Bedda

2009-05-21T04:58:00.001Z

Midfield General featuring Noel Fielding

2009-02-14T05:28:00.001Z

How utterly marvelous!

2008-11-20T14:22:00.002Z

Stuðningur barst úr óvæntri átt frá gömlum félaga mínum úr Hagnýtri fjölmiðlun svo mér líður mun betur núna:

Áttirðu von á að vakna öðruvísi en skólaus? Nú ganga flestir til náða skólausir og vakna þar af leiðandi á sama hátt. Það eina sem læðist að mér er þá að svefninn hafi ekki átt sér hið formlega upphaf svefns, þ.e.a.s. með rúmlegu og tilheyrandi. Að vakna í sinni eigin ælu er hátíð miðað við að vakna í ælu annarra svo gerðu þér sem minnsta rellu yfir því.

Takk Atli min ;-)

2008-11-18T01:56:00.005Z

Ég er enn að skríða saman eftir helgina með þeirri angist og tilvistarkreppu sem því fylgir. Partýið gekk vel. Eldspúararnir (Svaný systir og Snorri vinur hennar with a special guest appearancy by Eiríkur á Dillon) rokkuðu, kveiktu ekki í sér og tónleikarnir voru skemmtilegir. Gaman að sjá loksins gamla takta hjá Hannesi sem glöddu grúppíuhjartað. Þurrísinn naut sín ekki nógu vel í vatnskönnunum svo ég hellti restinni í þvagskálina á karlaklósettinu. Það var mjög fallegt en entist ekki lengi og ég fékk ekki að sjá neinn pissa á hann. Menn rétt nörtuðu í kremkexið svo ég á heilmikið afgangs og það er ekki eins og ég þurfi á transfitusýrunum að halda.

Fylleríið eftir tónleikana fór þó út í öfgar eins og gengur og gerist og það gleymdist að mestu að reyna að selja diska og felgulakks-spreyaða einnota boli. Við erum því í bullandi mínus alveg eins og með CCBB partýið í sumar. Ég er sátt við að þetta sé bara til gamans gert og kosti pening eins og önnur áhugamál á borð við mótorkross og fjallgöngur en hljón'stargaurarnir mínir eru enn með einhverjar grillur um að þetta geti borgað sig peningalega. Sé það ekki alveg gerast. Ég er búin að eyða orku og ótal ólaunuðum nóttum við tölvuna í að hugsa um og plögga allt þetta húllumhæ og er orðin voðalega þreytt þótt þetta sé líka mjög gaman. Mig þyrstir í my own moment of glory en það er erfitt að átta sig á því hvaðan hún ætti að koma þar sem ég hef látið yfir þrjátíu ár líða hjá without developing any special skills aðra en að glenna mig andlega á bloggi og feisbúkk :-( And what does it all matter anyway (...hef á tilfinningunni að ég ætti ekki að blogga í þessu hugarástandi)

En það var gaman. Já svaka stuð. Enda allt til gamans gert. Ekki eins margir og ég bjóst við en alveg nóg af skemmtilegu fólki. Spírandi Baunir meira að segja allar saman komnar í fyrsta sinn í langan tíma og hafa haldið sér mjög vel I must say:

Birgitta systir Ragga er förðunarsnillingur og fór hamförum fyrir partýið með latex,sykur og snjósprey og skapaði þetta:

Svo spúðu þau eldi fyrir utan Dillon sem var æðislegt. Dauðlangaði að senda myndirnar á blöðin (þótt þau birti aldrei það sem þau eiga að birta blessaðir hálfvitarnir) en þorði ekki þar sem mig grunar sterklega að það sé ekki beint leyfilegt að leika sér svona með eld á Laugaveginum.

Ég var með næturpössun fyrir báða strákana í fyrsta sinn ever og tók því aldeilis prikið og hljóp með það út í hafsauga ef sú myndlíking er til á annað borð. Var svo stressuð fyrir partýið að ég gleymdi að borða partýpulsurnar sem ég útbjó fyrir hina fyrr um kvöldið og eitt kremkex náði engan veginn að veita öllu áfenginu sem átti að eyða stressinu og feimninni viðnám. Sem betur fer man ég ekki mikið en fólki ber víst saman um að ég hafi ekki náð að gera neinn allt of mikinn skandal. Hannes bar mig svo heim skólausa og ég vaknaði upp með ælu í rúminu. Dömulegt ekki satt. Af hverju er ég að viðurkenna þetta á netinu? Jú því ég vil að þið (vinir og vandamenn sem lesið mig af og til) hjálpið mér að halda áfengisbannið sem ég hef sett mér alla vega út árið. Ég er svo hrædd um að ég eigi eftir að haga mér svo illa að allir verði reiðir við mig og ég eyðileggi jólin.

Átak er sem sagt hafið. Burt með kremkexið og vodkann, ekkert nema piparkökur, malt og appelsín fyrir mig. Djöfull á það eftir að verða boring samt. Það er sko aldeilis vandlifað í þessum heimi.

PS: Hér eru fleiri myndir og hér að neðan eru myndbönd, endilega hrósið þeim svo ég geti fengið óbeint andlegt rúnk af viðurkenningu annarra á því hvað ég lifi litríku lífi:

Undirbúningur:

Eldspúun:

Tónleikar:

2008-11-14T02:04:00.004Z

Það er varla að það taki því að blasta því hér inn þar sem það er nú alkunna á fésbók og mæspeis en það verður Skorpulifurs útgáfupartý á Dillon á laugardaginn frá 21-00.

Ég ætlaði ekki að skipta mér af þessu brölti í þeim félögum Hannesi eiginmanni og Ragga tengdafrænda en sogaðist á endanum á nýjan leik í þemapartýsundirbúning og hórulegt fjölmiðlaplögg.

Partýið verður lágstemmdara en hið magnaða Ching Ching Bling Bling partý í sumar sem við erum enn að borga af. Útgáfan hefur verið í dvala síðan vegna skoðanaágreinings, tíma- og peningaleysis. Heimabrugg kemur þó út undir hatti CCBB en er þó frekar óhreint og óskilgetið barn hennar.

Boðið verður upp á íslenskt klakavatn og kremkex auk þess sem ofur-tilboð verður á barnum: ALLT ÁFENGI á 500 kall.

Þemað er tengt lagatitlum disksins, aðallega Eldur og Ís. Eldspúari síðasta partýs hefur verið með Svaný systur í læri og munu þau nú bæði blása eldi á vegfarendur í gervi Elds og Íss. Við reyndum að fá styrk hjá Ölgerðinni til þess að geta boðið upp á Eldur og ís vodka í fordrykk en fengum neitun. Tékkuðum þá hvort Frón væri ekki til í að gefa okkur kex í partýið en þeir tóku það ekki í mál eftir að hafa hlustað á lagið Kremkex á Mæspeis síðu Skorpulifurs. Auk þess báðu þeir um að kremkexmyndin sem fylgdi laginu yrði fjarlægð því, eins og þeir orðuðu það: "þetta er flott lag.....en passar ekki alveg inn í markaðsstefnu fyrirtækisins núna, svo er líka gamalt logo á myndinni sem við erum að skipta út". Skorpulifur bað þá forláts og ókeypis afnot af laginu ef þeir vildu og tóku svo myndina niður enda eru þeir drengir góðir.

Drengirnir eru ekki með eiginlega starfandi hljómsveit en auk þess að renna disknum í gegnum geislaspilarann munu þeir taka nokkur lög á gítar og bassa með aðstoð playbakks af tölvu. Raggi er meira að segja búinn að finna upp nýja aðferð við gítarspilun með hjálp titrara (hann er glænýr by the way, ekki notaður úr dótakassa neins þótt það hefði svo sem verið rokk).

Heyrðu við sjáumst þá bara hress.

2008-11-07T00:25:00.005Z

Sjarmi bloggsins er óðum að dvína og ég er í staðinn djúpt sokkin í hina enn sjálfhverfari Fésbók. Ætla þó að halda áfram að dingla mér hérna þar til ég þori að framkvæma rafrænt sjálfsmorð og flytja á lendarskýlu út í náttúruna.

Málið er að bloggið mitt hefur alltaf verið léttlynt og það virkilega leiðinlega sem á gengur (ekki það að það sé eitthvað algengt) ratar aldrei hingað inn nema í mýflugumynd og dulbúningi. Bloggleysið skýrist því einnig af þjóðfélagsástandinu. Það er rosalega erfitt að vera í stuði á þessum síðustu og verstu.

Ég nenni ekki að halda úti kreppu/krísubloggi en er alveg jafn reið og næsti maður. Hins vegar hef ég ekki miklar áhyggjur þar sem ég á svo góða að. Ef allt fer á versta veg kveiki ég í kofanum, flý land og kem mér fyrir á einfaldari slóðum. Væri löngu búin að því ef ég ætti ekki þessa yndislegu litlu drengi sem maður vill helst ala upp umvafna vinum og ættingjum og í svipuðu umhverfi og maður sjálfur. Ég hef mestar áhyggjur af öðrum börnum þessa lands sem eiga ef til vill foreldra svo þjakaða af kvíða og svartsýni að þau geta ekki sinnt þeim nógu vel. Börn magna upp allar svona áhyggjur. Ég man vel þegar mér fannst ég alls ekki geta haldið áfram að lifa 10 ára gömul því að ég hafði svo miklar áhyggjur af spádómum Nostradamusar eftir einhverja heimildarmynd. Kvöldfréttirnar hljóta að vera að gera aumingja börnin paranoid as hell og ég mjög leið yfir því að þetta muni varpa djúpum skugga á jólin í ár hjá einhverjum.

Ég er líka leið yfir því að það er svo vonlaust að það myndist samstaða um nokkra lausn á þessu ástandi þegar allir eru svona æstir. Illa ígrunduð sundurleit mótmæli og stuðningshópar hingað og þangað. Mótmæla hverju nákvæmlega? Samstaða með hverju? Mótmæla því að hafa það ekki eins gott og áður? Samstaða um það að vera reiður og á bömmer?

Talandi um stuðningshópa og paranojuvaldandi heimildarmyndir. Ég er voðalega hrifin af þeim hugmyndum sem koma fram í nýjustu Zeitgeist myndinni (Zeitgeist addendum) um að afnema peningastefnu, afnema þetta launaða þrælahald, vítahring vaxta og verðbólgu og prófa eitthvað allt annað. En það má alls ekki minnast á þetta við æstan almúgann, sjálfskipaða varðhunda óbreytts ástands sem passa að sá sem reynir að gægjast út fyrir kassann hvað þá hugsa eða stíga út fyrir hann sé úthrópaður rugludallur og eigi ekki einu sinni að fá að taka þátt í umræðunni:

Mbl lokar á hóp Zeitgeist bloggara
Ég er liðsmaður þessa hóps og opnaði Moggabloggsíðu (á Hannesar kennitölu hehe) og eins og aðrir sem gerðu slíkt hið sama, bloggaði ég við fréttir af efnahagsástandinu með því að linka á Zeitgeist myndina. Ég skil vel að það hafi verið pirrandi fyrir einhverja en engu að síður var ekki réttlætanlegt af umsjónarmönnum Moggabloggsins að loka á þessar síður. Þeir bera fyrir sig klausu um að þeir sem bloggi við fréttir verði að tengja það efni fréttarinnar en þar sem umfjöllunarefni myndarinnar er efnahagsástand heimsins og starfsemi Alþjóðagjaldeyrissjóðsins og annarra álíkra stofnana var það skilyrði uppfyllt. Þeir létu sér ekki nægja að loka Zeitgeist bloggunum heldur líka öðrum "venjulegum" bloggum sem þetta fólk hélt úti. !!!Halló!!!! !!!RITSKOÐUN anyone!!?? Nákvæmlega ástæða þess að ég skipti aldrei frá þessu bloggi yfir á íslensk bloggkerfi. Ef umsjónarmönnum líkar ekki það sem þú ert að segja geta þeir alveg köttað á þig. Hins vegar fá blogspot blogg aldrei "commercial" athygli á Íslandi og teljast ekki með í þjóðfélagsumræðunni þar sem þau taka ekki þátt í hinum félagslega viðurkenndu fjölmiðlabáknum.

Nú í léttari fréttum þá festist Halloween farðinn minn svo rækilega á mér að ég var með appelsínugular bólur í viku.

Tékka mig aftur inn þegar ég er í friðsælla skapi. Endilega horfið á Zeitgeist addendum ef þið eigið 2 tíma aflögu:

2008-10-31T09:01:00.004Z

Í gegnum tíðina hafa systkini fjögur hist reglulega, vakað fram á nótt, étið, sprellað, prumpað, rifist og horft á oftar en ekki afspyrnu lélegar hryllingsmyndir. Í seinni tíð hefur þetta átt sér stað á hinni erlendu Hrekkjavöku. Hér eru nokkrar myndir sem skjalfesta helstu atburði:

2008-10-29T13:08:00.004Z

Október í fyrra kominn inn á barnamyndasíðu

2008-10-21T02:34:00.003Z

Nokkrar "nýjar" ársgamlar myndir komnar inn á barnasíðuna.

2008-10-14T22:46:00.007Z

Ætti ég að koma út? Er öllu óhætt? Ætli ég geti skrifað án þess að minnast á K orðið? Nei ætli það. Öldudalinn er þó að lægja. Ég er búin að ganga í gegnum öll áfallastigin.

Afneitun:

Ég verslaði fullt af jólaskrauti í Jólahúsinu og drakk hvert Southern Comfort glasið á eftir öðru fremst í flokki á æðislega sjúklega brjálæðislega grúví og frábærum tónleikum með Brant Bjork (fyrrum Kyuss liðsmanni) á Café Amsterdam.

Reiði:

Ég hafði svo sem komist á snoðir um að þetta ástand myndi skella á að lokum hjá uppáhalds samsærisgaurunum mínum (David Icke, Alex Jones og Stewart Swerdlow) og ætlaði alls ekki að láta það koma mér á óvart. Fyrst reyndi ég að leiða hjá mér fjölmiðlafárið og neitaði að vera hluti af sauðunum í hjörðinni (þjóðinni) sem voru svo steinhissa og í miklu sjokki. Þegar ég áttaði mig loksins á því að það var ekki baun í bala sem ég gæti gert til þess að komast hjá þessu varð ég brjáluð að missa svona stjórn á eigin lífi (við erum sem sagt með myntkörfulán á húsinu og bílnum sem hækkuðu meira en við ráðum við að borga af, fyrirtækið hans Hannesar er enn og aftur í krísu og vinnuhlutfalið mitt minnkaði) vegna gjörða annarra.

Fyrir þá sem ekki vita það þá er Íslandskreppan sem sagt manngerð og notuð af "þeim" til þess að þvinga Ísland í Evrópusambandið og til evruupptöku. Heimskreppa fylgir fast á eftir til þess að hægt sé að taka upp nýtt fjármálakerfi. Takmark "þeirra" er að koma á alheimsstjórn þar sem hægt verður að stjórna sauðunum með ígræddum örflögum. Af hverju? Af því bara! Eðlugeimverur hugsa ekki eins og við. Gangsetning öreindahraðalsins um daginn var til þess að flýta fyrir ferlinu. Til þess að sameina tvær víddir, þessa og þá sem þeir ráða yfir nú þegar.

Samningaumleitun:

Á besta tíma féll upp í hendurnar á mér ágætlega launuð aukavinna. Að telja fólk í og úr strætó í árlegri könnun Strætó bs. Ég ákvað að massa þetta, reyna að snapa alla vinnu sem ég kæmist yfir og redda málunum. Var líka að spá hvort ég ætti að gerast næturvörður einvers staðar. Það er voðalega lítið bitastætt í atvinnublöðunum um þessar mundir. Anyway, strætógiggið var tímakaup svo ég tók nokkrar 12 tíma vaktir þá daga sem þetta stóð yfir. Ég sat í strætó frá 6 á morgnana til 18 á kvöldin með 8-10 mínútna pissupásum á 90 mínútna fresti. Ekki fyrir alla en ég var algjörlega að fíla þetta. Þurfti ekki að eiga samskipti við neinn nema rétt að kinka kolli til strætóbílstjóranna í pissupásum og við vaktaskipti. Einn gaukaði að meira að segja að mér neftóbaksdós. Þetta eru ljómandi fínir karlar. Það var gaman að fylgjast með mannlífinu þótt ég hafi stungið heyrnartólunum í eyrun og fylgst með kreppufréttum þegar mér ofbauð greddutalið í unglingunum og þroskaheftingunum. Svo var ég með heimalagað nesti, tímarit, kiljur og hekludótið mitt til frekari dægrastyttingar. Heklaði kræklótt dvergasjal, endurlas On the Road eftir Jack Kerouac og varð fyrir sterkri andlegri upplifun þegar ég horfði á bæinn vakna út um strætógluggann með Placebo/Pure Morning í I-poddinum. Fokkíngs hata I-podda by the way en það er önnur saga. Vildi að ég gæti haft þetta að fastri atvinnu. Þyrfti samt að redda mér svona rassakleinuhring eins og rófubeinsbrotið fólk fær. Það var alls ekki auðvelt að koma sér notalega fyrir í strætósætunum. Hugsaði einmitt með mér að það yrði alls ekki kúl dauðdagi að fá blóðtappa í fæturnar vegna of langrar strætóferðar.

Þunglyndi:

Algjör uppgjöf. Missti matarlyst og starði á veggi. Reyndi að setja upp brosgrímu fyrir börnin. Ef það væri ekki fyrir þau hefði ég líka sagt fokkitt med det samme, hætt að borga af lánum, flúið land og stofnað Íslendinganýlendu á suðrænum slóðum. Kafað eftir perlum og lifað á kókoshnetum og jónum. Gert Bahama eyjar með Ingó og veðurguðunum að nýja þjóðsöngnum. Var komin með ágætis crowd á facebook sem var til í þetta með mér. En maður þarf víst að vera voða fullorðinn og ábyrgur svo maður fokki börnunum ekki of mikið upp.

Samþykki:

Tælensk vinkona mín sagði mér eitt sinn frá austurlenskri hefð þar sem litlum loftbelgjum úr olíubornum hrísgrjónapappír er sleppt upp í himinhvolfið við hátíðleg tilefni. Þeir eru taldir létta á áhyggjum og boða gæfu. (Sky lanterns - Khom Fai notaðar t.d. á Loy Krathong hátíðinni). Ég keypti nokkra loftbelgi á e-bay og ætlaði að geyma til áramóta. Hins vegar fann ég knýjandi þörf á að létta á áhyggjunum strax svo við fjölskyldan og nokkrir vinir prufukeyrðum einn uppi á þaki um helgina. Það var ótrúlega fallegt og gaman og synd að það skyldu ekki birtast fréttir af fljúgandi furðuhlut í kjölfarið

Raddir eftirfarandi myndbandi eiga:

Bedda: (loftbelgjasleppari)
Hannes: (tuðari)
Baldur og Halldór (börn)
Raggi Hannesarfrændi
Svanýsystir
m(A)mma Dísa
Sunna vinkona

Þetta svínvirkaði. Kvíðinn minnkaði og viss ró færðist yfir hug og hjarta. Þjóðarsálin er greinilega á sama stað í ferlinu og ég lét berast með henni og þeirri hippísku bylgju sem nu smýgur í gegnum allt. Allt í einu vill enginn kannast við það að peningar hafi skipt neinu máli í lífinu og eru voða nægjusamir og meyrir. Knúsum fjölskyldu og vini og drögum fram spilin er stemmarinn og ég er alveg til. Er farin að safna glerkrukkum, niðursuðudósum, frostpinnaspýtum og kertaafgöngum og hlakka til að föndra jólafgjafir og maula piparkökur með krúttunum mínum. Pís át brothers.

2008-10-02T10:57:00.005Z

Hér kemur Allir þurfa, nýtt lag með Skorpulifur í tilefni efnahagshrunsins:

02 Allir þurfa.mp3
Free File Hosting

2008-09-29T22:34:00.001Z

Ráðgátan leyst:

I'm looking forward to our autumn-trip next Friday, the 3rd of October.
I'll pick you up here at Islenska at 5 o'clock. Don't forget your swimsuit
and please wear an authentic looking American tourist costume.
We're participating in a competition for the best costume ; )
See you.... Dan

Þetta er árleg óvissuferð Íslensku auglýsingastofunnar. Fokkíngs snilld. Ég sem var orðin viss um ég ætti doppelganger í annarri vídd og póstkortið frá Dan sem ætti deit við hina mig í Nauthólsvíkinni hefði sloppið í gegnum eitt af þeim míni black hole-um sem sluppu út við gangsetningu the Large Hadron Collider öreindahraðalsins um daginn.

2008-09-25T23:41:00.007Z

Ég fékk bráðskemmtilegt póstkort í dag sem kom mér fyrst til að flissa en síðan til að líða hálf undarlega eins og ég væri karakter í David Lynch mynd. Ég kannast EKKERT við þennan Dan og rauðu sundskýluna hans hvað þá deitið okkar á ströndinni þann 3. október. Systkini mín lágu strax undir grun en þau sverja þetta af sér og ég held að ég eigi ekki svona fyndna vini. Mjög dularfullt. Spurning um að kíkja í Nauthólsvíkina á umsömdum tíma og gá hvort maður rekst á einhvern vongóðan dúdda á vappi í rauðu sundskýlunni sinni.

2008-09-24T14:46:00.011Z

Helgin nálgast óðfluga svo best er að blogga um þá síðustu áður en hún úreldist.

Síðastliðið fimmtudagskvöld hitti ég nokkrar vinkonur á nýjum mexíkóskum stað: Tabascos og mæli ég alveg eindregið með honum. Hann er þarna á horninu við hliðina á Kaffi Reykjavík. Staðirnir sem staðsettir eru þarna fara reglulega á hausinn svo það er um að gera að drífa sig. Töff innréttaður, kósí, fínt verð og jömmí matur en the pièce de résistance er mikið úrval af frosnum margarítum sem er hér með minn nýi uppáhalds drykkur. Ég fékk mér lime margarítu, chimichangas og Coronu og það var sko alveg eins gott og það hljómar. Mér fannst ég eiga það skilið eftir mikið bras við að komast út úr húsi. Hannes var ekki kominn heim og ég var að reyna að punta mig og sinna strákunum um leið. Þeir höfðu heimtað að fara í bað en nenntu svo ekki að vera ofan í lengur en nokkrar mínútur og voru að hlaupa um allsberir. Allt í einu heyri ég neyðargól en þá er Halldór búinn að pissa og kúka á gólfið og renna í gumsinu og er að detta aftur og aftur ofan í það við að reyna að brölta á fætur. Ekki beint smekkleg og lystaukandi byrjun á kvöldi.

Ég er samt með samviskubit yfir matarbruðlinu því ég er hætt að geta ignorað kreppuna. Greiðsluþjónustan hefur hækkað í 300 þús á mánuði og þá eru eftir leikskólagjöld, bílaafborgun, matur og öll önnur neysla. Ég er í hálfu starfi og ætlaði að að halda því óbreyttu a.m.k til áramóta nú þegar Halldór er kominn á leikskóla og nýta restina af tímanum í ýmis gæluverkefni en sé ekki fram á að það gangi upp. Ég kenni samt ekki eingöngu kreppunni um heldur frekar Hannesi og ofmati mínu á fjármálaumsjónarhæfileikum hans. Ég er því frekar önug út í hann og sparnaðarráð hans þessa dagana. Hann segir að ég eigi að læra að gera súpu úr kjúklingabeinum eins og Pólverjavinur hans sem eyðir víst 18 þús á mánuði í mat fyrir þriggja manna fjölskyldu. Spurning um að fara í pólsku búðina og bjóða Hannesi upp á súrsuð svínstrýni og vodkaskot í kvöldmatinn.

Hannes er þó ekki allur í kjaftinum því hann gerði sér lítið fyrir og veiddi í matinn um helgina. Nonni bóndi og fjölskylda hans buðu okkur í bústað skammt frá Laugarvatni og karlmennirnir laumuðust út kl. 4 um nóttina til að sitja fyrir saklausri bráðinni. Hannes náði einni niður í fyrsta skoti og Nonni kláraði hana af. Ég er með afskaplega blendnar tilfinningar gagnvart þessu veiðistússi. Ég var grænmetisæta af siðferðisástæðum í nokkur ár þegar ég var unglingur þar til ég nennti því ekki lengur. Ég vil ekki vera hræsnari og ef menn borða kjöt yfir höfuð er um að gera að vera meðvitaður um hvaðan það kemur. Svo á ekkert að mismuna dýrategundum eftir því hvort þær eru krúttlegar eða ekki.

Fyrst hann þurfti endilega að plaffa greyið niður fannst mér best að sýna því þann sóma að éta það svo það hafi ekki dáið til einskis. Við höfðum þó hvorugt gert að villibráð áður og ég ætlaði mér alls ekki að koma nálægt þessu þrátt fyrir dálæti á splatter myndum. Hannes var hins vegar svo þreyttur eftir ævintýrið að hann grjótsofnaði um leið og hann kom heim með gæsina enn í skottinu. Ég hafði heyrt einhvers staðar að maður þyrfti að láta gæsir hanga og þar sem ég vildi ekki að hún skemmdist tók ég á mig rögg eftir ráðleggingar frá er.is (formerly known as barnalandsspjallið) og hengdi gæsina upp á herðatré. Svo horfði ég á nokkur vídeó á jútjúb og leyfði Hannesi (með andlegum stuðningi frá Sæma)að kryfja hana á eldhúsborðinu daginn eftir. Það var alls ekkert subbulegt. Ég hreifst með og ætlaði að afhausa hana með einu höggi en það gekk engan veginn. Við átum hana svo daginn eftir með Waldorf salati, sætri kartöflumús og rauðvíni en ég missti endanlega lystina þegar ég fékk haglabyssuskot upp í mig.

Hér er stutt saga í myndum:

Ég fór í Krónuna í dag og keypti fullt af grænmetisbuffum. Þarf aðeins að jafna mig á brútalisma náttúrunnar.

2008-09-20T00:14:00.003Z

Ný ársgömul vídeó eru komin inn á barnasíðuna.

2008-09-17T13:12:00.003Z

Leiðið hennar Hnetu var í umfjöllun um Dýrakirkjugarðinn í Kastljósi í gær. Ég náði að vista brotið í tölvuna mína en ekki að opna það í neinu klippiforriti til að geyma hennar part sérstaklega. Hérna er allt brotið samt. Ég keypti leg"steininn" á e-bay og mamma og Gunni skreyttu leiðið.

2008-09-16T03:02:00.004Z

Það sem maður vökvar dafnar og allt það. Ég veit að sökum facebook hef ég verið að vanrækja bloggið en ég er líka í svo mikilli tilvistarkreppu um alla þessa hliðartilveru að ég hef verið að spá í að fremja ekki bara fésbókarsjálfsmorð heldur eyða öllum fingraförum mínum á netinu, bloggi, mæspeisi, barnalandi o.s.frv. Eftir nánari umhugsun hef ég ákveðið að það muni ég ekki gera nema ég ákveði að snúa baki við vestrænum hnattrænum lífstíl yfir höfuð og flytji inn í kommúnu og samyrkjubú í heitu og notalegu landi. Það er meira en að segja það þannig að ég sé fram á að halda uppteknum hætti. Sem sæmilega functional manneskja er alltaf hægt að googla þig hvort eð er og ég vil alla vega vera sjálf þáttakandi í minni eigin hliðartilveru.

Minnsta afkvæmið var loksins að byrja í leikskóla og þar sem ég ætla að halda 50% vinnunni minni og reyna að bæta ekki annarri við strax mun ég kannski hafa smá meiri tíma til að:

Blogga - Feisbúkka - Halda við mæspeis síðum hjá: mér, Búðinni minni, Hljómsveitinni minni, Hljómsveitinni hans Hannesar, CCBB deyjandi plötufyrirtæki sem ég er reyndar hætt í en vorkenni - Halda við Barnalandssíðunni - Læra að htm-ella og stofna: síðu með uppskriftum, síðu fyrir Nostalgíutengda poppmenningu með tengingu við búðina, síðuna Helgarpabbi.is með auglýsingatengdum gróðramöguleikum sökum snjallrar hugmyndar sem ég læt ekki uppi núna svo enginn steli henni - Láta loksins framkalla stafrænu myndirnar, setja í albúm, skrappa, setja í ramma - Skrifa bækur, first off: Retro 50's matreiðslubók með minningarbrotum frá föðurömmu minni - Gera vikulega matseðla og fylgja þeim - Halda húsinu hreinu - Losna við velmegunar/barnseignarbumbuna - Nota gjafakortin sem ég hef fengið síðustu tvö ár og ekki notað - Glæða hjónabandið lífi án þess að kveikja í mínu eigin prumpi - Skipuleggja gæðatíma með strákunum eftir að leikskóla lýkur og veita þeim þá fulla athygli fram yfir háttatíma- Hitta þessa þrjá raunverulegu vini sem ég á oftar í stað þess að dandalast með 96 feisbúkk vinum - Heimsækja ættingja - Læra á "nýju" saumavélina sem hefur legið hér ónotuð í 2 ár - Halda matarboð - Fara í löng böð - Lesa - Hugleiða - Rifja upp magadansinn - Kaupa jólagjafir - Föndra - Skipuleggja skipuleggja skipuleggja ofl ofl ofl

En ég á þó líklegast bara eftir að éta meira drasl og horfa á bíórásina á milli þess sem ég updeita statusinn á feisbúkk.

2008-09-09T22:07:00.003Z

Í tilefni af gangsetningu Large Hadron Collider öreindahraðalsins í Sviss á morgun og yfirvofandi heimsendis:

Are you ready to go
Cause I'm ready to go
What you gonna do baby baby
Are you going with me
Cause I'm going with you
It's the end of all time

Sjáumst hinum megin

2008-09-02T23:52:00.000Z

2008-08-29T01:04:00.001Z

Góða helgi y'all!

2008-08-25T03:21:00.004Z

Ísskápurinn er troðfullur af mat sem er alltaf góð tilfinning jafn þótt ég viti innst inni að ég mun leita ítrekað í kókið og franskbrauðið og láta alla ferskvöru grotna niður, renna út og enda í ruslinu. Við fórum sem sagt í fjölskylduferð í lágvöruverðsverslun og er það svo gífurlega mikið umstang að við reynum að fara ekki oftar en einu sinnu sinni í mánuði. Við bætum það sem á vantar upp með daglegri viðkomu til hinna ástkæru nágranna okkar í Krambúðinni.

Anyway, þá keypti ég hráskinku til að gera einhverja voða fansí smábrauðasamloku með tómötum, ferskum Mozzarella osti og svörtum ólífum í ofni. Ég ætlaði að koma Hannesi á óvart því það er farið að koma fyrir að hann sé heima í hádeginu að stússast eitthvað í tölvunni. Ég útbjó smábrauðin listilega, dúkkaði borð í sólskálanum, hellti pilsner í krúsir og kveikti á kerti. Hann kippti sér svo sem ekkert mikið upp við þetta, skóflaði matnum í sig og rauk í vinnuna en ég var alveg heilluð af fína dögurðinum mínum og ætlaði svoleiðis að hygge mig og njóta hans. Ég kom þó ekki niður nema örfáum bitum því ég fór að hugsa um lýtalækningaþáttinn Dr. 90210 sem ég hafði séð kvöldið áður. Þar var Dr. Gary Alter sem sérhæfir sig í lýtaaðgerðum á kynfærum (genital plastic surgery) að stytta innri skapabarma konu einnar en þeir höfðu lafað niður meira en góðu hófu gegndi og valdið henni óþægindum. Sneiðarnar sem hann skar af og sýndar voru í nærmynd minntu nefninlega óþyrmilega mikið á hráskinku. Ég held ég haldi mig því bara við hversdagsmatinn á næstunni.

2008-08-22T13:05:00.003Z

Join the robotties!!

Quick recap: Loví and the nobodies (Loví systir) skoraði um daginn á Sexy pin-up girls and their robot lovers (Við Svaný systir) í lagakeppni. Sá sem yrði fyrstur að uploada lagi (yfir mínutu) á mæspeis ynni. Þetta var skemmtileg áskorun þar sem engin okkar hefur sérstaka tónlistarhæfileika og kunnum við hvorki á hljóðfæri né tónlistarforrit. Þegar við Svaný fréttum í gærkvöldi að eitthvað væri að gerjast í herbúðum Loví and the nobodies náðum við að krafsa okkur fram úr Garage Band forritinu og snara þessu lagi út á 3 tímum. Við vorum í sambandi við Loví á MSN á meðan og kláruðum við lögin á svipuðum tíma en lentum í vandræðum með að uploada þeim. Okkar er komið en ekki Lovísu. Það getur tekið sólarhring fyrir lög að birtast á mæspeis þannig að við sömdum um jafntefli. Ég þakka drengilega keppni og þakka Loví fyrir að hvetja mig út í að semja mitt fyrsta lag 31 árs að aldri.

2008-08-20T02:17:00.003Z

Nú er maður orðinn svo ruglaður í social síðunum sínum að manni finnst ekki duga lengur að setja bara inn á einn stað það sem maður er að monta sig af að hafa fundið og vill deila með öðrum þeim til yndisauka. Var sem sagt að setja þetta vídeó á feisbúkk og skelli því hér inn líka.

Langbest að husta bara án þess að horfa á vídeóið.

Ég heyrði þetta fyrst í einum útvarpsþætti dr. Demento sem ég fór að hlusta á kl 5 að morgni þegar ég var í vinnunni að rembast við að skila skýrslu á réttum tíma. Veggirnir í vinnunni eru þunnir og það býr fjölskylda á efri hæðinni. Þar sem ég var með headfónes hefur einmana hlátur minn eflaust glumið um allt og gert þau forviða.

2008-08-19T00:45:00.005Z

Ég hef nú ekki oft lent í því í gegnum tíðina að finnast ég vera vitlaust klædd í samkvæmum en á föstudaginn lenti ég óvart í því að mæta í 80's fötum í 70's þemapartý og það var soldið óþægilegt. Mér var boðið í gegnum vinnuna en ég hef lítið verið þar að undanförnu og vissi ekki fyrr en ég kom á svæðið að þetta væri þemapartý (boðskortin komu víst upprúlluð í TAB flöskum). Ég var bara í venjulegum partýklæðnaði og það vildi svo til að þau voru í þetta sinn einhverjir voðalegir neon new rave eighties larfar. Annars kippti sér svo sem enginn upp við það en ég elska þemapartý og hefði gjarnan viljað taka meiri þátt. Til allrar hamingju var ég með John Waters Pink Flamingo's hálsmen en sú mynd kom víst út árið 1972.

Skjár einn var sem sagt að kynna haustdagskrána og gerði það með stórglæsibrag. Karlkyns starfsmenn höfðu allir keppst við að safna mottum og skörtuðu þeim við útvíð jakkaföt og fráhnepptar skyrtur. Þeir voru algjörlega að gera sig. Súpersexí. Píurnar voru svo í pinnahælum og diskókjólum með uppbretta hárenda. Við fórum í rútu inn á gamla varnarliðssvæðið en þangað hafði ég aldrei komið áður. Það var Saga Class þjónusta um borð í rútunni, gengið um og fyllt á drykki. Við fórum inn í glæsilegan bíósal með ljósaperuskreyttum auglýsingaskiltum sem auglýstu þætti haustsins, fengum brakandi bíópopp og kók í gleri og horfðum á kynninguna. Síðan var okkur ekið í sexý 70's skreyttan klúbb með vintage plaggötum, blikkandi diskódansgólfi, speglakúlum, ljósum, Manhattan kokkteilum og Budweiser. Hér er ég ekki að tala um neina cheesy sviðsmynd, þetta var eins ekta og hægt er að hafa það. Ég var alveg í skýjunum og fór svo í hæstu hæðir þegar bornar voru fram plastkörfur með suddalega góðum hamborgurum, kjúklingaleggjum og laukhringjum. Eftir matinn kynnti Jónsi "í svörtum fötum" nýjan söngtextaþátt með hjálp Dadda diskó og fleiri og svo léku Buff fyrir dansi, 70's lög að sjálfsögðu. Í rútunni á leið í bæinn mátti svo finna svona goodie bags fyrir alla með vatni, snakki, Ópal, andlitshreinsiþurrkum og alka seltzer. Þetta var fullkomin fullkomnun. Fullkomnasta partý sem ég hef lent í. Vildi bara að ég hefði getað haft einhverja kunningja með mér. Ég þekkti svo til engann þarna og fannst auglýsingabransafólkið vera svolítið harðnað eftir að hafa verið boðið í allskonar kynningarhúllumæ. Það var eins og það kynni ekki að meta þetta til fulls. Var eitthvað að kvarta yfir því að borgararnir hafi ekki verið nógu heitir og eitthvað rugl. Sjiiii. Ég er alla vega búin að ákveða að velja mér framvegis störf sem fela í sér mestu fríðindin og partýboðun. Þetta er lífið maður!

2008-08-15T15:36:00.003Z

Það kom frétt í blaðinu en þau halda sig enn við endurgreiðslu. Icelandair getur þá selt sætin aftur á hoppgjaldi eða eitthvað og sloppið við frekara vesen. Mér finnst að þau eða skipuleggjendur á Rás 2 hefðu a.m.k átt að reyna að hafa samband beint við forsvarsmenn hátíðarinnar, útskýra málið og gá hvort það væri virkilega ekki hægt að fá miðunum skipt í helgarpassa.

2008-08-14T04:25:00.004Z

Eins afbrýðisöm og ég var út í Svaný systur fyrir að vera á leið á Reading þá hefði ég nú aldrei óskað henni þess sem hún og vinir hennar eru að lenda í núna:

> ---------------------------- Original Message ----------------------------
> Subject: Breyting á Reading Festivalinu Áríðandi
> From: E-mail box Út í heim
> Date: Tue, August 12, 2008 1:47 pm
> --------------------------------------------------------------------------
>
> Ágætu farþegar,
>
> Okkur þykir mjög leitt að tilkynna ykkur að við vorum að fá tilkynningu
> frá samstarfsaðila okkar í Bretlandi að af óviðráðanlegum ástæðum getum
> ekki fengið 3 daga tónleikapassa á Reading Festivalið eins og um var
> talað. Við getum eingöngu fengið 2 daga tónleikapassa sem gilda á svæðið
> á laugardag og sunnudag á umsömdu verði, passinn gildir ekki föstudaginn
> 22.ágúst.
>
> Við getum boðið ykkur að endurgreiða ykkur ferðina að fullu eða að fljúga
> ekki út fyrr en á föstudaginn, hvort sem þið viljið heldur, og að
> sjálfsögðu getið þið flogið út eins og gert var ráð fyrir á fimmtudaginn
> 21.ágúst.
>
> Vinsamlega staðfestið við okkur með að senda okkur línu að þið hafið
> móttekið þessi skilaboð og ef þið viljið hætta við eða breyta fluginu
> ykkar þá er því fyrr því betra.
>
> Með bestu kveðju,
>
> Sölustjórn Icelandair

Þvílíkt klúður!!!! Í pakkaferðinni átti að vera: flug og 3 daga helgarpassi á hátíðina (tjaldstæði innifalið) og fararstjóri (Matti í Popplandi Rásar 2). Nú í gær, með viku fyrirvara fékk hópurinn að vita að vegna mistaka Icelandair gætu þau ekki fengið aðgang að hátíðinni á föstudeginum (sem er mjög stór tónleikadagur - Rage Against the Machine ofl). Í stað þess að fá flug út á fimmtudegi og 3 daga passa með tjaldstæði yfir helgina sitja þau uppi með tvo dagspassa á laugardag og sunnudag en dagspössum fylgja ekki tjaldstæði svo þau bæði missa af fyrsta deginum og eru algjörlega án gistingar. Icelandair er ekki tilbúið til þess að gera neitt nema endurgreiða ferðina. Þetta er afar súrt í broti með svona stuttum fyrirvara. Fólk er eðlilega búið að hlakka mikið til, skipuleggja ferðina og fá frí úr vinnu.

Það er formlega uppselt á hátíðina en sagan segir að hægt sé að redda miðum á tvöföldu verði þannig að hópurinn gæti sjálfur reynt að kaupa flug með Iceland Express og redda sér pössum annars staðar en hvers vegna ættu ferðalangarnir að þurfa að punga út fyrir mun dýrari ferð með auknu umstangi vegna mistaka Icelandair. Icelandair ætti að sjá sóma sinn í því að redda málunum. Eina ástæða þess að fólk kaupir sér pakkaferðir yfir höfuð er að losna við vesen og vera 100% öruggt um að allt gangi upp.

Ég sendi tilkynningu um þetta til fjölmiðla nú í nótt. Vonandi sjá þeir fréttaefnið í þessu og þvinga Icelandair til að reyna að bjarga andlitinu og koma betur til móts við hópinn í kjölfarið.

Ussumfuss. Þeir hefðu aldrei hegðað sé svona væri þetta hópur miðeldringa á leið á Jose Carreras tribute tónleikahátíð eða eitthvað.

2008-08-13T01:44:00.004Z

Skohhh, þá er ég loksins komin í hljónnnst! Nafnið komið og mæspeis síðan. Engin lög þó en það er hugurinn sem skiptir máli og ég er ekki frá því að mér finnist ég vera aðeins meira kúl í dag en í gær.

2008-08-09T11:21:00.003Z

Erum komin aftur eftir vikulangt hjólhýsaferðalag með viðkomu á Hvammstanga, Mývatni og Akureyri. Drengirnir skemmtu sér stórvel og vildu ekkert fara aftur heim. Ég gríp hér niður í samtal sem ég átti við 3 1/2 árs soninn þegar við vorum að búast til heimferðar.

Mamma: Það er nú alveg gaman í Reykjavík líka. Til dæmis á laugardaginn verður svona hátíð og skrúðganga. Hommar og lesbíur eru með hátíð. ....Veistu hvað hommar eru?

Baldur: Nei

Mamma: Sko venjulega eru menn skotnir í konum og vilja kannski giftast þeim og eignast börn. En sumir menn verða skotnir í öðrum mönnum og vilja giftast þeim og þá eru þeir hommar. Og ef konur vilja giftast konum eru þær lesbíur.

Baldur: (setur upp einbeittan hugsunarsvip) Eru þetta vondir menn?

Mamma: NEI nei nei!!! Alls ekki. Þeir eru meira að segja oftast voðalega hressir og skemmtilegir. Eins og til dæmis Páll Óskar. Hann er hommi.

Baldur: Páll Óskar!!! (hugsunarsvipur aftur) Vill Páll Óskar giftast pabba mínum!?

Mamma: (Farin að gera sér grein fyrir göllum útskýringar sinnar) Öhhh já nei það held ég ekki, hann getur það hvort sem er ekki því pabbi er búinn að giftast mér.

Baldur: ...ertu búin að segja Páli Óskari það?

Mamma: Heyrðu, nei. Ég verð að muna eftir því að segja honum það næst þegar ég sé hann.

Þannig að Páll Óskar, ef þú ert að lesa þetta þá veistu það hér með: Hannes Þór Baldursson er off limits. Hann er kominn af markaðnum. Ókei!?

2008-07-30T11:35:00.005Z

Ég birti hér til niðurhals lag af væntanlegri smáplötu hljómsveitarinnar Skorpulifur. Lagið á einkar vel við í ljósi núverandi umræðu um tvískinnungshátt íslenskra stjórnvalda Ì tengslum við boðið á ólympíuleikana í Kína. Nánar á http://myspace.com/skorpulifur

boomp3.com

2008-07-29T00:35:00.003Z

Ég eyddi helginni í Flatey við að vinna upp og undirbúa svefnlausar vinnunætur. Ég náði fínri slökun í sjávarloftinu og kríugarginu á meðan Hannes tók hinn enda pólsins and ran with it. Hann göslaðist á Saltkjallaranum (barinn) fram eftir nóttu, drakk Flajito (mojito með rabarbara og rótum), skíttapaði í Bíóbrot spilinu og sat svo með litla bróður mínum á Lundabergi til morguns og söng sig inn í sólarlagið. Hann kom heim kl. 7 og sagði mér að hann hefði séð allsberan mann með standpínu koma hlaupandi út úr tjaldi og elta annann eyjuna þvera og endilanga. Það fannst mér skemmtilegt að heyra.

Hannes toppaði sjálfan sig daginn eftir þegar við hugðumst snúa heim. Við höfðum beðið á bryggjunni í hálftíma eftir ferjunni sem var sein fyrir. Loksins kom hún og þegar verið var að setja út landganginn rann það upp fyrir honum að hann hefði gleymt bíllyklunum í Vertshúsinu (sem við gistum í). Bíllinn var í Stykkishólmi og þetta var síðasta ferð dagsins þannig að það leit út fyrir að við þyrftum að snúa aftur og gista aðra nótt í eyjunni. Það hefði verið súrt í broti þar sem Hannes átti bókaða rándýra tíma í stúdíói (hljóðblöndun) daginn eftir. Hannes hefur alltaf þótt frár á fæti en er þó í engri þjálfun. Hann ákvað þó á sekúndubroti að gefast ekki upp fyrr en í fulla hnefana og rauk af stað. Það er 10-15 mínútna gangur í þorpið frá bryggjunni og fólkið var þegar farið að tínast í skipið. Við báðum skipstjórann um að hinkra aðeins en þetta var frekar vonlaust case. Þegar síðasta manneskja var komin um borð 5-7 mínútum síðar, búið að þeyta skipsflautuna og ég komin með kökkinn í hálsinn kom hann brunandi fyrir hornið hann eins og riddari á hvítum hesti nema á hjóli sem hann hafði einhvern veginn fengið lánað á leiðinni við dúndrandi lófatak farþeganna og allra á bryggjunni. Ég held að ég hafi aldrei verið eins glöð að sjá hann á ævinni. Þetta var svona moment eins og þegar bíóbrúðkaup er stöðvað Graduate style. Hannes var alveg búinn á því, löðrandi sveittur og var óglatt en braggaðist furðu fljótt. Hetjan mín.

2008-07-24T20:16:00.002Z

Hver þarf barnlaust frí á sólarströnd og kokteila undir pálmatré? Ekki ég! Því ég var rétt í þessu að finna kopp fullan af pissi með fljótandi appelsínubát ofan í. Það er bara alveg nóg suðræn stemming fyrir mig.

2008-07-23T01:03:00.004Z

Ég er eins og undin tuska eftir daginn þar sem ég gerði þau reginmistök að hætta mér úr póstnúmerinu mínu, ein með drengina án kerru. Ætlaði að eiga ljúfan sumarleyfisdag í Árbæjarsafni þar sem ég hafði heyrt af gagnvirkri leikfangasýningu auk þess sem síðasta sýning Brúðubílsins í sumar fór þar fram. Svefntímar í sumarfríinu hafa farið úr skorðum og drengirnir svo úrillir og uppstökkir að það má ekki anda á þá án uppákomu. Svo völsuðu frekjudollurnar þarna um, þreyttir í roki og rigningarúða með gamaldags sleikjóa sem þeir klíndu um allt. Þakkaði almættinu fyrir að geitungarnir eru ekki enn komnir almennilega á stjá. Þeir skemmtu hins vega vel á köflum, sérstaklega á diskó/pönk sýningunni þar sem Baldur Rökkví tók forláta trommusóló.

Ætluðum svo að taka strætó heim, en ég hef ekki stigið upp í einn slíkan í 10 ár. Fannst ótækt að strákarnir væru alltaf að syngja "hjólin á strætó" án þess að hafa nokkurn tíman farið í strætó. Biðum í hálftíma og sungum hástöfum í strætóskýlinu til dægrastyttingar og þrátt fyrir að ég hafi reynt að stúdera leiðakerfið fórum við að lokum í kolvitlausa átt og þurftum að láta Hannes sækja okkur í Spöngina Grafarvogi. Það var Baldur Rökkvi sem tók þá skynsamlegu ákvörðun. Hann horfði á móður sína með óræðum svip og sagði "....eigum við ekki kannski bara hringja í pabba okkar...".

2008-07-20T23:47:00.010Z

Við Svaný mættum fullar eldmóðs á markaðinn á föstudaginn með geisladiska, strigakjóla og poppsalt og seldum ekkert!!! EKKERT!!! Datt þá í hug að bjóða upp á popp næsta dag og eyddum nóttinni í að fullkoma sykrað sælgætispopp. Á laugardeginum rétt náðum við að selja fyrir básaleigunni og drukkum svo kaffi og bjór á Organ fyrir álíka upphæð. Við komum því út í mínus en skemmtum okkur mjög vel við að chilla í súper góðu veðri með skemmtilegu fólki. Við erum sannfærðar um það að það voru ekki vörurnar okkar sem orsökuðu slæma sölu heldur staðsetningin og ætlum að prófa markaðinn í Sirkusportinu næst.

2008-07-18T04:28:00.002Z

Við Svaný verðum á Organ markaðinum í Hafnarstræti föstudag og laugardag frá 14-19 að selja strigakjóla, poppsalt og Ching Ching Bling Bling diska. Check us out.

2008-07-18T04:04:00.005Z

Gamangaman. Síðasti þáttur kemur inn á laugardag og hverfur aftur á sunnudag. Don't miss it.

Teaser from Dr. Horrible's Sing-Along Blog on Vimeo.

2008-07-17T05:07:00.004Z

Jiiiii ég lét loks til leiðast og er komin á bólakaf í Facebook, alveg obsessed. Komið með í sjálfhverfa fjörið! Það er ekki eins og ég hafi efni á að eyða tíma í þetta en það er víst um að gera að hasla sér völl á sem flestum tilverusviðum. Kannski deyjum við ekki á öllum þeirra í einu. Kannski getum við að lokum orðið einhvers konar Max Headroom.

2008-07-16T02:01:00.004Z

Ég mæli eindregið með nýju kaffihúsi, efst á Lokastíg á móti Hallgrímskirkju: Kaffi Loki. Vinalegt, ódýrt og sérhæfir sig í klassískum íslenskum mat: kjötsúpu, rjómapönnukökum, rúgbrauði, plokkfisk, harðfisk, sviðasultu ofl. Ég fékk mér Sunnudag til sælu sem samanstendur af rúgbrauði með lifrarpylsu og rófustöppu, 2 heimabökuðum brauðsneiðum með áleggi og rauðrófusalati, rjómapönnsu með sveskjusultu og kaffi. Mamma og Svaný fengu sér Heimabakað rúgbrauð með kæfu og strákarnir komu hæstánægðir út allir útataðir í skyri og kakói.

Ég er samt smá leið því ég var búin að fá sömu hugmynd að gamaldags íslensku kaffihúsi á sama stað en svona er þetta, þeir sem geta gera, hinir blogga.

2008-07-16T01:51:00.002Z

Ha, þær áttu nú að koma í nýtt albúm en sameinuðust einhvern veginn hinu...alla vega, fleiri nýjar myndir á Barnasíðunni. Ágúst í fyrra, menningarnótt ofl.

2008-07-14T15:00:00.004Z

Eins og Loví benti svo réttilega á með því að óska mér til hamingju er ég ári á eftir á Barnalandi. Er í réttum mánuði, bara vitlausu ári. Takk fyrir sparkið í rassinn og hér eru nýjar ársgamlar myndir.

2008-07-12T17:05:00.004Z

Laugardagsvídeó. Tvö fokkíngs snilldar gæsahúðarlög og flutningur

Þetta lag veldur alltaf góðri gæsahúð en ég hafði aldrei séð hljómsveitina á vídeó fyrr en nú. Nú finnst mér the Zombies vera ENN þá meiri snilld. Dásemdarskringilegur söngvari. Svona blanda af Crispin Glover og Palla Banine.

Mark Lanegan / Queens of the Stone Age

Það gerist ekki svalara en þetta. Djöfull langar mér í bjór núna.

2008-07-12T09:29:00.004Z

Það var virkilega gaman að opna póstinn í gær: Halldór er loksins búinn að fá pláss á Grænuborg og ég fékk 112 þúsund króna vinning í Happdrætti das!!! Mér líður því hálf ónotalega í dag, það er eins og ég heyri þrumur í fjarska og ég finn ósýnileg óveðursský hrannast upp.

2008-07-09T02:02:00.007Z

Er rétt núna að skríða saman eftir helgina þótt ég hafi eytt henni bláedrú.

Afmælið mitt á föstudeginum var ljómandi fínt þótt tæknilegir örðugleikar hefðu sett strik í reikninginn í upphafi. Ég fékk súper dúper fínar gjafir: Mjög þægilegan handlaga kaffibolla frá Sigrúnu, stafrænan diktafón og heimagerða afmælisköku (sem mér þykir afskaplega vænt um þar sem mamma er löngu hætt að nenna að baka) frá mömmu og pabba, vindil frá Loví, Magic 8 ball og John Waters hálsmen frá Svaný, 501 must see movies bók og miðborgargjafakort frá Hannesarfjölskyldu og sjálfsmynd af SBS eftir SBS frá SBS. Sá eini sem gaf mér eitthvað sem ekki var Beddulegt var að sjálfsögðu eiginmaður minn sem gaf mér útivistarfatnað. Hann er voða fínn. Burtséð frá því að ég stunda hvorki íþróttir né útivist af neinu tagi finnst mér fyndið en jafn framt svolítið dapurlegt að hann gefi mér svona oft joggingfatnað, útivistarfatnað og íþróttabrjóstahaldara öfugt við aðra eiginmenn sem eru kannski meira í blúndum og sokkaböndum.

Tim & Eric's Awesome show (sem SBS kom með) voru awesome og Two Coreys voru yndislegir. Ég er enn þá svag fyrir Haim. Hef ekki enn haft tíma til að horfa á afganginn af þáttunum svo þeir gestir afmælisins sem áhuga hafa eru velkomnir í aukasýningu við tækifæri.

Sveitabrúðkaupin á laugardegi og sunnudegi voru mjög ólík en bæði ljómandi fín. Annað var ekta sveitafylleríisbrúðkaup í Úthlíð (Nonni bóndi og frú) og hitt áfengislaust fjölskyldubrúðkaup í Húnavatnshreppi (Jónsi og Hulda). Öll játuðust þau hvort öðru og óska ég þeim ástar og velfarnaðar forever and ever.

2008-07-04T04:41:00.004Z

Hi, it's me again. It's been 15 hours and no sign of code. Just checking in to make sure you have the right e-mail address.

I desperately need the code by this Friday afternoon as I hope to purchase The Two Coreys TV series through iTunes for a nostalgic birtday party I'm having. I'm sure you understand.

Hope to hear from you soon.

Ég er sem sagt ekki enn búin að redda aðalhráefninu fyrir vídeókvöldið í kvöld og svo á ég eftir að taka til í svínastíunni. Ekki er þó öll von úti. Öllum Corey Haim/Feldman fetishistum er velkomið að kíkja til mín í kvöld (klukkan 20 kannski). Ég verð með pig's in a blanket og sykurpúða á grillinu, bíópoppsaltað popp og kannski ég prufi kandíflos-skrapatólið frá Þýskalandi sem kom loksins í gær 3 vikum of seint. Komið með þægilega púða með ykkur.

2008-07-04T00:34:00.002Z

!!!Ég er orðin 31 fokkíngs árs!!!

2008-07-03T13:04:00.001Z

22.40 Saga rokksins Seven Ages of Rock: Bandarískt eðalrokk (6:7)
Bresk heimildaþáttaröð um sögu rokktónlistar frá því um 1960 og til nútímans. Í þessum þætti er fjallað um bandaríska neðanjarðarpönkið á níunda áratugnum og grönssprenginguna á þeim tíunda. Við sögu koma R.E.M., Nirvana, The Pixies, Kurt Cobain, Black Flag, Pearl Jam, Sonic Youth og The Replacements.

Dæs. Svaðalega var þetta góður þáttur í gær. Fékk gæsahúð og táraðist í lokin. Svíf enn um í nostalgísku grunge skýi. Good times.

2008-07-03T02:53:00.001Z

Eru ekki allir í stuði!?

2008-07-03T01:55:00.005Z

O jæja. Ég tek aftur skammir mínar til fjölmiðla um daginn, þeir geta verið ágætir blessaðir.

Skemmtilegt heimabrugg
Peter and Wolf er fyrsta afurð plötufyrirtækisins Ching Ching Bling Bling sem stofnað var nýlega.

Trausti Júlíusson

Peter and Wolf er fyrsta afurð plötufyrirtækisins Ching Ching Bling Bling sem stofnað var nýlega. Á meðal aðstandenda CCBB er Pétur Jóhann Einarsson sem meðal annars var meðlimur í Pornopop, en hann og Bjarki Markússon mynda dúettinn Peter and Wolf.

Tónlistin á þessum frumburði Peter and Wolf er tilraunakennt sambland af tölvupoppi og indírokki og er skemmtilega ólík flestu öðru sem er verið að gefa út í dag. Nú þykir fátt jafn flott og að taka allt upp beint inn á band í sem fæstum tökum og kalla til glás af hámenntuðum hljóðfæraleikurum, en Peter and Wolf eru alveg á hinum endanum hvað sköpunarferlið varðar. Þeir vinna þetta allt sjálfir í heimastúdíóinu sínu og krukka svo í útkomunni, taka út, bæta við og bjaga og klippa inn í tónlistina brot héðan og þaðan, meðal annars samtalsbrot þeirra sjálfra og gamlar sönglagaupptökur frá fjölskyldu Bjarka. Útkoman er skemmtilega skrítið heimabrugg. Ljúfasta indípopp breytist í gamaldags tölvupopp sem þróast yfir í sýrukenndan hljóðagjörning og svo byrjar nýr poppkafli
Hljómurinn er "lo-fi" og Peter and Wolf notast jöfnum höndum við kassagítara, gamaldags trommuheila og synta. Söngurinn er oftast ljúfur og melódískur. Það eru sautján verk á plötunni, en mörg þeirra virka frekar eins og bútar en heil lög þannig að platan virkar best spiluð í heild sinni.

Þess má svo geta í niðurlagi að auk þess að gefa út nýtt efni dreifir Ching Ching Bling Bling eldri plötum aðstandenda útgáfunnar. Þannig er nú aftur hægt að nálgast báðar plötur Pornopop og plötuna Óðs manns æði með pönksveitinni Spírandi baunum, allar þrjár frábærar plötur. Til að fá frekari upplýsingar og tóndæmi er rétt að benda á www.chingchingblingbling.com.

TÓNLIST - Geisladiskur
Gerum þetta betur seinna
Peter and Wolf – Peter and Wolf ***--

Hljómsveitin Peter and Wolf, skipuð þeim Bjarka Markússyni og Pétri Jóhanni Einarssyni, hefur ekki látið mikið fara fyrir sér undangengin ár en sendir nú frá sér margt merkilega frumraun.

Hljómsveitin Peter and Wolf, skipuð þeim Bjarka Markússyni og Pétri Jóhanni Einarssyni, hefur ekki látið mikið fara fyrir sér undangengin ár en sendir nú frá sér margt merkilega frumraun. Platan, sem er samnefnd sveitinni, er óvenjulega fersk þrátt fyrir að vera hlaðin efni sem var hljóðritað á árunum 2002 til 2003. Vinnsla skífunnar er ófullkomin á sjarmerandi hátt, hrá og skrítin en umfram allt skemmtileg en einnig döpur og dimm og á köflum gallsúr. Persónulega finnst mér það sem félagarnir bjóða upp á einkar heillandi og afar skemmtilegt. Hins vegar er þetta tormeltur pakki og alls ekki gallalaus.

Platan er nokkuð löng, heil 17 lög og rúmlega klukkutími í spilun. Svo virðist vera að allt hafi fengið að fljóta með á diskinn, fortíðin skrásett og hreinsað upp úr skúfunum. Mér þykir þettahelsti löstur plötunnar því að þarna birtast, inn á milli, lög sem eyðaleggja heildarsvipinn, lög sem hvorki eru fugl né fiskur, eru tilgerðarleg og þjóna litlum tilgangi. Þetta á hvað helst við flipplögin undir lokin og hið Hot Chip-skotna „Ching Ching Bling Bling“. Að öðru leyti gefur platan skemmtilega sneiðmynd af hugmyndaríkri hljómsveit sem blandar saman tilraunakenndu tölvupoppi við gítarhljóma, drunur, óma og óra. Tónlistin er í heildina dreymin og dáleiðandi en í leiðinni myrk og rómantísk. Einfaldleikinn er nýttur til fulls og listalega vel. Naumhyggjan í hljómagangi og drafandi söngur minnir á hugvíkandi tónlist Spacemen 3 en melódíur Peter and Wolf fá mig til að hugsa til Bang Gang, Brian Eno og Can. Ekkert nema frábært um það að segja enda skemmtilega gert á frumstæðan og frumlegan hátt. Hér hljómar þó allt mun hrárra en hjá þeim listamönnum sem nefndir eru til viðmiðunar og sum laganna hefðu mátt fá betri meðferð en samt ekki því þetta er afar heillandi nálgun í heimi sem stefnir ávallt að fullkomnun.

Upphafs- og lokalag eru af öðrum meiði en meginefni plötunnar, þau eiga meira skylt við kvikmyndatónlist Vangelis (Blade Runner) oghryllingstónlist John Carpenter (Halloween) og eru alveg ágæt sem slík – þó svo að þau hefðu mátt vera styttri eða jafnvel á annarri útgáfu þeirra félaga þar sem þau gera lítið fyrir heildarsvip verksins sem er framsækið og hugvíkandi popp.

Peter and Wolf er ekki fyrir alla en þeir sem gefa plötunni tækifæri og líta framhjá augljósum göllum hennareiga von á ríkulegri uppskeruog umfram allt, ævintýralegri vakningu. Það er gott að láta vaða og gera betur seinna.

Jóhann Ágúst Jóhannsson

Áhugi á listum og náttúru
Húsfyllir var í nýuppgerðu samkomuhúsi Flateyjar á Breiðafirði um miðjan júní þegar þar var í fyrsta sinn opnuð málverkasýning.

sigridurp @frettabladid.is

Húsfyllir var í nýuppgerðu samkomuhúsi Flateyjar á Breiðafirði um miðjan júní þegar þar var í fyrsta sinn opnuð málverkasýning. Um var að ræða sýningu á verkum Jóns Bogasonar, rannsóknarmanns og frístundamálara.

Myndefnið tengist allt Flatey eða sjónum á einhvern hátt. Myndirnar eru frá löngu tímabili en Jón fékk ungur áhuga á að mála. "Ég hef alltaf haft gaman af að mála, þá sérstaklega að teikna og ég teiknaði mikið, einna helst botndýr," segir Jón. Hann hefur áður sýnt verk sín en þetta er fyrsta einkasýning hans.

Þegar Jón er spurður hvort hann máli ennþá segist hann ekki gera mikið af því. "Ég hef ekki verið að mála mikið í vetur, ég hef verið hálflatur við að mála síðustu árin," segir hann kíminn. Jón fæddist í Flatey á Breiðafirði hinn 9. apríl árið 1923 og ólst hann þar upp. Áhugi Jóns á náttúrunni kviknaði snemma. "Þegar ég var ungur var ég mikill grúskari og hafði gaman af að fara niður í fjöru í Flatey og skoða hluti eins og steina og marflær," segir Jón. Samt kom honum aldrei til hugar að læra neitt í því sambandi, eins og að verða náttúrufræðingur.

Jón hefur fengist þó nokkuð við myndlist um ævina og ekki kemur á óvart að myndefnið tengist sjónum á einhvern hátt. "Ég mála mest botndýr og landslagsmyndir," segir Jón. Hann stundaði nám við Myndlista- og handíðaskólann veturinn 1946-47. "Þegar ég kom suður fór ég í Myndlista- og handíðaskólann í einn vetur og líkaði vel," segir Jón.

Þekktasta málverk Jóns gerði hann áður en hann hóf myndlistarnám. Það ber nafnið Heimkoma víkingsins og var ljósmynd af verkinu forsíðumynd á afmælisriti Hafrannsóknarstofnunar árið 1987. Jón fluttist til Reykjavíkur árið 1953 með Yngva bróður sínum en settist fljótlega að í Kópavogi. "Ég flutti suður að mig minnir af því atvinnutækifærin voru í bænum," segir hann.

Jón hóf störf hjá Hafrannsóknarstofnun við rannsóknarstörf árið 1972 en þá hafði hann lengi starfað sjálfstætt að söfnun skeldýra og annarra sjávarlífvera. Hann hefur meðal annars fundið nokkur hundruð dýrategunda sem ekki voru þekktar áður viðÍsland og nokkra tugi tegunda sem aldrei höfðu fundist áður í heiminum, aðallega skeldýr en einnig krabbadýr. Heil ættkvísl skeldýra hefur verið nefnd í höfuðið á honum og er latneska heitið á henni Bogasonia. Jón fann eina tegund sem talið var að væri útdauð. "Ég fann fyrir nokkrum árum samlokur, ákveðna tegund skelja sem hefur ekki verið vitað um í 250 milljón ár vestur á Breiðafirði og það er það merkilegasta sem ég hef fundið," segir Jón.

2008-07-01T12:45:00.003Z

Rosalega var ég sammála þessum finnska kennslufræðingi í Kastljósinu í gær:

http://dagskra.ruv.is/streaming/sjonvarpid/?file=4365710/0

Þetta er ein af ástæðum þess að ég mætti ekki í útskriftina mína um daginn. Þegar ég hóf námið komst ég fljótlega að því, sá það og heyrði allt í kringum mig að það er óvinnandi vegur fyrir undirborgaðan kennara með takmarkaðan undirbúningstíma að sérhanna einstaklingsmiðað nám fyrir hvern nemanda í opnu rými í stórum bekk af hegðunartrufluðum krökkum með margsamsettar fjölskyldur og námsörðugleika. Ég komst einnig fljótlega að því að það er ekki vinsælt að gagnrýna þessa dystópísku draumsýn íslenskra skólayfirvalda í verkefnum og ritgerðum. Ég komst upp á lagið með að skrifa um það sem Kennaraháskólinn vildi heyra og fá fyrir það toppeinkun og klapp á bakið þótt það væri þvert á mína sannfæringu. Þess vegna var ég ekkert sérstaklega stolt af áfanganum og þótti lítið til námsins koma. Það gildir það sama í kennslu og í barnauppeldi almennt, að ef maður er sæmilega skynsöm og góð mannvera er langfarsælast að fylgja eigin hjarta í stað þess að hlaupa alltaf á eftir nýjustu straumum og stefnum í uppeldiskenningum.

2008-06-28T02:26:00.003Z

Andy Warhol hafði Candy Darling, Michael Alig í Party Monster hafði Christine. Ching Ching Bling Bling Bling hefur SBS.

2008-06-27T03:27:00.002Z

Ég verð að segja að ég var svolítið stolt af mér þegar ég borðaði kjötbollurnar í brúnu sósunni með bestu lyst þrátt fyrir að hafa tíu mínútum áður brugðist við kallinu: "Mammmmaaaa, bjóðir (bróðir) minn er að kúka í rúmið mitt!" Þegar ég kom inn í herbergið sat Halldór í rúminu hans Baldurs í kúkaklessu með vatnsmelónubita í annarri hendi og kúk í hinni. Áður en ég náði til hans stakk hann svo vitlausri hendi upp í sig. Svona hversdagslegir atburðir eru steinhættir að hafa nokkur áhrif á mig. Ég hreinsaði barn og umhverfi fljótt og fumlaust og kláraði svo að elda án þess að vorkenna mér hætishót. The Zen of mothers/housewives.

2008-06-26T03:55:00.008Z

Þetta er frystihúsið sem ég hef í huga fyrir hryllingsmyndakvöldið:

2008-06-24T02:53:00.002Z

Komin aftur. Vantar samt í mig bloggstuðið enn þá. Opnun málverkasýningar afa í Flatey gekk mjög vel þrátt fyrir smá Festen stemming fari í gang þegar stórfjölskyldan kemur saman í litlu húsi. Er þó mjög fúl yfir því að enginn fjölmiðill sinnti fréttatilkynningunni minni. Miðað við prumpið og fréttleysurnar sem birtast dagsdaglega, umfjallanir hvað eitthvað semi-celeb borðaði í morgunmat og hvenær útsaumurinn byrji í einhverri félagsmiðstöð aldraðra finnst mér ekki til of mikils ætlast að þeir sinni skyldu sinni og tilkynni a.m.k um þá menningarviðburði sem reynt er að vekja athygli á.

Er svo bara að reyna að vinna upp það sem sat á hakanum í vinnunni eftir alla þessa skipulagningu Ching partýs og málverkasýningarinnar og ætla svo að slaka rækilega á EN ég fékk óvart hugmynd sem verður þó líklega ekki framkvæmanleg fyrr en í ágúst: Ching chill helgi í Flatey. 25-50 manna hópur gæti farið saman í rútu einhvern föstudaginn til Stykkishólms, farið með Sæferðarbát í siglingu um eyjarnar, veitt Hörpudisk og étið hann um borð og endað í Flatey. Þar myndi verða slegið upp tjaldbúðum, grillað og endað á hryllingsmyndakvöldi í gamla frystihúsinu. Næsta kvöld eftir gott chill í kyrrðinni og góða veðrinu væri hægt að hafa súpu, brauð og tónleika í Samkomuhúsinu, varðeld í fjörunni og bjórkvöld í Saltkjallaranum. Is everybody in?

2008-06-15T01:55:00.011Z

Yndislegt kvöld. Allt gekk upp. Ótrúlega góð stemmning og ég er með hjarta fullt af þakklæti til allra sem sameinuðust um að skapa hana. Takk Svaný fyrir malladans, diskasölu, glasamerkingar, ráðgjöf, reddingar á fjörugu fólki og fyrir að lækka meðalaldurinn. Takk SBS fyrir kvikmyndainnblástur og morðóða trúðinn. Takk Snorri öryggisvörður fyrir stórkostlega eldspúun, vonandi ertu búinn að jafna þig í andlitinu, Takk Frikki fyrir vídeó, Takk Egill fyrir ljósmyndun, Takk Raggi Hannesarfrændi fyrir að láta dyraverðina vita af gaurnum sem var með ólæti og að dreifa klósettpappír um allt, Takk Jónsi fyrir blöðrublástur og kandíflossburð en nei þú færð pennana þína ekki aftur, Takk Jón fyrir að halda utan um sándið, Takk Loví fyrir andlitsmálun, Takk Ísar DJ fyrir skemmtilegt spjall og freyðivínsopnun, Takk mamma fyrir sálfræðiráðgjöf og barnapössun, Takk restin af Ching crewinu fyrir að þola æðisköstin mín, Takk Gréta Hannesarfrænka, Birgitta Hannesarfrænka og Dísa Bjarkakona fyrir almenna hjálpsemi, Takk Óskar fyrir hjólbörurnar, Takk María Hannesarsystir fyrir að koma bróður þínum heilum heim í rúmið, Takk Maggý og mamma hennar á 7-9-13 fyrir að gefa okkur frjálsar hendur, Takk Pétur og Úlfurinn fyrir frábæra tónleika og auðvitað yndislegar þakkir til allra sem mættu,sérstaklega þeirra sem styrktu listina með diskakaupum, þið voruð öll fokkíngs frábær.

Myndavélin mín var hálf biluð og ég er ekki búin að fá aðrar myndir í hendur en ég mun birta smá partí slideshow seinna. Það verður þó ekki fyrr en eftir rúma viku því á mánudag fer ég til Flateyjar á Breiðafirði í vikulangt í farsíma- og tölvulaust chill og set upp málverkasýningu fyrir afa minn. Ef einhverjir innbrotsþjófar eru að lesa þetta forget about it, Hannes verður heima og hann á þungan melludólgastaf með gullskafti and is not afraid to use it.

Hér eru svo plögg-greinarnar sem birtust: Fbl, Mbl
Rásar 2 viðtalið má finna hér í einhvern tíma en það þarf reyndar að hlusta í heilan 1 og hálfan tíma til þess að finna það.

Minni svo á Party Monster á RÚV sunudagskvöld. Við ching crewið ætlum að horfa á hana saman til innblásturs yfir freyði/jurtavínsafgöngum og halda svo fund í gufubaðinu.

2008-06-13T03:06:00.002Z

Verðum í viðtali á Rás 2 um tvöleytið (sennilega ég og Hannes) og X-inu um hálf-fjögur (sennilega Pétur, Hafsteinn og Bjarki (úlfurinn)) ef þið fáið einhvern tímann að hlusta á annað en Bylgjuna í vinnunni (og hvað er málið með það!? by the way)

2008-06-12T00:04:00.005Z

Þetta plögg er hörkupúl. Myndatökur, viðtöl og rassakyssun. Reyndi svo að dröslast með börnin í tvíburakerrunni um bæinn grenjandi og löðrandi í ís að hengja upp auglýsingar á kaffihúsum en gafst fljótlega upp.

Blöðrur og poppkornsbox komin í hús. Er að gera tilraunir með að stensla blöðrur og freyðivínsglös með lógóinu. Candyflossvélin eða sending hennar brást þó algjörlega og ég verð að treysta á að Kolaportskonan reddi mér. Annað kvöld verður poppað í svarta ruslapoka fyrir 150 manns eða eins og Svaný sagði: poppum like there's no tomorrow (sem er reyndar kjánalegt því við erum að poppa fyrir tomorrow ef að það væri enginn morgundagur þá væri tilgangslaust að poppa).

Kíkti á gluggann á staðnum í dag og sviðið virðist vera horfið ásamt fleiru og ekki næst í eigandann. Smá stress.

Diskurinn er kominn til landsins og úr tolli, ljómandi fínn. Verður seldur á partýverði 1000 kall í partýinu en verður almennt ekki til í búðum fyrr en eftir viku og þá á öðru verði. Búin að leigja posa og mun Svaný magadansmær strauja kortin lipurlega.

(Það er nú eitthvað að litunum þarna, coverið er ekki alveg svona)

Halldór er að grenja,bæ.

2008-06-11T04:02:00.006Z

Ókei ókei, ég veit ég er óstundvís, það vita það allir og það er óþolandi ósiður. En ég er samt hundfúl yfir því að það hafi bara gefist tími til að lita mig en ekki klippa þótt ég hafi komið 10-15 mínútum of seint. Sérstaklega þar sem manneskjan eyddi 20 mínútum í að þvo mér hárið á eftir litunina. Hringt var í mig þegar ég var að keyra í klippinguna og ég spurð hvar ég væri staðsett. Svo fékk ég svoleiðis augnaráð að það mætti halda að ég hefði beðið þær um að vaxa á mér rassahárin ókeypis. Ég þorði því ekki að segja hvað ég vildi og endaði óklippt með la la lit en ekki frábæran, var rukkuð um 7.900 fyrir litunina og þarf að koma aftur á morgun. Grunar að rukkað hafi verið fyrir blásturinn þrátt fyrir að ég hefði tekið fram að ég þyrfti ekki blástur (því ég vissi að þær rukka þúsara fyrir) en hún vildi endilega taka mestu bleytuna. Eyðilagði daginn og ég mér er enn illt í hjartanu. Og ef þú lest þetta einhvern tímann Líf frænka þá er þetta ekki um þig, þú ert í fríi erlendis svo ég þurfti að leggja hár mitt í hendur annarra minni spámanna. Þú ert frábær en ég hata hárgreiðslustofur. Fáranlegur hönnunargalli í mannskepnunni að vera með þetta flókabarð á kollinum.

Heyrðu já PS: Verð að hrósa góðri prentþjónustu hjá Pixel. Mjög vinalegur og klár starfsmaður, Hlynur að nafni reddaði restinum af deginum og létti af mér þungu fargi. Mæli með þeim.

2008-06-09T07:57:00.002Z

Nennti ekki að bíða eftir candy floss vélinni, samdi við nammibásakonuna í Kolaportinu um að gera slatta fyrir okkur. Búin að fullkomna poppaðferðina mína:

2 msk kókosolía, 1 msk smjörlíki, 1/2 bolli poppbaunir, 1 tsk Flavacol poppsalt.

Hitið í þykkbotna potti við miðlungshita þar til poppsmellirnir hægja verulega á sér, takið þá af hitanum og hellið í skál.

Má bæta við auka salti eftir á ef þurfa þykir (og poppsaltið fæst hjá mér).

2008-06-06T01:02:00.004Z

Þið eruð boðin eftir nákvæmlega viku. Annað hvort verður þetta geggjað partý eða algjört flopp. Hef verið á fullu við skipulagningu, hangið á netinu allar nætur að verða mér úti um poppkassa, candyflosspoka, blöðrur og DVD myndir til innblásturs og bakgrunns (Freaks, Forbidden Zone, The Happy Sideshow). Staðurinn er bókaður, elgleypirinn er klár, notaða candyflossvélin á leiðinni frá Þýskalandi, diskarnir á leiðinni til landsins frá USA, hljómsveitin er að ræða möguleikarana á gospelkór og harmonikkuleikara þegar hún ætti að vera að æfa og ég er búin að redda 22 kílóum af bíópoppsalti (það var ekki hægt að fá það í minni pakkningu). Þar sem það þarf bara eina teskeið í hverja poppun og þetta þá margfaldar lífstíðarbirgðir er ég að selja það í minni einingum til fjáröflunar fyrir partýið. 500 gr. á 500 kall. Sækið á Kárastíg 12.

2008-06-02T02:01:00.007Z

Smá snemm-miðaldrakreppa í gangi hjá mér. Ég fékk mér nýtt tattú á föstudaginn:

Því að;

1. Ég var orðin svo langþreytt, komin með hárið í tagl, fæturna í crocs skó og hálfa leiðina í flíspeysu. Kvennahlaupsbolurinn var eflaust ekki langt undan svo ég þurfti nauðsynlega að endurvekja rokkarann í mér.

2. Við Hannes göngum ekki lengur með giftingarhringana, hans var of laus og mér finnst óþæginlegt að vera með hringa. Hafði alltaf stefnt á einhvers konar brúðkaupstattú þótt ég hafi slegið af kröfum mínum um að Hannes fái sér slíkt hið sama verandi hreinn tattúsveinn og svona. Fyrir utan það brúðkaupsdagurinn var skemmtilegasti dagur ever þá finnst mér gott að hafa svona constant reminder um að við séum í þessu basli saman og það sé bannað að gefast upp.

3. Eftir að hafa verið hýsill fyrir aðrar verur sem, jafnvel þegar þær eru tilbúnar og búnar að ryðja sér út um það allra heilagasta, sjúga sig fastar og halda áfram að nærast mánuðum saman er nauðsynlegt að taka aftur stjórnina á líkamanum.

4. Hitti Vincent Húðflúrara á Dillon fyrir stuttu og eftir það spjall (+ hef séð hvað hann getur) ákvað ég að þar væri rétti maðurinn í verkið kominn. Pantaði því tíma á Tatto 69 og dreif í þessu. Svaný systir skissaði hjartað upp og hann stílfærði og betrumbætti. Umhverfið og húðflúrarinn skiptir nefninlega miklu máli í þessu samhengi. Ef menn þyrftu að panta tíma á Domus Medica og láta snyrtilegan mann í hvítum slopp tattúvera sig myndi listin deyja út.

5. Ooog mér hefur alltaf þótt Fran-N-Furter í Rocky Horror smókíng hot.

2008-05-29T23:49:00.002Z

Ja hérna, og ég fann ekki neitt.

2008-05-29T00:40:00.002Z

Oh jæja, grunaði svo sem að það væri bannað að flytja inn ólyfseðilsskyld lyf til landsins en asnaðist til að prófa það í bland við annað sem ég var að panta. Ég prófaði sem sagt að panta bryðjanleg barnaverkjalyf með ávaxtabragði þar sem ekkert slíkt er til hér á landi (var víst einu sinni en er hætt að fást hjá framleiðanda). Börnin mín síkvefuðu þvertaka fyrir að fá endarþarmsstíla þegar þau eru lasin, eru of lítil til þess að gleypa töflur og einu bryðjanlegu töflurnar eru vondar á bragðið og ekki hægt að plata þær ofan í þau. Sendingin er komin til landsins en það verður að farga henni. Gæti samt vel verið að te, vítamínsleikjóar og menthol krem sem eru þarna með sleppi. Ég nenni ekki að standa í neinu rosa veseni út af þessu enda er þetta hreinlega bannað með lögum (sem ég var þó ekki búin fletta upp í fyrirfram, pantaði þetta svefnvana um miðja nótt með veik börn):

"Sendingin sem hér um ræðir inniheldur lyf sem flutt eru inn frá Bandaríkjunum og að auki keypt í netverslun. Skv. 4. gr. reglugerðar nr. 212/1998, um innflutning einstaklinga á lyfjum til eigin nota, er óheimilt að flytja inn með pósti lyf frá ríkjum utan Evrópska efnahagssvæðisins. Ennfremur er póstverslun, þ.m.t. netverslun með lyf óheimil skv. 20 gr. lyfjalaga nr. 93/1994, með síðari breytingum. Í einstaka tilvikum veitir Lyfjastofnun undanþágu frá reglugerðum enda um lyf að ræða sem er sjúklingi lífsnauðsynlegt og hann af einhverjum ástæðum getur ekki nálgast lyfin hér á landi. Slík undanþáguveiting á því ekki við hér."

Svo var einnig bent á það í póstinum að Panodil junior mixtúra myndi uppfylla þörf mína á svona lyfi. Ég var að sjálfsögðu búin að prófa hana. Hef keypt hana og einhverjar bryðjanlegar Panodil töflur sem eiga að vera sæmilegar á bragðið en þótt þetta sé ekki hundvont er þetta ekki gott og börnin vilja ekki sjá þetta. Bandarísku verkjalyfin voru með spennandi brögðum eins og bubblegum burst og ég veit ekki hvað og hvað. Einnig voru þarna kveflosandi sleikjóar og hóstastillandi mixtúra og krem. Í apótekinu hér var mér sagt að engar hóstamixtúrur henti fyrir börn en það mætti svo sem gefa smá Pektolin sem er þó allt of sterkt á bragðið fyrir þau. Læknar segja að það þýði hvort eð er ekki, hóstamixtúrur virki aldrei almennt. Það má vel vera að bandarísk lyf séu stútfull af aukaefnum en það er eitt sem ég hef sannreynt á sjálfri mér. Þau virka! Kannski virka þau því það er svo dýrt að fara til læknis fyrir Bandaríkjamenn að peningagráðug lyfjafélagög hafa þrýst á að rótsterk lyf við öllum kvillum séu fáanleg án lyfseðils. Kannski eru þeir orðnir svo steiktir að þeir hafa hærra þol fyrir lyfjum hvers konar.

Ég pantaði:
Concentrated Tylenol Infant's Drops, Dye-Free, Cherry Flavor -1 fl oz $8.591
Mucinex for Kids Expectorant, Liquid Grape - 4 fl oz $8.791
Traditional Medicinals Just for Kids Cold Care Tea - 18 ea$4.591
Little Colds Cold Relief, Saf-T-Pops with Vitamin C & Zinc, Assorted Flavors $3.891
Mentholatum - Children's Chest Rub, Cherry Scented - 1.76 oz $3.891
Children's Tylenol Fever Reducer & Pain Reliever, Meltaways, Bubblegum Burst - $3.99

Allt voða litríkt og aðlaðandi. Hver myndi ekki velja þetta fram yfir það að fá stíl í rassgatið. Af hverju leyfi ég börnunum að hafa nokkuð um það að segja þegar ég þarf að gefa þeim lyf. Því ég virði börnin mín og þeirra skoðanir og mér hefur reynst vel þegar þau vilja ekki gera eitthvað að útskýra fyrir þeim af hverju hlutirnir þurfa að vera eins og þeir eru og fá þau til samvinnu við mig. Ef það tekst ekki, er ég í 80% tilfella bara hörð á því og geri það sem þarf að gera en mér finnst afskaplega sárt að þurfa að beita valdi og halda 3 ára hágrátandi og spriklandi barni niðri og neyða lyf ofan í annan hvorn endann á því. Mér finnst það bara hreint og beint ofbeldi.

Þót ég hefði fengið þetta í gegn hefði ég örugglega hvort eð er ekki viljað gefa þeim lyf sem ekki eru leyfð hér á landi. Maður treystir alltaf íslenska ofverndundarkerfinu best. En ég er alla vega búin að koma því á framfæri hér á veraldarvefnum að svona lyf sárvanti á íslenska markaðinn. Reyndar tekur enginn mark á slíku pípi nema það sé á Moggablogginu.

Nota svo tækifærið og þakka Maríu mágkonu fyrir að kaupa handa mér risastóran dunk af Excedrine töflum þegar hún kom úr ferðalagi um daginn. Blanda af aspríni og kaffíni. Það er það eina sem virkar þegar ég fæ hausverk. Eins og catch-phrase-ið á pakkanum segir: The pain stops, you don't.

Hmmm, talandi um frasa. Var að átta mig á því að ég hef aldrei prófað Mary Poppins aðferðina: A spoonful of sugar makes the medicine go down. Prófa það næst.

2008-05-27T01:50:00.004Z

Dudurudduuu duduruuu dudurudduu dudurududu. Ánægjuleg kvöldstund með nýju Indiana Jones. Ekkert svaka góð en skemmtileg og vekur upp notalegar tilfinningar. Og gaman að sjá að kennarar geta víst verið kúl.

2008-05-26T01:37:00.003Z

Er enn að sleikja sárin eftir árlegt óréttlæti júróvisjón. Það löngu orðið ljóst að lögin skipta ENGU máli lengur í þessari keppni en ég verð alltaf jafn svekkt. Við áttum fínasta júró kvöld samt, marineruðumst í heitum potti uppi í sumarbústað og tengdapabbi grillaði tælenskan kjúlla aftur, namm. Hannes hélt utan um stigin og þetta voru þau lög sem enduðu í topp 3 hjá mér.

Frakkland

Bosnía

og Spánn

2008-05-23T01:30:00.004Z

Leiðinlegt að Búlgaría komst ekki áfram, það var töff lag. Mér fannst líklegt að það kæmi einhver til okkar að horfa á júró svo ég ákvað að elda góðan mat og opna freyðivín frekar en að taka til. Svo kom enginn. Það var þó fyrir bestu því ég óska engum öðrum þess að þurfa að reyna að horfa á júró með syni mína nálægt síblaðrandi og skrækjandi klínandi frostpinnum út um allt. En alla vega, maturinn var geggjaður. Ég fékk hann í fermingarveislu hjá syni Boga og Nok um daginn og er búin að vera að hugsa um hann síðan. Eins og himnasending birtist svo Nok með uppskriftina í blaði fyrir stuttu. Hérna er hún ef þið viljið spreyta ykkur:

2008-05-22T09:10:00.004Z

Dolldið bissí núna. Rétt að tékka mig inn til þess að mæla með þessari frábæru leiksýningu fyrir allar mömmur og þá sem eiga mömmur. Ekki nóg með að þetta sé flott sýning þá fær maður bleika ullarsokka og mjúkan púða við komuna og pönnsur og kaffi eftir sýningu. Það var ofsalega huggandi að sjá að fleirum en mér finnst móðurhlutverkið vera súrrealísk geðveiki sem mæður ná að breiða yfir með stóískri ró svo það virðist vera dans á rósum út á við.

Svona drífa sig, 4 sýningar eftir, síðasta á sunnudag.

2008-05-16T12:40:00.010Z

WAAAHÚÚÚÚ!!! Búin í skólanum, for good. Eða þar til ég nenni að klára masterinn. Var að skila af mér lokaritgerð. Samviskubitið minnkar þá kannski um 25% og það verður smá pláss í heilanum fyrir skemmtilegri hluti. Fyllerí anyone?

(PS: Fyrir forvitna sem ekki vita þá var ég sem sagt að klára kennsluréttindanám og fæ þá í kjölfarið enskukennsluréttindi í framhaldsskóla og efri bekkjum grunnskóla. Verst að mig langar ekkert að kenna. Masterinn sem um ræðir er þá blaða- og fréttamennska ef að ég fæ prófið mitt í hagnýtri fjölmiðlun metið inn í það, annars hagnýt menningarmiðlun. Þetta er náttúrulega bara veruleikaflótt og ekkert hagnýtt við þetta þar sem ég daga alltaf uppi sem bloggandi húsmóðir hvort eð er)

(Svo er ég nú hvort eð er helvíti fín í menningarmiðlun á blogginu ekki satt. Hér má t.d. finna ágætis fyrirlestur um mannskemmandi áhrif skólakerfisins og gengisfellingu náms)

2008-05-15T07:03:00.001Z

2008-05-14T07:05:00.003Z

Ég er að skríða saman. Allt komið í ágætt horf nema þolinmæðin. Ég er búin að vera með dúndrandi hausverk í þrjá daga samfleitt með öskrandi börn í kringum mig sem blasta Latbæ og Prúðuleikarana í botn og fékk ekki frið til að sofa nema með því að leyfa 10 kílóa möru að liggja ofan á mér og sjúa sig fasta við geirvörturnar og jórtra þar klukkutímum saman. Er frekar cranky í skapinu.

Ég er búin að bakka aðeins með eiturefnafríu heilsubúðaáætlunina, aðallega kreppunnar vegna en ætla samt að taka baby steps í átt að hreinna mataræði.

Ef einhver vörubílstjóri vill eiga spreymatarlitinn minn og hefna sín á gasmanninum er honum það guðsvelkomið.

Innihaldslýsingin:

Ethanol, Isobutane, Propane, Glycerin, Corn Starch, FD&C Red #40, Silicon Dioxide, Citric Acid, Sodium Benzoate

Lítum nánar á efnin (mjög hlutdrægt)

Ethanol, also called ethyl alcohol, grain alcohol, or drinking alcohol, is a flammable, colorless, chemical compound. It is best known as the type of alcohol found in alcoholic beverages and in thermometers. In common usage, it is often referred to simply as alcohol. Ethanol evokes a distinctive heat-like sensation in the mouth and a stinging sensation on the skin. In the body it is metabolized to other substances, affecting the central nervous system in particular. It has a complex mode of action and affects multiple systems in the brain.

Isobutane, also known as methylpropane or 2-methylpropane, is an alkane, isomeric with butane. Recent concerns with depletion of the ozone layer by freon gases have led to increased use of isobutane as a gas for refrigeration systems, especially in domestic refrigerators and freezers.

Propane powers some locomotives, buses, forklifts, and taxis and is used for heat and cooking in recreational vehicles and campers. Propane is nontoxic; however, when abused as an inhalant it poses a mild asphyxiation risk through oxygen deprivation. If a leak in a propane fuel system occurs, the gas will have a tendency to sink into any enclosed area and thus poses a risk of explosion and fire.

Glycerol is a chemical compound also commonly called glycerin or glycerine. Used as a laxative when introduced into the rectum in suppository or liquid (enema) form; irritates the bowel and induces a hyperosmotic effect.

(Danger of contamination with diethylene glycol: On May 4, 2007, the US Food and Drug Administration advised all US makers of medicines to test all batches of glycerine for the toxic diethylene glycol.[11] This follows an occurrence of 100 fatal poisonings in Panama resulting from a Chinese factory deliberately falsifying records in order to export the cheaper diethylene glycol as the more expensive glycerol.)

Corn Starch...it can also be used for making highly flammable and explosive jellies.

Despite the popular misconception, Allura Red AC is not derived from the cochineal insect. Red AC is derived from coal tar.
Allura Red AC may cause an adverse reaction in the small number of people with an aspirin intolerance or allergy, manifesting itself as a skin rash (urticaria) and/or nausea. In Europe, Allura Red AC is not recommended for consumption by children. It is banned in Denmark, Belgium, France, Germany, Switzerland, Sweden, and Austria.[6] The European Union approves Allura Red AC as a food colorant, but EU countries' local laws banning food colorants are preserved.[7] In the United States, Allura Red AC is approved by the Food and Drug Administration for use in cosmetics, drugs, and food. It is used in some tattoo inks and is used in many products, such as soft drinks, children's medications, and cotton candy.

[...]Professor Jim Stevenson from Southampton University, and author of the report, said: "This has been a major study investigating an important area of research. The results suggest that consumption of certain mixtures of artificial food colours and sodium benzoate preservative are associated with increases in hyperactive behaviour in children." The following additives were tested in the research:..Allura red AC (E129) - Orange / red food dye[1]...

Silicon dioxide. It is a principal component of most types of glass and substances such as concrete. Inhaling finely divided crystalline silica dust in very small quantities (OSHA allows 0.1mg/m3) over time can lead to silicosis, bronchitis or cancer, as the dust becomes lodged in the lungs and continuously irritates them, reducing lung capacities (silica does not dissolve over time). This effect can be an occupational hazard for people working with sandblasting equipment, products that contain powdered silica, and so on. But children, asthmatics of any age, allergy sufferers and the elderly, all of whom have reduced lung capacity, can be affected in much shorter periods of time.

Citric acid is the active ingredient in some bathroom and kitchen cleaning solutions. A solution with a 6% concentration of citric acid will remove hard water stains from glass without scrubbing. In industry it is used to dissolve rust from steel.[4]Citric acid is recognized as safe for use in food by all major national and international food regulatory agencies. Close contact to the eyes can cause a slight burning sensation, and may cause loss of sight.

Professor Peter Piper of the University of Sheffield claims that sodium benzoate by itself can damage and inactivate vital parts of DNA in a cell's mitochondria. "The mitochondria consumes the oxygen to give you energy and if you damage it - as happens in a number of diseased states - then the cell starts to malfunction very seriously. And there is a whole array of diseases that are now being tied to damage to this DNA - Parkinson's and quite a lot of neuro-degenerative diseases, but above all the whole process of aging.Research published in 2007 for the UK's Food Standards Agency suggests that sodium benzoate (E211) is linked to hyperactive behaviour and decreased intelligence in children. According to the report, a high consumption of sodium benzoate is associated with a reduction in IQ of close to 5.5 points. On 6 September 2007, the British Food Standards Agency issued revised advice on certain artificial food additives, including sodium benzoate (E211)

MMMMM yummy

2008-05-11T06:36:00.003Z

Ég tek til baka það sem ég sagði um barnaafmæli. Þau eru skelfileg. Reyndar missti ég alveg af afmælinu þar sem ég féll í gólfið stuttu eftir að ég ritaði síðustu færslu með skjálfta, verki og stingandi hausverk og rétt náði að stinga síðustu múffunum inn í ísskáp áður en ég skreið upp í svefnherbergi og mældist með 40 stiga hita. Ég setti afmælið nokkurn veginn á sjálfsstýringu eftir það en skilst að það hafi heppnast ágætlega vel. Ég færi eiginmanni, ættingjum og heimilishjálp mínar innilegustu og bestu þakkir fyrir að sameinast um að bjarga herlegheitunum fyrir horn. Sumir vilja meina að ég hafi bakað yfir mig, aðrir kenna flensu um en ég er alveg viss um að ég hafi orðið fyrir eituráhrifum af matarlit í spreyformi sem ég gerði tilraunir með að nota á múffukremið. Ég var nefninlega mjög hress þar til ég fór að skreyta múffurnar.

Ég get alveg rökstutt þetta en er enn þá hundveik og nenni ekki að blogga meira. Það fóru þó í gang hjá mér alls konar husunarferlar og fyrri efasemdir um aukaefni í matvælum, aspartam og meira að segja tengingu þeirra við geimverur og hugarstjórn. Ég ætla að taka rækilega til í eldhúsinu núna eftir helgina, henda hlutum út og fara að versla meira í heilsubúðum. Ég sé það bara allt í kringum mig hjá fjölskyldu og vinum að það eru óútskýrðir kvillar að hrjá marga og engin svör eða lækning fæst. Flestir vita að lífstíllinn er ekki eins og best væri á kosið en við erum of upptekin í amstri dagsins til að taka mataræðið í gegn. Auk þess eru eiturefnafrí matvæli fokk dýr...og litlaus....og bragðvond...og leiðinleg. En ég ætla að reyna og gá hvað gerist. Þeir sem átu neonlituðu múffurnar í afmælinu þurfa ekki að panikka, ég hætti við spreylitina og notaði aðra...en reyndar voru þeir litir frá sama fyrir tæki og langt frá því að vera heilsuvara.

Talandi um aspartam, eðlisávísunin hefur alltaf varað mig við því að kaupa diet vörur en ég tala alltaf fyrir daufum eyrum þegar ég minnist á óhollustu þeirra við gallharða neytendur sem verja þær með kjafti og klóm án þess að hafa nokkuð "vísindalegt" á bak við sig frekar en ég. Ég get ómögulega munað og þulið upp niðurstöður þeirra fjölmörgu rannsókna sem sýna fram á skaðsemi þess en ég er voða hrifinn af þessari mynd:
Sweet Misery. Hún er ekki fast paced með skemmtilegum teiknimyndafígúrum og brellum eins og Michael More notar í sínum myndum svo sauðsvartur almúginn nenni að horfa á þær en það er mikið af upplýsingum þarna sem allir sem hafa áhuga á því að komast sæmilega heilbrigðir í gegnum lífið ættu að kynna sér. Rosalegast var heartbreaking viðtal við konu sem fékk 50 ára fangelsisdóm fyrir að eitra fyrir manninum sínum og situr enn í fangelsi því enginn benti á að það magn af metanoli sem fannst í líkama hans hefði vel getað safnast þar fyrir vegna aspartam vara sem hann neytti í gríðarlegu magni (Aspartam brotnar niður í metanól).

Take care, beware, beware

2008-05-10T04:47:00.006Z

Jei, barnaafmæli! Ástæða þess að ég eignaðist börn. En mér finnst reyndar bara gaman að undirbúa þau, ekki vera í þeim. Endilega komið í afganga í kvöld, en ekki vekja mig.

2008-05-08T18:42:00.016Z

Sjiiiiiiii líkaminn virkar alveg á debet og kredit greinilega. Ég var alvarlega að snappa vegna svefnskorts og álags en náði algjörlega að hlaða batteríin með hekli, metaltónleikum og tiltölulega samfelldum svefni í nótt.

Varðandi metalinn þá komum við Sunna við á Organ eftir saumaklúbbinn Saumasköp til þess að horfa á einhvern mest sexí frontmann hljómsveitar ever: Adda í Sólstöfum. Viðurkenni það alveg skýlaust að það var tilgangur tónleikaferðarinnar þar sem ég hef aldrei haft neitt sérstakt gaman af hljómsveitinni eða íslensku metalsenunni yfir höfuð. Það kom því hressilega á óvart hversu kick ass góð tónlistin var, sérstaklega í síðari hálfleik tónleikanna. Þekki það svo sem ekki, en gæti vel trúað því að þeir hafi byrjað á nýrra efni og endað á eldra og þéttara. Þeir lúkka alla vega helvíti vel um þessar mundir og geta gert ótrúlegustu hluti með hveiti. Gaman að sjá almennilegar hljómsveitir sem eru meðvitaðar um heildar útlitið og spila ekki bara í handahófskenndum stuttermabolum. Rosalega kann ég vel að meta það að búa í miðbænum. Hér geturðu á hvaða degi sem er dottið inn á rokktónleika á heimsklassa, setið svo nálægt að þú finnur typpafýluna og verið svo jafn vel samferða hljómsveitinni heim.

Ég held að mér sé óhætt að mæla fyrirfram með Metal þætti Arnars Eggerts á Rás 2 í kvöld kl 22:07, þar sem Addi verður gestur. Black metal söngvari sem hlustar á Tom Jones vínil heima hjá sér hefur þetta vissa je-ne-sais-quoi sem aðgreinir sannar stjörnur frá almúganum.

2008-05-06T06:14:00.002Z

Til hamingju beibí!

2008-05-05T06:01:00.006Z

Já og diskurinn sem um ræðir er sem sagt:

Smokin Bats at Campton's með Primevil frá 1974.

Mögulegir forfeður stóner/eyðimerkur rokksins. Gáfu aðeins út þessa einu plötu sem hefur lengi verið eftirsóttur gripur meðal safnara og er nú komin út á disk.

Hér má heyra tóndæmi:

2008-05-05T05:48:00.003Z

Var að hlusta á útvarpsþátt (Furðufugla - takk Frank Hall) á netinu með öðru eyranu á meðan ég var að vinna og heyrði allt í einu geðveika tónlist. Fann hana ekki til niðurhals þannig að hviss bang búmm ég pantaði disk (aldrei þessu vant) á CD Baby. Hef ekki verslað við þá áður en mun pottþétt verða fastur kúnni héðan í frá. (Ég sá reyndar eftir á að ég hefði getað keypt niðurhal af þeim líka og mun öruglega frekar nota þann fítus en alla vega...) Þeir hafa greinilega ákveðið að bregðast við minnkandi sölu á áþreifanlegri tónlist með því að leggja áherslu á persónulega þjónustu. Fyrst fékk ég staðfestingu á pöntuninni í tölvupósti með yfirskriftinni CD Baby loves Berglind og svo þegar diskurinn var sendur fékk ég þennan indæla póst:

Your CD has been gently taken from our CD Baby shelves with
sterilized contamination-free gloves and placed onto a satin pillow.

A team of 50 employees inspected your CD and polished it to make sure
it was in the best possible condition before mailing.

Our packing specialist from Japan lit a candle and a hush fell over
the crowd as he put your CD into the finest gold-lined box that money
can buy.

We all had a wonderful celebration afterwards and the whole party
marched down the street to the post office where the entire town of
Portland waved "Bon Voyage!" to your package, on its way to you, in
our private CD Baby jet on this day, Sunday, May 4th.

I hope you had a wonderful time shopping at CD Baby. We sure did.
Your picture is on our wall as "Customer of the Year." We're all
exhausted but can't wait for you to come back to CDBABY.COM!!

Thank you, thank you, thank you!

Sigh...

--
Derek Sivers, president, CD Baby
the little store with the best new independent music
http://cdbaby.com cdbaby@cdbaby.com (503)595-3000

2008-05-04T03:42:00.001Z

Just for the record. Hurtigtvirkende Gerimax Ginseng instant energy tyggegummi sem selt er á 600 kall í apótekum virkar ekki.

2008-05-03T07:06:00.003Z

Stay in school kids.

Æ Corey minn, þrátt fyrir allt væri ég enn til í að skreppa til Tahiti með þér og hlusta á japanskt fönk!? á meðan höfrungar synda um blóðrásirnar okkar.

2008-05-01T02:32:00.000Z

2008-04-30T02:02:00.002Z

Ég verð að hætta að borða eggjasalat á nóttunni

2008-04-29T02:49:00.004Z

Madness creeping in. Er búin að skila verkefninu (takk tengdó, þú átt inni hjá mér blómvönd fyrir hjálpina), kl er 3 um nótt og ég var að búa mér til eggjasalat.

2008-04-28T02:11:00.002Z

Ekkert blogg í þessari viku. Crazy busy. Annað af tveimur lokaverkefnum due á miðnætti á mánudag og 40 vinnutímar eftir til þess að geta skilað vinnuskýrslu á föstudag og Halldór er ekki með pössun. Bara svona rétt til þess að láta vorkenna mér og þið eyðið ekki dýrmætum tíma í að tékka hér inn.

2008-04-25T05:05:00.001Z

Heyrðu já, gleðilegt sumar og svona.

2008-04-22T03:11:00.003Z

Lok bíódaga. Menningarkvótinn fullur í bili.

Bang bang ratatatata. Tropa de Elite var töff og brútal en ekki alveg eins góð og ég hélt, alla vega ekki eins góð og City of God (sem henni er líkt við) er/var. Ég fékk dúndrandi hausverk af portúgölskunni, öskrunum og öllum byssuhvellunum og gat ekki hætt að hugsa um hvað aðalleikarinn er líkur Katie Holmes.

2008-04-21T02:17:00.004Z

Misheppnaður bíódagur 3.

Komum of seint og var ekki hleypt inn á Tropa de Elite en við fórum á Living Luminaries sem reyndist vera illa gert, hundleiðinlegt drasl. Alla vega fyrsta korterið, svo sofnaði ég en Svaný syss sat í gegnum hana og staðfesti þetta mat. Illa leiknir kaflar valda kljánahrolli og stuttir samhengislausir viðtalsbútar við nýaldargúrúa sem varpa fram til skiptis algjöru rugli og common sense ráðum varðandi hamingjuleit. Meira að segja trailerinn er svo leiðinlegur að ég set hann ekki hér inn. Eins og Svaný benti svo réttilega á þegar við gengum út úr bíóinu þá værum við hamingjusamari hefðum við ekki farið á þessa mynd.

2008-04-20T02:26:00.001Z

Nýja Breeders platan í heild sinni:

(Takk Pétur fyrir ábendinguna. Og Hafdís this one goes out to you)

Mountain Battles Record Release Party from The Breeders on Vimeo.

2008-04-17T02:37:00.006Z

Bíódagur 2

Heimildarmyndirnar Surfwise of Lake of Fire.

Surfwise er lítil og sæt fjölskyldusaga, hvorki léleg né góð. Mér þótti gaman að horfa á hana þótt ég hafi sofnað af og til. Læknamenntaður brimbrettakappi snýr baki við efnishyggjunni, kynnist nýrri konu eftir einhvers konar kynferðisleg áheyrnarpróf og ferðast um í húsbíl þar sem þau eignast níu brimbrettabörn. Í myndinni segja börnin frá ævintýralegri æsku sinni í bílnum, kostum og göllum, en þau sóttu aldrei skóla. Fyrri helming myndarinnar var ég farin að hafa áhyggjur af sjálfri mér. Ég var alvarlega að hugsa um að sannfæra Hannes um að við ættum að hætta í vinnunni, selja húsið, kaupa Volkswagen rúgbrauð og halda á suðrænar slóðir með drengina. Síðan kom í ljós að uppkomnu börnin eru öll meira eða minna eitthvað bitur út í kallinn fyrir uppeldisaðferðina og nánari lýsingar á aðbúnaðnum í bílnum tóku mesta glansinn af þessu. Svo mundi ég líka eftir því að ég þoli alls ekki hvernig sandurinn límist við mann á ströndinni og sest inn í allar líkamsfellingar. Allir verða vinir að lokum á endurfundum þar sem þau mynda heilagan hring og vilja þegar upp er staðið ekki breyta neinu. Mér fannst börnin öll afskaplega flott og vel heppnuð. T.d. má sjá tvo bræðranna, söngvara í 90's one hit wonder bandinu Flys í þessu vídeói:

Lake of Fire.

Úff. 2,5 tímar og dúddinn var 18 ár að gera hana. Heví stöff sem ég hyggst ekki fara með í flimtingum á annars léttlyndri bloggsíðu sem þessari. Hún er mjög ítarleg og fróðleg, grafísk myndskeið, viðtöl við djúpþenkjandi fræðimenn, starfsfólk innan fóstureyðingageirans, kristna öfgamenn og konu sem gengur í gegnum ferlið. Ég verð að segja að ég bjóst við að með þessari ofurviðkvæmni sem ég hef fengið sem fylgikvilla með móðurhlutverkinu myndi ég ekki höndla myndskeiðin af sundurlimuðu fóstrunum og jafn vel skipta að einhverju eða öllu leyti um þá skoðun sem ég hafði á málinu. Sú varð ekki raunin. Ég varð mun meira sjokkeruð á kristna öfgafólkinu, fáfræðinni, rökleysinu, gjörsamlega mótsagnakenndri hegðan, geðveikinni og hatrinu sem virtist brenna í brjósti þeirra en nokkru öðru. Eina skiptið sem ég táraðist var svo vegna samkenndar með konunni sem talað var við í lokin og sýnd ganga í gegnum þetta. Mér finnst ég vera óendanlega heppin að hafa aldrei þurft að taka svona erfiða ákvörðun. Þetta er óleysanleg deila þar sem allar hliðar hafa eitthvað til síns máls og ótal þættir spila inn í, allt of flókið til að hægt sé að vera einfaldlega með eða móti og aðstæður hverju sinni jafn misjafnar og þær eru margar. Að lokum verður hver að eiga þetta við sig. Og þá er gott að vera vel upplýstur.

En nóg af drama og tökum upp léttara hjal. Fyrst ég er byrjuð á einhverjum trailerainnsetningum skelli ég inn einum fyrir King of Kong:

2008-04-15T01:05:00.000Z

2008-04-14T02:31:00.004Z

Ég er farin að sjá vonarglætu í pylsuendanum. Gréta Hannesarfrænka kom færandi hendi í kvöld með Mac for Dummies. Kærar þakkir Gréta mín!

Síðla sama kvöld keyptum við Svaný systir okkur hið árlega Bíódagakort sem við deilum bróðurlega enda sama sinnis um þær myndir sem okkur langar helst að sjá.

Ekkert hestaklám í ár eins og í fyrra en við ætlum á: King of Kong, The Band's Visit, Surfwise, Lake of Fire, Tropa de Elite og Living Luminaries

Í kvöld tókum við King of Kong og Band's Visit

King of Kong. Snillldar heimildarmynd. You just can't make this shit up! „Vondi“ kallinn er hrokafullur sósusölumaður með sítt að aftan, USA fánabindi og sílíkonbombukonu en sá „góði“ hæglátur, tilfinninganæmur grunnskólakennari og fjölskyldufaðir. Eiga þeir svo í taugatrekkjandi baráttu um alheims-highscore-ið í Donkey Kong. Nú verð ég að fara að setja ný batterí í Donkey Kong tölvuspilið inni á klósetti og skora Hannes á hólm. Verst þykir mér að það er greinilega sama hvað maður kemst langt í leiknum. það er ekki hægt að bjarga stelpunni.

Mæli einnig með Band's visit:

Hún hefði aldrei gengið upp sem bandarísk framleiðsla en þessi ísraelski/egypski bræðingur smellpassar alveg. Hún rennur ljúflega á milli hebresku, arabísku og ensku og persónusköpunin, leikararnir, umhverfið og stemmingin halda manni alveg þótt ekkert gerist. Hún er ekkert hahaaha fyndin en brosleg og mannleg. Fékk nokkrum sinnum gæsahúð en það var nú svo sem frekar kalt í salnum.

2008-04-13T00:44:00.004Z

Af hverju er Myspace-ið hjá mér allt á spænsku!!?? Þegar ég fer á mína síðu eða bara myspace.com kemur alltaf myspace.com/Latinoamericá. Ég get svo sem kraflað mig út úr þessu, svolítið kúl en þetta er samt aðallega böggandi. Eru fleiri að lenda í þessu, að fá Latino viðmótið? Ekki eru þetta eftirköst makkaskiptanna minna? Einhver ráð?

2008-04-12T01:24:00.002Z

Nú þori ég ekki að sofna. Var að enda við að bæsa hillu frá IKEA og það stendur: Warning, risk of spontaneous combustion.

2008-04-11T23:08:00.003Z

Yfirskilvitlegir hæfileikar mínir létu aftur á sér kræla í kvöld. Eftir ferð á bókasafnið, fórum við fjölskyldan á American style og dótið sem fylgdi barnaborgaranum voru upptrekktar tennur, NÁKVÆMLEGA eins og þessar sem fylgja bloggfærslunni hér að neðan auk þess sem á staðnum var höfundur bókarinnar sem ég hafði rétt í þessu verið að skila. Eru einhverjir ekki sannfærðir enn þá eða...

2008-04-10T04:09:00.002Z

Hannes vann. Ég sprakk á sparnaðinum í dag. Keypti kuðungakrabba í búri í 85 ára afmælisgjöf handa afa og það að nota kortið aftur setti af stað einhverja keðjuverkun. Ég fór með strákana á McDonalds á eftir, fékk mér kók í fyrsta sinn í þrjá daga sem kveikti einhvern óslökkvandi kókþorsta svo ég vaknaði upp 3 í nótt með koffínhausverk og fór eins og í leiðslu út í bíl, keyrði í 10-11 og keypti mér 2 lítra, pastabakka, súkkulaði og banana. Ég hef aldrei farið svona um miðja nótt út í búð og fannst það voðalega gaman og stórborgarlegt. Mér leið samt skringilega og vissi ekki hvort ég ætti að bjóða gott kvöld, dag eða nótt. Við afgreiðlumaðurinn sögðum svo ekki neitt en ég var viss um að hann var að velta fyrir sér af hverju ég væri vakandi og hvort ég ætlaði að nota bananann í vafasömum tilgangi.

2008-04-08T23:35:00.007Z

Fór í fermingarveislu á sunnudaginn. Aldrei þessu vant var ég búin að hlakka mikið til þar sem um var að ræða son Boga frænda míns og hennar Nok en þau eiga tælenska heimaveitingastaðinn á Álftanesi sem er bókaður fram á næsta ár. Þar sem Nok eldar besta mat í heimi fékk ég pössun fyrir strákana svo við Hannes gætum borðað almennilega. Ég vildi vera voða fín svo nóttina áður notaði ég tímann þar sem ég var hvort eð er föst fyrir framan tölvuna og setti í mig Carmen rúllur og tannhvíttunarstrimla sem ég keypti á e-bay. Ég vaknaði svo með þvílíkar vítiskvalir í tönnunum eins og fólkið þarna í gömlu auglýsingunni sem fær eldingu í tennurnar þegar það borðaði ís eða drakk kakó, nema ég fékk svoleiðis þegar ég andaði. Ég naut því veislunnar ALLS ekki sem skyldi þrátt fyrir gífurlega girnilegar kræsingar. Talaði með undarlegum blísturshljóðum og reyndi að láta matinn leysast upp í munninum svo ég þyrfti ekki að tyggja hann. Já beauty is pain eins og maðurinn sagði, eða eins og maðurinn minn sagði, þú verður að ákveða hvort þú vilt gular tennur eða engar tennur,

2008-04-08T04:00:00.001Z

2008-04-08T03:42:00.003Z

Jæja, sagði Hannes í dag, nýkominn úr strákaferð til Amsterdam með nokkra metra af visa-færslum í vændum. Þetta gengur ekki lengur, nú verðum við að hætta að eyða eins og geðsjúklingar og fara að spara. við. VIÐ!!?? Ég nennti ekki einu sinni að malda í móinn, þessu er ekki viðbjargandi. Ákvað að taka áskoruninni, sjáum til hver gefst upp fyrst. Vona bara að börnin fái ekki skyrbjúg á meðan.

2008-04-06T04:29:00.001Z

Æ greyi Hannesinn minn. Það á ekki af honum að ganga.

2008-04-01T00:32:00.002Z

Hugur minn er greinilega afar næmur og vel tengdur inn í alheimsvitundina um þessar mundir. Um daginn var von á gesti og mér datt í hug að baka vöfflur og bera fram með jarðaberjasultu og ekta rjóma, en það var eitthvað sem ég hafði ekki gert í háa herrans tíð. Þær vöktu mikla lukku og allt í fína með það. Um kvöldið var ég svo að fikta í símanum hans Hannesar og sá sms frá viðkomandi gesti sem sent hafði verið um morguninn þar sem hann spurði hvort hann fengi ekki örugglega vöfflur með rjóma í heimsókninni!!! Go figure.

Síðan fékk ég allt í einu mikla löngun í eggjasalat og keypti mér eggjabakka og stóran dunk af majonesi sem ég er búin að vera að maka á franskbrauð og troða í mig í tíma og ótíma alla síðustu viku. Þetta minnti mig á atriðið úr 40 year old virgin þar sem Steve Carell er að segja frá helginni sinni sem hann eyddi í að búa til hið fullkomna eggjasalat og langaði svo ekkert í það þegar upp var staðið. Ég fann hvergi atriðið en á meðan á leitinni stóð komst ég að því að síðasta vika var einmitt National egg salad week í Bandaríkjunum.

David Blaine eat your heart out.

South Park Mac vs. PC

2008-03-27T06:43:00.001Z

2008-03-26T21:37:00.002Z

Arrrg. Við erum komin með nýja heimilistölvu og iMac í þetta sinn. Ég hef aldrei prófað makka áður og er algjörlega handalaus. Ég meika ekki að geta ekki hægriklikkað á hluti og þessi helvítis regnbogakúla sem kemur upp þegar tölvan er að vinna er að gera mig brjálaða. Hún rúllar bara og rúllar en ekkert gerist. Mér tókst að færa hestu gögn yfir, myndir, tónlist og office skjöl en ég get ekki opnað forrit sem ég var með, hvorki þau sem ég reyndi að færa yfir né þau sem ég er að downloada upp á nýtt. Ég er enn með gömlu PC tölvuna í rymjandi og skröltandi gangi við hlið hinnar og skipti yfir þegar ég er alveg að snappa. En hún er ógeðslega flott iMac tölvan hún má eiga það. Voða hipp og kúl viðmót, hvorki snúrur né tölvukassi, risaskjár og lyklaborð sem hrein unun er að hamra á. Mjúkir takkar og fallegt pikkhljóð. Ég svindlaði í vélritunartímum í gamla daga með þeim afleiðingum að ég er aðeins með hálfa fingrasetningu og þarf að skáskjóta augum á lyklaborðið þegar ég skrifa en á þessu lyklaborði virðist ég vélrita eins og vindurinn. Phjúúúúu phjúúúu

2008-03-24T00:53:00.004Z

Mmmm watcha sayyy

Takk Loví systir. Búin að vera með þetta á heilanum alla páskana.

2008-03-20T03:37:00.000Z

Awwwwwww...