eins og banani! Jeiiiiiiii!!!!
10/19/2004 09:09:00 e.h.
mánudagur, október 18, 2004
Kósí sunnudagur í gær. Eyddi deginum í að gera glærugerðarverkefni fyrir skólann. Það var stórkostlegt! Ég er svo klár að ég er að springa!! Síðan var sparimatur hjá mömmu og pabba með súpu, forrétt, aðalrétt og eftirrétt. Það voru svona gervijól þar sem við höfum ákveðið að borða í fyrsta sinn tvö ein á næstu jólum. Síðan fórum við í Smárabíó, kósíasta bíóið á landinu á Anacondas.
Mig langaði svo á hana þar sem við fórum einmitt á anacondaveiðar í brúðkapsferðinni okkar:
 
 
Ég virkilega efast um að ég hefði tekið þátt ef ég hefði verið búin að sjá þessa mynd áður.
Fín mynd. Ég var svo spennt að ég kramdi hendina á Hannesi og talaði við skjáinn og allt. "Drullið ykkur bara yfir!!!" "Upp úr helvítis vatninu!!!" "Skerið af henni hausinn!!!" Geri það nú venjulega bara heima. Kannski er svona spenningur ekki góður fyrir ófrískar konur.
10/18/2004 11:36:00 e.h.
sunnudagur, október 17, 2004
Ohhh það er aldrei mjög smart þegar bæði klósettpappírinn og eldhúsrúllurnar eru búnar og maður þarf að nota spariservíetturnar til að skeina sér.
10/17/2004 06:07:00 e.h.
Skríííííík hvað mér fannst gaman að horfa á Poltergeist í sjónvarpinu áðan. Var búin að gleyma henni. Ég er kannski orðin svona gömul en mér finnst hún sanna að það sé vel hægt að gera scary og ógeðslega mynd án þess að nokkur þurfi að drepast í henni. Sem betur fer kom Hannes tiltölulega snemma heim. Ég var nefninlega alveg að pissa í mig en þorði ekki að fara ein inn á bað eftir myndina.
10/17/2004 01:12:00 f.h.
föstudagur, október 15, 2004
Get ekki bloggað. Það er svo mikil skítalykt í eðlubúrinu.
10/15/2004 11:49:00 e.h.
Ókei ókei, eftir að hafa lesið eftirfarandi hef ég ákveðið að harka af mér og hætta að kvarta undan óléttuógleðinni minni. There are worse things:
í þriðja lagi (nú bið ég viðkvæmar sálir að hætta að lesa), ég var að læra m.a. um uppselju í skólanum dag, það finnst öllum leiðinlegt að gubba en það eru mörg stig gubbu og misskemmtileg. í fyrsta lagi er gubb með fullan maga af mat, ógeð en samt sem áður besta gubbið, síðan er gubb með tóman maga = slæmt, síðan gallgubbið sem mörgum finnst verst, en það var áður fólk vissi um næsta gubb, sem er without a doubt laaaang verst, þannig er það nefnilega að ælan á ekki alltaf upptök sín í maganum heldur í þörmunum, það er nefnilega hægt að gubba kúki! og þetta er ekki lygi, því miður. En þetta er það sem ég er að læra!
Þessi skemmtilega lesning fékkst hjá Louisu systur Jóhönnu.
10/15/2004 01:42:00 f.h.
fimmtudagur, október 14, 2004
Sá loksins nýja Brúðarbandsmyndbandið á Skjá Einum. Krúsímúsís! Þær eru svo mikil rúsínurassgöt að maður verður bara pínu skotinn í þeim af að horfa á það. Til hamingju görrls.
10/14/2004 11:50:00 e.h.
miðvikudagur, október 13, 2004
Ég er hörkutól! Leikskólastjórinn tilkynnti mér að ég hefði verið eini starfsmaðurinn með enga veikindadaga í síðasta mánuði. Samt eru allir að tönnlast á því að ég sé vanfær. Þetta eru bara aumingjar.
Annars er ég í glimrandi jólaskapi. Það voru bjúgu í hádegismatinn og lyktin af þeim er alveg eins og af hangikjöti.
Ég komst einnig að því í dag að ég kann enn þá að spila lagið Góða mamma á blokkflautu.
10/13/2004 11:58:00 e.h.
þriðjudagur, október 12, 2004
Við erum ekki alveg að höndla þrifnaðinn hér á Þórsgötunni. Systur mínar voru í heimsókn áðan og önnur þeirra var að kvarta undan hita svo ég kveikti á borðviftu.
Svaný: Eruð þið til í að slökkva á viftunni?
við: nú?
Svaný: Hún feykir kóngulónni svo mikið til!
10/12/2004 01:26:00 f.h.
mánudagur, október 11, 2004
Fólkið hækkaði allt í einu verðið á húsinu sem við höfum augastað á um hálfa millu. Höfum engan veginn efni á því en erum samt flutt inn í huganum og ætlum því að reyna að semja. Nú þurfum við að fara að spara og því verða aðeins keyptir lífsnauðsynlegir hlutir eins og þessir sem ég var að fá senda frá Amazon:
 
og
Kannanir sýna að smábörn þekkja aftur tónlist sem spiluð var fyrir þau í móðurkviði svo það er ekki seinna vænna fara að þjálfa upp tónlistarsmekkinn hjá Bumburassi. Ég er ekki búin að prófa jógadiskinn en hinir eru frábærir. Varð samt fyrir smá vonbrigðum með Nick Cave. Ég hafði frétt að það væri meira rokk á þessum (tvöfaldur diskur) en hefur verið á undanförnum plötum en svo er nú ekki. Þetta frekar keimlíkt og allt heila klabbið skreytt með gospelkór. Svo er umslagið þótt fallegt sé allt of væmið. Diskarnir sjálfir eru lillabláir og ljósbleikir og líta út eins og þeir hafi verið pantaðir af femin.is. Ljómandi fínt engu að síður.
10/11/2004 11:45:00 e.h.
sunnudagur, október 10, 2004
Sögulegur atburður í gær. Ég fór í fyrsta skiptið á allri minni fullorðinsævi edrú út að skemmta mér. Ljósvakalæðan sáluga varð þrítug og vorum við boðin í heljarinnar celebb partý á Þjóðleikhúskjallaranum. Gat ekki hugsað mér að sleppa þvi, alltaf gaman að sjá frægt fólk fullt. Leið svolítið eins og krækiberi í helvíti en þetta hófst nú allt saman. Svo er líka hægt að fá léttbjór á börum nú til dags í ekta bjórflöskum svo manni leið aðeins skár. Fórum síðan á Sirkus, þar var ljómandi skemmtileg tónlist en ég entist ekki lengi. Bumburass var ekkert hrifinn af óbeina reYknum auk þess sem hann vildi ekki fæðast með heyrnarskaða.
Ég er annars bara búin að liggja í leti alla helgina, mjög þægilegt. Hannes er að gera tilraunir í eldhúsinu. Hann er að grilla gæsalæri marineruð í útrunnu jógúrti, sinnepi, salti, pipar, worcestershire sósu, balsamediki, chillí kryddi, steikarkryddi, nachos flögum og kanilsykri.
10/10/2004 08:00:00 e.h.
laugardagur, október 09, 2004
Það er sjaldan sem ég hlæ upphátt að bloggum en ég skríkti eins og smástelpa í dag þegar ég las þriðjudagsfærslu nágranna míns hennar Guðrúnar galdrakellingar. Svona getur nú stundum verið yndislegt (eða þannig) að vera bíleigandi og búa í miðbænum.
10/09/2004 08:51:00 e.h.
föstudagur, október 08, 2004
Var að fá tölvupóst frá manni að nafni Nitai Gouranga. Hann var svohljóðandi:
Call out Gouranga be happy!!!
Gouranga Gouranga Gouranga ....
That which brings the highest happiness!!
Ég stóðst auðvitað ekki mátið og er búin að vera að kalla Gouranga hér um allt hús. Er ekki frá því að ég sé örlítið hamingjusamari.
10/08/2004 10:16:00 e.h.
Ókei ókei, ég skal viðurkenna það: Ég er með köku í ofninum. Það trúði ekki nokkur maður að ég hefði hætt að drekka vegna veðmáls um loðskó frá Kron. Það voru flestir búnir að fatta þetta en ég vildi ekki staðfesta sögusagnirnar fyrr en ég væri viss um barnið væri að braggast. Ekki þó halda að þetta muni breytast í eitthvað meðgöngublogg. Fátt finnst mér leiðinlegra. Vissulega er það orðið litlausara eftir að drykkjusögurnar hurfu en svona er lífið. Á rokkdauðaafmælisdegi mínum (27 ára) ákvað ég að fremja andlegt sjálfsmorð og hætta á pillunni.
"Choose Life. Choose a job. Choose a career. Choose a family. Choose a fucking big television, choose washing machines, cars, compact disc players and electrical tin openers. Choose good health, low cholesterol, and dental insurance. Choose fixed interest mortgage repayments. Choose a starter home. Choose your friends. Choose leisurewear and matching luggage. Choose DIY and wondering who the fuck you are on a Sunday morning. Choose sitting on that couch watching mind-numbing, spirit-crushing game shows, stuffing fucking junk food into your mouth. Choose rotting away at the end of it all, pishing your last in a miserable home, nothing more than an embarrassment to the selfish, fucked up brats you spawned to replace yourself. Choose your future. Choose life."
Allar fréttir og sónarmyndir mun birtast á plebbalegu síðunni sem ég útbjó á Barnalandi. Gjössovel.
10/08/2004 01:09:00 f.h.
fimmtudagur, október 07, 2004
Sjáiði þessar rúsínur. Airwavestónleikar Rafgashauss verða á Grandrokk föstudaginn 22. okt kl. 22:45. Svo voru þeir spilaðir á X-inu í gær. Oh það er svo gaman að vera grúppía.
10/07/2004 10:03:00 e.h.
miðvikudagur, október 06, 2004
Erum næstum því örugglega búin að næla okkur í hús á Kárastíg. Það er svolítið sjabbí að innan og ógeðsleg daginneftirpartýreykingarfýla í því en það hefur mikla möguleika á að verða helvíti flott með tímanum, einstakri smekkvísi okkar og smíðakunnáttu Hannesar. Svo er gufubað í kjallaranum og garðskáli fyrir Ellu eðlu. Annars átti ég mjög erfitt með að einbeita mér þegar við vorum að skoða það. Eldhúsið er á opnu svæði og ég gat ekki hætt að gjóa augunum á ískápinn. Á segulmagnaðri tússtöflu sem þar hékk stóð nefninlega stórum stöfum: MUNA AÐ ATHUGA KYNFÆRAVÖRTUR!
10/06/2004 08:40:00 e.h.
þriðjudagur, október 05, 2004
Hvaða helvítis ógeðis skítaveður er í gangi!!?? Ég neita að blogga fyrr en þessu slotar. Er skriðin undir feld.
10/05/2004 01:00:00 f.h.
sunnudagur, október 03, 2004
Allir þeir sem hafa minnst á það í gegnum tíðina að ég væri klár í eldhúsinu geta dregið þau orð til baka hér og nú. Systur Hannesar komu í heimsókn í gær og ég ákvað að gleðja þær með Betty Crocker köku (fyrir þá fáu sem ekki vita er hún gerð úr tilbúnu kökuduft sem þarf að bæta olíu, eggi og vatni í). Ég hellti duftinu í skál og fór svo eftir leiðbeiningunum. Ég var byrjuð að mæla olíu í og hella ofan í þegar ég fór allt í einu að pæla í því hvað það væri rosalega mikil olía í þessari uppskrift; ég var alveg að fara að klára brúsann. Ég kallaði fram og spurði Elínu sem ég veit að er sérfræðingur í þessum kökum hvort það væri örugglega svona mikil olía í kökunni. Hún játti því en kom sem betur fer inn í eldhús að tékka á mér. Þar gargaði hún upp yfir sig og þreif af mér olíuflöskuna. Ég var þá búin að hella 500 ml. ofan í duftið (1/2 líter!) því mér sýndist standa að það ætti að nota 700 ml en ekki 70 ml eins og raunin var. Skömm mín var algjör þegar ég reyndi að hella einhverju af olíunni sem flaut ofan á í vaskinn. Ég hélt þó ótrauð áfram og reyndist þetta vera hin besta kaka og rann hún ljúflega niður enda vel olíuborin.
PS: Nenntum ekki að standa í þessari tiltekt og ákváðum bara að selja húsið í staðinn. Gullmolinn okkar er til sölu fyrir litlar 17,9 millur.
10/03/2004 08:11:00 e.h.
laugardagur, október 02, 2004
Ég vildi óska að einhver sæi til þess að þær framhaldsseríur sem teknar eru til sýninga ár eftir ár breyttu einstaka sinnum um titilstef. Mér er farið að verða flökurt þegar ég heyri Survivor og Idol stefin. Ég þraukaði þó í gegnum Idolið í gær og var það vel þess virði því ég kannaðist við einn keppandann sem komst áfram. KeanuReevesmyndarlegi maðurinn sem söng If It Was'nae For Your Wellies lagið var nefninlega borðfélagi okkar í brúðkaupi þeirraJóhönnu og Þrastar í sumar. Hann heitir Skúli og ég veit svo sem ekki hvernig hann er ódrukkinn en í brúðkaupinu var hann æææðiiiiii. Dæmi um setningar sem ég man eftir að hann sagði grafalvarlegur það kvöldið: "Sjáið þessar bleiku hjartablöðrur....þið vitið að þegar hjörtu eru orðin svona bleik, er stutt í að þau verði svört og deyji", og "Haldiði kannski að það sé eitthvað auðvelt að vera rokkari og líta út eins og poppari?" Yndislegur karakter með fína rödd. Allir að halda með Skúla. Áfram Skúli!!!
10/02/2004 06:10:00 e.h.
föstudagur, október 01, 2004
Tiltektin fór eitthvað fyrir ofan garð og neðan í gær og rót vondu lyktarinnar er ófundin. Ég ætla því að halda áfram í dag. Ætli ég þurfi ekki að taka til í tölvunni líka. Er ekki verið að ráðleggja fólki að eyða DC++ og downloaduðum gögnum svo það verði ekki? Annars væri það ágætis tilbreyting frá grámyglulegum hversdagsleikanum. Að vera handtekin. Þá hefði ég a.m.k. eitthvað til þess að blogga um.
10/01/2004 05:26:00 e.h.
|
|
