|
|
Jafnvel hinn minnsti froskur er mikill í sínum eigin forapolli
|
|
| |
|
|
| |
|
|
|
|
|
| |
föstudagur, febrúar 28, 2003
!!!TIL HAMINGJU MEÐ AFMÆLIÐ MAMMA!!!
2/28/2003 03:06:00 e.h.
Allir út í búð að kaupa Hús og Híbýli! Ég er nefninlega orðin súpermódel!! Á öftustu síðu má finna heilsíðumynd af mér. Að vísu lít ég út eins og einfætt lík með flösu, but what the hey.
2/28/2003 02:53:00 e.h.
fimmtudagur, febrúar 27, 2003
Jæja, mér tókst að vísu ekki að fara í sund FYRIR hádegi en ég náði allavega að fara rétt EFTIR hádegi. Næsta skref er að nenna ofan í sundlaugina því núna fór ég bara í barnapottinn. Keypti samt rosa flott bleik sundgleraugu en þau pössuðu ekki. Þau eru greinilega hönnuð fyrir manneskju með óvenjulangt á milli augnanna. Annars fannst mér allt sundferlið frekar ógeðslegt. Það er alltaf verið að sýna þessar auglýsingar sem hvetja mann til þess að fara í sund. Manneskjan er þá alltaf alein í lauginni og allt voða hreint og heilbrigt, en svo kemur maður þarna og þarf að marinerast í annarra manna dauðum húðfrum, hárum og guð má vita hverju. Að ég tala nú ekki um allar þessar allsberu kellur í klefunum sem fá útrás fyrir strípihneigð sína og dangla kotasælurössunum eða hnésíðum tittsunum í mann ef maður þarf að komast framhjá.
Annars sá ég einu sinni Björk í sundi...í sturtu...allsbera! Hún er öll út í freknum. Það hlýtur að vera mega mál að meika yfir þær í myndböndum. Alltaf gaman að geta svarað "yes I've seen her naked" þegar útlendingar spyrja "Do you know Bjork?". Talandi um útlendinga og nekt...þegar við vorum að klæða okkur (ég og Bryndís) þá kom ensk kona með tvær litlar stelpur ca. 9 ára í klefann. Hún ætlaði að leyfa þeim að fara í sund en ætlaði sjálf bara að fylgjast með. Stelpurnar klæddu sig úr og kom þá í ljós að þær voru í sundbolunum innan undir fötunum. Síðan klæddi mamman þær í úlpu ufir sundbolina til þess að þeim yrði ekki kalt á leiðinni út í laug. Þegar sundlaugarvörðurinn sýndi þeim sturtuna og sagði að þær þyrftu að þvo sér fyrst brustu þær í grát og kjökruðu: "They're all naked!!!....everybody is going to see us naked!!!" Mamman sagði þeim þá að klæða sig aftur í fötin og þær hættu við að fara í sund. Fyrst varð ég voðalega hneyksluð á þessum pempíuskap en svo áttaði ég mig á því að Íslendingar eru bölvaðir perrar. Það er bara ekki eðlilegt að neyða fólk til þess að þvo sér allsbert beint fyrir framan annað allsbert fólk. It just aint right! Skömminni skárra er það þó þegar ókunnugir eiga í hlut en ég hef gjörsamlega engan áhuga á því að sjá mína fjölskyldu, tengdafjölskyldu eða vini allsbera eða að þeir sjái mig. It just aint right!!! Ef þetta er svona voðalega eðlilegt afhverju eru þá ekki allir allsberir í fjölskylduboðum? Ég bara spyr.
2/27/2003 02:59:00 f.h.
miðvikudagur, febrúar 26, 2003
Tölvan og bloggerinn eru búin að vera með einhvern derring að undanförnu en nú ætti öllu að vera óhætt. Í fréttum er það helst að mér hefur tekist að snúa sólarhringnum gjörsamlega við þökk sé hryllingsmyndamaraþoninu sem ég hélt fyrir systkini mín á föstudagskvöldið. Við tjölduðum í stofunni, leigðum 5 Freddy Krueger myndir (þær eru 7 í allt en nr. 2 og 5 voru ekki til á leigunni), pöntuðum pizzur, poppuðum í bala og grilluðum sykurpúða yfir kertaljósi. Það sofnaði enginn nema Hannes, hann sofnaði eftir tvær fyrstu myndirnar en tókst samt að kommentera á hinar myndirnar í svefni eins og honum einum er lagið. Til dæmis hreytti ég í geðshræringu minni eitt sinn setningunni "af hverju sefur þú ekki bara hjá honum!?" í sjónvarpið og þá svaraði Hannes að bragði upp úr svefni "neeeei, það gengur nú ekki". Fyndni atburðarins bloggast eflaust ekki nógu vel. Guess you had to be there....Anyway...veislan stóð til morguns og þar sem ég hef ekki haft neina hvatningu til að snúa svefnvenjunum við er ástandið frekar súrt. Ég þykist vakna klukkan hálftólf þegar Hannes hringir til að vekja mig, fer þá með sængina fram í stofu til þess að horfa á Nágranna ruglaða í hádeginu en sofna áður en þeir byrja og sef til eftirmiðdags. Reyndar er Bryndís komin heim núna og bjórdrykkjan og sundferðirnar þar með hafnar. Fyrsta bjórdrykkjan var í gær og fyrsta sundferðin er plönuð FYRIR hádegi á morgun svo kannski tekst mér að vaka eftir það. Adios
2/26/2003 03:36:00 f.h.
mánudagur, febrúar 24, 2003
2/24/2003 03:46:00 e.h.
föstudagur, febrúar 21, 2003
Fyrrum samstarfskona mín hún Svanhildur Hólm útvarpsbeiba var rétt í þessu valin kynþokkafyllsta kona landsins og óska ég henni til innilega hamingju með það. Hún hreyfði reyndar aldrei við neinum lesbískum kenndum hjá mér á meðan ég var að vinna á RÚV en það er kannski ekki furða þar sem ég hef það jafnan fyrir reglu að hugsa um vinnufélaga mína sem kynlausa strumpa. Þetta tjáði ég honum Svenna Guðmars eitt sinn og setti hann þá upp spekingssvip og benti mér að á galla þeirrar reglu: Þar sem Strympa er kvenkyns og beiba í þokkabót eru Strumparnir greinilega karkyns og því alls ekki kynlausir. Eftir smá rannsóknir á netinu varð mér ljóst að stumpar stunda líka kynlíf. Sannanir þess má t.d. finna hér og hér.. Einnig má þess til gagns og gamans geta að helli maður Blue Curacao í skotglas og setur Bailey's Irish Cream ofan á kallast drykkurinn Strumpabrundur.
2/21/2003 05:18:00 e.h.
Andskotans helvítis djöfulsins Monkey Island 4 helvítis andskoti!!!!!!!!!!!!!!!! Ég er farin að sofa!!!!!!!!!!!!!!
2/21/2003 04:45:00 f.h.
Þessi stjörnuspá sem Elín sendi mér er einhver sú sannspáasta sem ég hef nokkurn tímann séð. Þess má geta að ég er krabbi (Jónsi líka) og Hannes er hrútur.
2/21/2003 02:06:00 f.h.
Ef svo ólíklega vildi til að einhver myndi eftir tilkynningu minni um að Rafgashaus væri með tónleika í kvöld föstudagskvöld og ætlaði sér að kíkja þá hefur þeim verið aflýst. Gaurinn á Grand Rokk gleymdi víst að hann væri búinn að bóka þá og bókaði Rósu á Spotlight í staðinn.
2/21/2003 02:03:00 f.h.
Þvílík kvöl og pína! Örbylgjuloftnetið eyðilagðist greinilega í óveðrinu um daginn. Fjölvarpið er alveg dottið út en ég gat hingað til rýnt í snjóinn á Skjá einum. Nú er allt farið og ég missti af Bachelor!!!!!!! Segið mér hvað gerðist!!! Fór einhver að grenja? Fór einhver að ríða!!!?
2/21/2003 01:40:00 f.h.
fimmtudagur, febrúar 20, 2003
Æi ég get ekki sofið, ég er með svo mikið samviskubit. Ég var svo vond gaur sem kom hingað í kvöld og ætlaði að selja okkur snyrtivörur. Hannes kom heim úr vinnunni þegar ég var enn þá hágrenjandi yfir því að doktor Green dó í Bráðavaktinni og sagði að gamall vinufélagi sinn væri að koma í heimsókn og ætlaði að sýna okkur svolítið í leiðinni. Ég vissi um leið að það þýddi að hann myndi reyna að selja okkur eitthvað því hann er Nu Skin skölumaður og tókst að pranga inn á Hannes einhverskonar rafstraumsandlitsnnuddtæki sem hann gaf mér í jólagjöf. Hannes er svo hjartahreinn að hann hélt að gaurnum langaði virkilega bara að koma í heimsókn en hið sanna kom ljós þegar Hannes þurfti að svara í símann, þá fékk gaurinn glampa í augun, vippaði upp bæklingunum, byrjaði söluræðu og hélt að ég yrði eins auðveld bráð og Hannes. Ég sé það núna að ég hefði getað afþakkað á kurteisislegri hátt en þess í stað tók ég algjört kast á aumingja manninn. Hélt einhverja þrusuræðu um ömurleika sölumanna og píramídasölukerfa og að það þýddi sko ekkert fyrir hann að ætla að útskýra eiginleika snyrtivara fyrir hörðum snyrtivöruneytanda sem hefur prófað allar þær tegundir sem fáanlegar eru í búðum auk þess að hafa látið pranga inn á mig Herbalife, Natures Own og meira segja þessu fokking Nu Skin áður og þetta væri allt sama tóbakið og bla bla bla bla með handapati og eldrauð í framan. Aumingja Hannes varð þvílíkt skömmustulegur þegar hann var búinn í símanum og sá að ég var að úthúða gestinum hans. Ég skammaðist mín líka því allt í einu fannst mér voða sætt að einhver gaur sem áður var að vinna í byggingarvinnu væri nú að selja kellingum krem og svitalyktareyða. Ég reyndi síðan að vera voða góð og bæta fyrir þetta en ég held að ég hafi samt þokkalega eyðilagt kvöldið fyrir honum. Það endaði með því að hann GAF okkur eitthvað ofurtannkrem og tannbursta. Ég tók bækling og sagðist ætla að hugsa málið. Reyndar er ég alveg sjúk í allt svona drasl en ég þoli bara ekki sölumenn. Honum langar víst að gera einhver svona skipti: við tökum út vörur og Hannes hjálpar honum í sumarbústaðnum hans í sumar. Ég á nú eftir að sjá það að Hannes nenni að vinna fyrir andlitsmöskum og fótakremi.
2/20/2003 02:26:00 f.h.
þriðjudagur, febrúar 18, 2003
Jæja þá er þetta loksins búið. Ástæðan fyrir því að ég er búin að blogga svona oft í dag er nefninlega sú að Ella eðla át bökunarpappír í gær. Ég gef henni alltaf grænmeti í svona körfu og set bökunarpappír í botninn bara til að það sé auðveldara að þrífa körfuna, en í gær tók ég eftir því að bökunarpappírinn var horfinn. Ég velti því strax fyrir mér hvernig næstu hægðir eðlunnar yrðu en ekkert gat búið mig undir þann viðbjóð sem við mér blasti í dag. Það var eins og hún hefði sett ræpu í vatnsbyssu og plaffað út um allt búr og lyktin var ólýsanleg. Ég hef verið að mana mig upp í að þrífa þetta í allan dag en þar sem eðlubúrið er við hliðina á tölvunni fer ég alltaf að blogga í staðinn. En nú er þetta búið. Ég brynvarði mig með plastsvuntu og gúmmíhönskum, reif klósettpappír í tvær hentugar ræmur, vætti þær í Gillette raksápu fyrir konur og tróð þeim upp í nasirnar. Síðan setti ég ellu í bað (þar sem hún kúkaði aftur by the way), og kláraði heila eldhúsrúllu og hálfa flösku af rúðuúða á búrið. Allt er orðið fínt núna og Ella komin aftur í kúkfrítt búr en af einhverjum ástæðum er hún nú orðin appelsínugul.
2/18/2003 05:09:00 e.h.
Mikið er ég fegin að hún Bryndís er að koma heim frá Madrid. Við ætlum að vera atvinnulausar saman, drekka bjór, fara í sund og svona. Ég var líka orðin frekar hrædd um líkamlega og andlega heilsu hennar þarna úti. Hvernig er annað hægt þegar maður er alltaf að fá svona bréf:
Hrikalegur spítthaus var að bögga mig og tvær hórur í metroinu í nótt. Við vorum mjög hræddar, líka hórurnar sem höfðu verið að reykja hass allan tíman og hlægja. Maður skyldi nú ætla að hórur væru ekki smeykar yfir svona lítlræði, anyways þær biðja að heilsa... Yfirmaðurinn minn er annars búinn að kenna mér fullt af varnarbrögðum, t.d. hvernig á að nota lyklakippu til þess að verja sig á bar...ég skal kenna þér þegar ég kem heim. Svo er ég búin að læra eitt: spænskir strákar með gel í hárinu eru vondir, þeir sem ekki hafa gel eru yfirleitt ljótir en góðir.....
2/18/2003 04:10:00 e.h.
Ævintýrin enn gerast. Hannes fann fjórar eldgamlar danskar klámmyndir í vinnubílnum í gærkvöldi. Málið er enn óupplýst.
2/18/2003 03:08:00 e.h.
mánudagur, febrúar 17, 2003
BIRGITTA HAUKDAL!!!!!!!!!!!!!!!!!!????????? BIRGITTA MOTHERFOKKING HAUKDAL!!!!!!!!!!!!!!!!!!!!!!!!!!!!!!!!!! Aldrei er ykkur Íslendingum treystandi til neins! Þó vonbrigði, og sálarangist hafi hellst yfir mig þegar úrslitin voru gerð kunn náði ég að harka af mér og drekkja sorgum mínum með því að kneifa öl í góðra manna hópi og eta hákarl og hvalspik. Hið árlega Þorrablót Hannesarfjölskyldu var nefninlega sérstaklega skemmtilegt í ár því auk stórviðburðarins í sjónvarpinu var ég ekki lengur nýji krakkinn í hverfinu. Súrmetisáts og fjöldasöngsþjálfun mín er nefninlega fullkomnuð og ég loks farin að stunda þá iðju ótilneydd eftir sex ára pyntingar þessarar fjölskyldu. Auk þess er kominn nýr aðili til þess að pynta því Herdís Hannesarmömmusystir er komin með kærasta sem er tyrkneskur í þokkabót. Hann stóð sig samt eins og hetja, fékk sér allar tegundir á diskinn og sat síðan sveittur allt kvöldið að reyna að neyða þetta ofan í sig með bros á vör. Ragnheiður Hannesarfrænka, dóttir Herdísar var líka búinn að búa hann undir þetta. Þegar hann var nýkominn til landsins benti hún á klofið á honum og sagði: "you know the cock and balls...we eat them!" Þetta var sem sagt hin besta skemmtun en þær gastegundir sem hafa sloppið út um óæðri endann á mér og mínum heittelskaða síðan á Þorrablótinu gætu drepið hest. Við verðum annars að fara að hemja okkur í annarra manna návist...ég skammaði Hannes í gær fyrir að hafa prumpað þrisvar heima hjá Jónsa fyrir framan nýju/gömlu kærustuna hans en Hannes kom þá alveg af fjöllum og sagðist ekki hafa tekið eftir því. Eftir þá heimsókn fórum við til Grindavíkur í aðra heimsókn til að skoða nýtt hús og barn hjá Óskari vinnufélaga Hannesar og Berglindi 2. Þetta var hinn sætasti krakki en meiri eftirtekt vakti með eindæmum ófríður köttur sem þau eiga sem var ekki bara óheppinn í útliti heldur kom mjálmið örugglega úr iðrum vítis. Síðan píndi ég Hannes í Bláa Lónið þar sem hann hélt sig alltaf tveimur metrum frá mér því hann var svo hræddur um að fólk héldi að við værum að ríða.
2/17/2003 03:16:00 e.h.
föstudagur, febrúar 14, 2003
Rosalega var gaman að horfa á Gettu Betur í sjónvarpinu gær. Svenni var svo mikil dúlla að mig langaði bara til þess að taka sjónvarpið og rassskella það. Ég þorði því hins vegar ekki þar sem Svanhildur var svo ströng á svipin. 2/3 af liði MR var líka alls engin sjónmengun og reyndar sýndist mér á salnum að karlkyns eintök þessa skóla hafi batnað í útlitslegum gæðum síðan ég gerði þau mistök að sækja hann. Auk þessara pælinga var einnig skemmtanagildi í því að loksins vissi ég svörin við sumum þeirra spurninga sem spurt var um, en það hefur aldrei gerst fyrr. Ég ætla bara rétt að vona að það þýði að ég hafi vaxið í þroska og vitneskju síðan ég var í menntaskóla en ekki að spurningarnar hans Svenna séu svo léttar en liðin áttu a.m.k. nógu erfitt með að svara þeim. Eftir þessa prýðis skemmtun fór ég á 22 þar sem Rafgashaus var að hita upp fyrir Botnleðju . Þeir voru hörmulegir sökum lélegs sánds en Botnleðja voru svo góðir að ég var næstum því búin að pissa í mig af gleði sem virðist vera farið að henda svolítið oft. Ætli ég þurfi ekki að fara að æfa grindarbotnsvöðvana. Borgað var í bjór svo dagurinn í dag hefur liðið í dásamlegri þynnku. Tilkynnist það hér með að Rafgashaus spilar næst á Grand Rokk eftir viku, föstudaginn 22. feb.
2/14/2003 06:17:00 e.h.
fimmtudagur, febrúar 13, 2003
Ekki hefur birst persónuleikapróf hér síðan ég var greind sem risastór geðklofa hani svo það var kominn tími á nýtt:
What Spooky Being are You?
ég get nú ekki sagt að ég sé sammála þessari lýsingu í einu og öllu en þessir froskmenn eru greinilega alveg stórmerkilegir. Hér eru meiri upplýsingar um þá / mig?:
More About Loveland Frogs
Loveland Frogs are certainly the craziest things I've ever heard of! These 4-foot tall creatures resemble frog people, with big ugly frog mouths and wrinkly foreheads. Some have seen them carrying funny sparkling wands. They have been seen in groups so there's more than one apparently. According to one witness, they smell like alfalfa and almonds.
Some theories state that they are aliens or genetic mutations of frogs, and another theory is that they are the result of genetic experiments done by scientists.
Even though it's highly unlikely that these creatures exist, due to the pure absurdity of the accounts and the lack of any physical evidence at all, it sure is an interesting creature
2/13/2003 01:24:00 f.h.
miðvikudagur, febrúar 12, 2003
ókey....ég er búin að leysa leikinn....hvað geri ég nú?
2/12/2003 01:24:00 e.h.
þriðjudagur, febrúar 11, 2003
Jæja, ég er búin að jafna mig á Michael Jackson, en nú er ég svo upptekin af því að spila Monkey Island III að ég hef ekki tíma til að blogga. Enda hefur ekkert markvert gerst nema kannski það að þökk sé Jójó verður heilsíðumynd af mér í næsta Hús og híbýli haldandi á tveimur forljótum ljósakrónum. Ég var nú farin að átta mig á því að ég yrði aldrei nein Séð og Heyrt stelpa en möguleikinn á því að verða Hús og híbýli stelpa hvarflaði aldrei að mér. Svo lenti ég í heilmiklu ævintýri við að reyna að hafa uppi á táknmálsorðabók fyrir Nat, tælensku vinkonu mína. Hún er búin að búa hér í um sjö ár og hefur aldrei nennt að læra íslensku en er svo allt í einu ólm í að læra íslenskt táknmál af því að það eru tveir heyrnarlausir gaurar vinnunni hennar! Og þeir eru víst ekki einu sinni sætir!...what's up with that!?
2/11/2003 04:47:00 e.h.
föstudagur, febrúar 07, 2003
Ég er enn þá svo steinhissa eftir að hafa horft á heimildarmyndina um Michael Jackson í gær að ég held að ég bloggi bara ekkert í dag.
2/07/2003 12:43:00 e.h.
fimmtudagur, febrúar 06, 2003
Ég braut vaskinn inni á baði í gær. Góða helvítis húsmóðirin. Ég er búin að vera voða dugleg í hreingerningum í atvinnuleysinu og ímynda mér að ég sé ljóshærð þjónustustúlka með stór brjóst í svona svörtum búningi með hvíta svuntu...uhhh...anyway....þá var ég að þurrka af hillu sem er fyrir ofan vaskinn. Á henni eru alls kyns skrautmunir, þar á meðal svona glerhnullungur með blómi inn í sem Jóhanna gaf okkur einhvern tímann. Hnullungurinn datt sem sé ofan í vaskinn og á því sekúndubroti sem leið áður en hann lenti þaut í gegnum hugann minn "neeeeiii fíni glerhnullungurinn" en ekki hefði ég þurft að hafa áhyggjur því hann slapp óskaddaður á meðan gat á stærð við brennibolta myndaðist í vaskinum. Thanks a lot Jóhanna! Hannes var samt ekkert svo fúll, við stungum bara gerviblómi í gatið og tannburstuðum okkur í baðinu.
2/06/2003 02:46:00 e.h.
miðvikudagur, febrúar 05, 2003
 Þvílík nótt! Ég vaknaði með hausverk eftir gríðarlanga martröð. Mig dreymdi að það væri dagur og ég væri nýbúin að komast að því að ég væri með tímastilli á hjartanu sem myndi hætta að ganga klukkan tíu um kvöldið og ég þar með deyja. Hannes var af einhverjum ástæðum staddur í Ástralíu og var sallarólegur þegar ég hringdi og tilkynnti honum þetta. Hann sagðist ætla að setja Bjössa frænda sinn í málið, hann gæti örugglega farið á netið og fundið leið til þess að breyta stillinum. Á meðan fór ég að kveðja fjölskyldu mína ef þetta skyldi ekki takast...og þeim virtist vera alveg drullusama. Þau kvöddu mig kurteisislega og fóru svo bara að elda mat, læra heima og svona. Mamma spurði mig reyndar hvaða ljósmynd ég vildi hafa með minningargreininni. Þegar klukkan var alveg að verða tíu fór ég og athugaði hvort Bjössi frændi Hannesar hefði fundið leið til þess að bjarga mér á síðustu stundu....en nei....það kom í ljós að hann hafði verið í tölvuleik allan daginn! Klukkan sló tíu....en ég dó ekki...þetta hafði verið false alarm. Ég hringdi í Hannes til þess að spyrja hann hvers vegna hann hefði ekki hringt til þess að kveðja mig og hann sagðist hann hafa gleymt því út af tímamismuninum í Ástralíu. Þá varð ég brjáluð, flutti út á land, breyttist í mann, giftist konu og talaði aldrei við neinn á höfuðborgarsvæðinu aftur.
Ég var lengi að komast í gott skap eftir þennan ömurlega draum. Þegar ég vil komast í gott skap nægir mér yfirleitt að hlusta á lagið Happy með Johny Toxic af plötunni Porn to Rock en það dugði ekki til í þetta sinn. Nú þurfti eitthvað róttækt, og loks fann ég það.
2/05/2003 11:28:00 f.h.
mánudagur, febrúar 03, 2003
Ég var rétt í þessu að kveðja minn fyrsta einkanemanda....ég er nefninlega farin að kenna ensku heiman frá mér. Tilraunadýrið er 17 ára lesblind stelpa og ef ég eyðilegg ekki í henni heilann munu fleiri fylgja í kjölfarið. Ef mér tekst að lappa eitthvað upp á hana ætti ég nú eiginlega að snúa mér að Hannesi næst svo ég þurfi ekki alltaf að vera talandi textavél fyrir fjölvarpið. Ég efast þó um að ég geti lagað það sem fer mest í pirrurnar á mér við enskufærni Hannesar...þegar hann ruglar saman og fer vitlaust með leikara og bíómyndaheiti. Nú síðast olli þessi kvilli nokkrum ruglingi um helgina.
Við fórum nefninlega á Jackass í bíó en í miðasölunni bað Hannes um tvo miða á "asshole-a myndina". Það kom svolítið hik á miðasölustúlkuna en hún lét okkur þó fá miða. Þegar inn var komið varð mér litið á miðana og sá þá að hún hafði látið okkur fá miða á allt aðra mynd: Once upon a time in the midlands. Þetta fannst okkur skrítið og veltum mikið fyrir okkur hvers vegna hún hafði tengt þá mynd við eitthvað asshole. Eftir að ráðgátan hafði fengið að meltast í undirmeðvitundinni í dálítinn tíma rann upp fyrir mér ljós. Hún hélt örugglega að Hannes hefði sagt " A - salar myndina". Mystery solved! Ég held samt að ég sjái bara um miðakaupin framvegis. Annars var Jackass alveg ógnarlega skemmtileg. Ég hef bara ekki hlegið svona mikið í bíó síðan á Ace Ventura og ekki öskrað svona mikið síðan á Arachnophobia. Ég skal meira að segja viðurkenna það að ég hló svo mikið að ég pissaði smá í mig. Það er alveg fullkomlega skiljanlegt að myndin sé bönnuð innan 14 og hún ætti reyndar að vera bönnuð innan 16 því eftir áhorfið kviknar í manni óstjórnleg löngun til þess að klessa á eitthvað. Við réðum til dæmis ekki við okkur og eftir myndina...á miðnætti, fórum við ásamt Svaný systur og Gunna bróður upp í Bláfjöll með snjóþotur og bretti og misþyrmdum okkur til þrjú um nóttina. Það var kannski ekki alveg eins gaman og að horfa á myndina en ansi gaman þó.
2/03/2003 08:02:00 e.h.
|
|
| |
|
|
|
